ខេត្តព្រៃវែង ៖ បន្ទាប់ពីឃើញសេចក្តីជូនដំណឹងរបស់រដ្ឋបាលស្រុកពារាំងអោយរុះរើតូប រោង និងគ្រែចេញពីដីសហការដែលពួកគាត់ធ្លាប់អាស្រ័យផលអង្គុយលក់ដូរតាំងពីដូនតាមកដើម្បីយកទីតាំងដីផ្សារព្រៃព្នៅចាស់នេះ រៀបចំគម្រោងកែលំអរសោភណ្ឌភាព(ធ្វើជាសូនច្បារ) ធ្វើអោយក្រុមអាជីវករជាច្រើននាំគ្នា ផ្ទុះការតវ៉ាកាលពីរសៀលថ្ងៃទី០១ ខែមេសា ឆ្នាំ២០២៥។…
ខេត្តព្រៃវែង ៖ បន្ទាប់ពីឃើញសេចក្តីជូនដំណឹងរបស់រដ្ឋបាលស្រុកពារាំងអោយរុះរើតូប រោង និងគ្រែចេញពីដីសហការដែលពួកគាត់ធ្លាប់អាស្រ័យផលអង្គុយលក់ដូរតាំងពីដូនតាមកដើម្បីយកទីតាំងដីផ្សារព្រៃព្នៅចាស់នេះ រៀបចំគម្រោងកែលំអរសោភណ្ឌភាព(ធ្វើជាសូនច្បារ) ធ្វើអោយក្រុមអាជីវករជាច្រើននាំគ្នា ផ្ទុះការតវ៉ាកាលពីរសៀលថ្ងៃទី០១ ខែមេសា ឆ្នាំ២០២៥។
ក្រុមអាជីវករផ្សារព្រៃព្នៅចាស់បានអះអាងប្រហាក់ប្រហែលគ្នាថា ដីផ្សារចាស់នេះគឺជាដីសហករណ៍ដែលពួកគាត់រកត្រីសាច់និងដាំបន្លែផ្លែឈើហូបខ្លួនឯង មិនអស់ក៍នាំគ្នាយកមកដាក់អង្គុយលក់គ្រាន់បានប្រាក់ចំណូលផ្គត់ផ្គង់សេដ្ឋកិច្ចគ្រួសារប្រចាំថ្ងៃ។
អាជីវករបន្តថា ចាប់តាំងពីបុគ្គលឈ្មោះ ហ៊ាន រី គេបង្កើតផ្សារថ្មីមក ពួកគាត់លក់ដូរនៅផ្សារព្រៃព្នៅចាស់មិនដែលមានសេចក្តីសុខនោះទេ គឺមានអាជ្ញាធរសមត្ថកិច្ចឃុំ ស្រុកតែងតែចុះមកធ្វើទុក្ខបុកម្នេញដាក់ពួកគាត់ជារៀងរហូតឥតឈប់ឈរជាបន្តបន្ទាប់ ធ្វើអោយពួកគាត់មិនបានលក់ដូរបាត់បង់ប្រាក់ចំណូលប្រចាំថ្ងៃ ជីវភាពគ្រួសារជួបការលំបាកជំពាក់បំណុលគេជុំទិស ជីវភាពក្រីក្រទៅ ក្រីក្រទៅ។
តែដើម្បីសន្សំសុខទោះបីអាជ្ញាធរសមត្ថកិច្ចអោយពួកគាត់កាត់សំយ៉ាបផ្ទះមួយលើកជាពីរលើកម្នាក់២ម៉ែត្រទៅ៣ម៉ែត្រ ក៏ពួកគាត់នៅតែតាំងចិត្តចូលរួមសហការជាមួយអាជ្ញាធរកាត់តាមរហូត។ស្រាប់តែនៅព្រឹកថ្ងៃទី៣១ ខែមីនា ឆ្នាំ២០២៥មានមន្ត្រីរដ្ឋបាលឃុំព្រៃព្នៅ ស្រុកពារាំងនិងកម្លាំងសមត្ថកិច្ចនគរបាលជាច្រើន ខ្លះមានទាំងកាំភ្លើង បានយកផ្លាកប៉ាណូ គម្រោងកែលំអរធ្វើសួនច្បារនៅត្រង់ដីផ្សារចំណុចច្រមុះជ្រូក។
ឃើញដូចនេះ ពួកគាត់មិនព្រមអោយដាក់ក៍មានការប្រទុស្តរាយប្រតាយប្រតប់ប្រកែកតឹងសរសៃកដាក់គ្នា តែមិនមានប្រើអំពើហឹង្សានោះទេ គ្រាន់ក្រុមអាជីវកររាលរាំងមិនអោយដាក់ដាំបង្គោលនៅលើដីផ្សារព្រៃព្នៅចាស់ប៉ុណ្ណោះ។ក្រោយពលរដ្ឋរាលរាំងមិនអោយបោះបង្គោល ស្រាប់តែនៅព្រឹកថ្ងៃទី០១ ខែមេសា ឆ្នាំ២០២៥អធិការដ្ឋាននគរបាលស្រុកពារាំងនិងលោក ចេម ប្រា អភិបាលស្រុក បានចេញលិខិតកោះហៅ អាជីវកម្នាក់ទៅសាកសួរនាំក្នុងគោលបំណងគៀបគំរាមកំហែងបំបាក់ស្មារតី ធ្វើកិច្ចសន្យាមិនអោយចេញមុខតវ៉ាទៀត និងរដ្ឋបាលស្រុកពារាំងក៍បានធ្វើលិខិតជូនដំណឹងមកអោយក្រុមអាជីវករ នូវគម្រោងកែលំអរ សោភណ្ឌភាព អនាម័យ ធ្វើសួនច្បារ ដោយតម្រូវអោយក្រុមអាជីវកររុះរើ តូប រោង ឬគ្រែចេញពីទីតាំងដីផ្សារព្រៃព្នៅចាស់ចេញអោយអស់ គិតចាប់ពីថ្ងៃ០១ ខែមេសា ឆ្នាំ២០២៥ដល់ថ្ងៃទី០៧ ខែមេសា ឆ្នាំ២០២៥ ប្រសិនបើមិនព្រមរើទេនោះ អាជ្ញាធរសមត្ថកិច្ចនិងមានវិធានការរុះរើ ហើយរាល់ការខូចខាត ឬបាត់បង់សម្ភារ: គឺមិនទទួលខុសត្រូវឡើយ។
អាជីវករងឿងឆ្ងល់ថា ដីផ្សារព្រៃព្នៅចាស់នេះ គឺមានការជម្រុងជម្រះរ៉ាំរៃយូរឆ្នាំមកហើយតាំងពីឯកឧត្តម សួន សុម៉ាលីន នៅធ្វើជាអភិបាលរងខេត្តព្រៃវែងមកម្លេះ ហើយក៍លោកធ្លាប់បានចុះមកបើកវេទិការដោះស្រាយជាច្រើនលើកច្រើនសារនៅសាលាឃុំព្រៃព្នៅ។មិនតែប៉ុណ្ណោះ លោកក៍បានមានប្រសាសន៍អនុញាតអោយបងប្អូនអាជីវករ នៅលក់លើទីតាំងដីផ្សារព្រៃព្នៅចាស់នេះដដែលនិងបានណែនាំប្រាប់ក្រុមអាជីវករ កុំអោយលក់ប៉ះពាល់លើផ្លូវសាធារណ:ទៀតផង។
ចំណែកលោក ស៊ូ តុង មេឃុំព្រៃព្នៅ ក៍ធ្លាប់បានប្រាប់អ្នកសារព៌តមានអោយដឹងដែរថា អាជ្ញាធរគេរៀបចំតែសណ្តាប់ធ្នាប់ដើម្បីពង្រីកចាក់ធ្វើផ្លូវបេតុងនិងដាក់ប្រព័ន្ធលូរំដោះទឹកជុំវិញផ្សារទេ មិនមានពីណាទៅប៉ះពាល់ដីក្នុងផ្សាររំខានដល់ការលក់ដូររបស់អាជីវករនោះឡើយ។
ចុះហេតុអ្វីពេលនេះម៉េចក៍អាជ្ញាធរជូនដំណឹងដេញពួកគាត់ចេញយកដីទៅធ្វើសួនច្បារទៅវិញ ម៉េចក៍មិនគិតគូរពីសុខទុក្ខជីវភាពប្រចាំថ្ងៃរបស់ប្រជាពលរដ្ឋខ្លះផង។ម៉េចក៍មកធ្វើសូនច្បារអីនៅលើផ្ទៃដីទំហំតូចមួយនៅផ្លូវលំក្នុងភូមិទៅវិញ ចុះបើអាជ្ញាធរសកម្មណាស់តាមផ្លូវថ្នល់ជាតិអាស៊ានលេខ៨Aម៉េចក៍មិនទៅធ្វើ រឺមួយក៍អាជ្ញាធរសមត្ថកិច្ចស្រុកពារាំងនេះទទួលបានលាភសក្ការ:ពីអ្នកវិនិយោគបុគ្គលឈ្មោះ ហ៊ាន រីនេះ ហើយមានចេត្តនាព្រួតដៃគ្នាចង់ដេញអាជីវករផ្សារចាស់អោយទៅទិញតូបលក់ដូរនៅផ្សារថ្មី។
ពួកគាត់ជាអាជីវករសុខចិត្តក្រាញ់ននៀលងាប់រស់នៅលើដីផ្សារព្រៃព្នៅចាស់នេះហើយ ព្រោះជាកន្លែងឆ្នាំងបាយដ៍កំសត់កម្ររបស់ពួកគាត់តកូនតចៅតាំងឆ្នាំ១៩៨២មកម្លេះ។ដាច់ខាតមិនទៅលក់នៅផ្សារថ្មីទេ មូលហេតុ គ្មានលុយទិញតូបលក់, ពួកគាត់ខ្លះមានវ័យចំណាស់ចាស់ៗរញីរញ៉រទៅហើយពិបាកឆ្លងកាត់ថ្នល់ជាតិអាស៊ានលេខ៨Aខ្លាចកើតមានគ្រោះថ្នាក់ចរាចរណ៍ដោយថាហេតុ។ពិបាកដឹកជញ្ជូនឥវ៉ាន់សម្ភារ:ខ្លាចលក់មិនដាច់ អត់មានលុយបង់សងបំណុលធនាគារនិងអត់លុយជួយអោយកូនចៅបានរៀនសូត្រហ្នឹងគេ។
ក្រុមអាជីវករបានបញ្ជាក់បន្ថែមថា ដីសហការណ៍នេះកាលពីដើមឡើយ គឺមានទំហំធំ ណាស់ ចាប់ពីច្រមុះជ្រូកទៅទល់និងថ្នល់ជាតិអាស៊ានលេខ៨Aចម្ងាយប្រវែងប្រហែល៤០០មទៅ៥០០ម៉ែត្រ ប៉ុន្តែជំនាន់នោះសង្ស័យមានការឃុបឃិតគ្នា ជាប្រពន្ធ ទើបគេកាត់ជាកង់ៗលក់ដោះដូរអស់ រហូតមានអ្នកខ្លះបានប្លង់ប្រព័ន្ធរួចរាល់អស់ហើយនិងអ្នកខ្លាះនបុកគ្រឹះសាងសង់ផ្ទះថ្ន៤ទៅ៥ជាន់ទៀតផង។
នៅសល់ត្រឹមដីផ្សារព្រៃព្នៅចាស់នេះ នៅខាងក្រោយផ្សារទទឹងប្រវែងប្រហែល២០ម៉ែត្រ, បណ្តោយទៅទល់និងច្រមុះជ្រូកខាងមុខប្រវែងប្រហែល៣០ម៉ែត្រ គេមិនព្រមបាញ់ប្លង់ប្រព័ន្ធអោយហើយ ឥឡូវបែរជាគេមកចង់ដណ្តើមយកពីពួកគាត់ទៀត។
អាជីវករបន្ថែមថា ប្រសិនបើអាជ្ញាធរមានឆន្ទះបេះដូង ចង់កែលំអរ សោភណ្ឌភាព អនាម័យពិតប្រាកដម៉ែន សូមអោយសើរើធ្វើពីថ្នល់ជាតិអាស៊ានផ្លូវលេខ៨Aមកពួកគាត់ចូលរួមសហការគាំទ្រ ពីព្រោះដីទាំងអស់នោះក៍សុទ្ធតែជាដីសហករណ៍សាធារណ:របស់រដ្ឋដែរ។
ក្រុមអាជីវករផ្សារព្រៃព្នៅចាស់ឈរកាន់អោបរូបថតថ្នាក់ដឹកនាំទាំងកណ្តាលថ្ងៃត្រង់ មានអ្នកខ្លះហូរទឹកភ្នែក សូមសំណូមពរយ៉ាងទទូចដល់សម្តេច អគ្គមហាសេនាបតីតេជោ ហ៊ុន សែន ប្រធានព្រឹទ្ធសភាជាតិ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា សម្តេចក្រឡា ហោម ស ខេង សម្រេច ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម សួន សុម៉ាលីន អភិបាលខេត្តព្រៃវែង មេត្តាជួយអន្តរាគមន៍កុំយកដីផ្សារព្រៃព្នៅចាស់នេះធ្វើជាសួនអី ទុកអោយពួកគាត់បានបន្តការលក់ដូររកប្រាក់ចំណូលចិញ្ចឹមជីវភាពគ្រួសារប្រចាំថ្ងៃផង៕
ចែករំលែកព័តមាននេះ