ខេត្តបន្ទាយមានជ័យ ៖ វិទ្យាល័យហ៊ុន សែន មង្គលបូរី បានរៀបសង្ក្រាន្តឆ្នាំថ្មី ដោយមានអ្នកមកលេងកំសាន្តមិនតិចជាងម៉ឺននាក់ទេ កាលពីថ្ងៃទី០៤ ខែមេសា ឆ្នាំ២០២៥…
ខេត្តបន្ទាយមានជ័យ ៖ វិទ្យាល័យហ៊ុន សែន មង្គលបូរី បានរៀបសង្ក្រាន្តឆ្នាំថ្មី ដោយមានអ្នកមកលេងកំសាន្តមិនតិចជាងម៉ឺននាក់ទេ កាលពីថ្ងៃទី០៤ ខែមេសា ឆ្នាំ២០២៥ ស្ថិតនៅឃុំប្ញស្សីក្រោក ស្រុកមង្គលបូរី ។
លោក កែវ សុភ័ក្ត្រា នាយកវិទ្យាល័យហ៊ុនសែនមង្គលបូរីបានប្រាប់ថា ដោយមានការណែនាំពីមន្ទីអប់រំ យុវជននិងកីឡាខេត្ត រដ្ឋបាលស្រុកមង្គលបុរី វិទ្យាល័យ ហ៊ុន សែន មង្គលបូរី បានរៀបចំ
សង្ក្រាន្តឆ្នាំថ្មីឆ្នាំ២០២៥ រយៈពេល១ថ្ងៃមានអ្នកមកលេងកំសាន្តមិនតិចជាងម៉ឺននាក់ ។
លោកបានបញ្ជាក់ថា សង្ក្រាន្តឆ្នាំថ្មីត្រូវចំលេងល្បែងប្រជាប្រិយមានទាញព្រ័ត្រ លាក់កន្សែង ដណ្តើមស្លឹកឈើ វ៉ៃក្អម និងរាំលេងកំសាន្តដែលមានរថយន្តពន្លត់អគ្គិភ័យ បាញ់ទឹកអោយត្រជាក់និងឃើញការរាំលេងកំសាន្តយ៉ាងសប្បាយ។
លោក កែវ សុភ័ក្ត្រា បានកោតសសើរចំពោះលោកគ្រូ.អ្នកគ្រូ និងសិក្សានុសិស្សវិទ្យាល័យហ៊ុនសែនមង្គលបូរី ។ លោកវរសេនីយ៍ទោ ឌី ទាវ អធិការនគរបាលមង្គលបូរីដែលបានអោយរថយន្តពន្លត់អគ្គីភ័យ១គ្រឿង មកបាញ់ទឹកជាប្រចាំដើម្បីអោយអ្នកមកលេងរាំកំសាន្តត្រជាក់ ព្រោះជារដូវប្រាំងក្តៅខ្លាំងសង្ក្រាន្តឆ្នាំថ្មីលេងរយៈពេល១ថ្ងៃ មានអ្នកមកលេងកំសាន្តមិនតិចជាងម៉ឺននាក់ទេ ។
ចែករំលែកព័តមាននេះ