មីយ៉ាន់ម៉ា ៖ ការរញ្ជួដី កើតជាថ្មីច្រើនដងទៀត នៅភូមា នៅថ្ងៃសៅរ៍នេះ ខណៈអ្នកស្លាប់ឡើងដល់ជាង៣,៣០០នាក់ ។ ការរញ្ជយដីចំនួន៨ បានកើតមាននៅប្រទេសភូមា…
មីយ៉ាន់ម៉ា ៖ ការរញ្ជួដី កើតជាថ្មីច្រើនដងទៀត នៅភូមា នៅថ្ងៃសៅរ៍នេះ ខណៈអ្នកស្លាប់ឡើងដល់ជាង៣,៣០០នាក់ ។ ការរញ្ជយដីចំនួន៨ បានកើតមាននៅប្រទេសភូមា ចាប់តាំងពីកណ្តាលយប់ថ្ងៃសុក្រ រហូតដល់ព្រឹកថ្ងៃសៅរ៍ ទី៥ មេសានេះ បើតាមការផ្សាយរបស់សារព័ត៌មាន The Nation របស់ប្រទេសថៃ ដែលដកស្រង់ប្រភព នៃផ្នែកតាមដានការរញ្ជួយដីរបស់ប្រទេសថៃ ។
ប៉ុន្តែទោះបីជាយ៉ាងណាក្តី ការរញ្ជួយដីនោះ មានត្រឹមកម្រិត ១,៧ ទៅ ៣,៨ រិចទ័រប៉ុណ្ណោះ។ ដូច្នេះ វាមិនបង្កគ្រោញថ្នាក់ដល់ភូមា និងប្រទេសថៃឡើយ ។
សេចក្តីរាយការណ៍ នៃការរញ្ជួយដីថ្មីនេះ កើតមាន ខណៈដែលចំនួនអ្នកស្លាប់ដោយការរញ្ចួយដីនៅភូមា បានកើនឡើងដល់ជាង៣,៣០០នាក់។ នេះបើតាមសេចក្តីរាយការណ័ព័ត៌មានរបស់ទីភ្នាក់ងារ AFP របស់បារាំង ។
ទន្ទឹមជាមួយគ្នានោះ ការរញ្ជួយដីកម្រិត២,១ រិចទ័រ ក៏បានកើតមាននៅប្រទេសថៃ ផងដែរ។ ប៉ុន្តែវាមិនមានផលប៉ះពាល់អ្វីឡើយ។ ប្រទេសថៃ នៅតែបន្តប្រាប់ប្រជាជនអោយមានការប្រុងប្រយ័ត្ននៅឡើយអំពីការរញ្ជួយដី ៕
ចែករំលែកព័តមាននេះ