មនុស្សយ៉ាងហោចណាស់៩នាក់ទៀតបានស្លា.ប់បាត់បង់ជីវិតក្នុងការផ្ទុះបាតុកម្មរយៈពេលមួយថ្ងៃនៅទូទាំងប្រទេសស៊ីរី កាលពីថ្ងៃទី២ កក្កដា កន្លងមក ដោយក្នុងនោះ៦នាក់បានត្រូវស្លា.ប់នៅក្នុងទីក្រុង Homs ភាគខាងលិចប្រទេស និង៣នាក់ទៀតស្លា.ប់នៅតំបន់ជាយក្រុងដាម៉ាស់ ។ បាតុកម្មនេះបានផ្ទុះឡើង
មនុស្សយ៉ាងហោចណាស់៩នាក់ទៀតបានស្លាប់បាត់បង់ជីវិតក្នុងការផ្ទុះបាតុកម្មរយៈពេលមួយថ្ងៃនៅទូទាំងប្រទេសស៊ីរី កាលពីថ្ងៃទី២ កក្កដា កន្លងមក ដោយក្នុងនោះ៦នាក់បានត្រូវស្លាប់នៅក្នុងទីក្រុង Homs ភាគខាងលិចប្រទេស និង៣នាក់ទៀតស្លាប់នៅតំបន់ជាយក្រុងដាម៉ាស់ ។ បាតុកម្មនេះបានផ្ទុះឡើងនៅពេលពួកអ្នកបន់ស្រន់ចូលរួមពិធីបន់ស្រន់បួងសួងប្រចាំសប្តាហ៍ចាប់តាំងពីការបះបោរនៅប្រទេសស៊ីរីកើតមានឡើងកាលពី៣ខែមុនមក។
ទូរទស្សន៍រដ្ឋស៊ីរីរាយការណ៍ថា ក្នុងបាតុកម្មនោះបុរសប្រដាប់អាវុធជាច្រើននាក់បានបាញ់រះលើប៉ូលិសប្រឆាំងកុប្បកម្ម និងជនស៊ីវិល បណ្តាលឱ្យស្លាប់ជនស៊ីវិលជាច្រើននាក់។ បាតុករជាច្រើនរយនាក់កំពុងធ្វើបាតុកម្មនៅក្នុងទីក្រុង Homs ភាគខាងលិចប្រទេស ហើយកងកម្លាំងសន្តិសុខបានបង្ក្រាបដោយហិង្សាប្រឆាំងហ្វូងបាតុករទាំងនេះ។
រដ្ឋមន្ត្រីការបរទេសអាមeរិកលោកស្រីហ៊ីល ឡារី គ្លីនតុន បានថ្កោលទោសយ៉ាងខ្លាំងចំពោះការបង្ក្រាបដោយកងកម្លាំងសន្តិសុខស៊ីរី ប្រឆាំងហ្វូងបាតុករដោយលោកស្រីថ្លែងថា ពេលជិតអស់ហើយ សម្រាប់លោកប្រធានាធិបតីបាចាអាល់អាសាដ ចាប់ផ្តើមការចរចាផ្នែកនយោបាយដ៏មានអត្ថន័យជាមួយហ្វូងបាតុករប្រឆាំងរដ្ឋាភិបាល ។
កាលពីថ្ងៃទី២ កក្កដា កន្លងមក លោកអាសាដ បានបណ្តេញអភិបាលក្រុង Homs ចេញពីតំណែងដោយលោកចោទប្រកាន់ថា អភិបាលក្រុងរូបនេះអនុញ្ញាតឱ្យមានការធ្វើបាតុកម្មប្រឆាំងរបបរបស់លោកបណ្តាលឱ្យស្លាប់មនុស្សជាច្រើននាក់ ។ ក្រុង Homs ជាកន្លែងធ្វើបាតុកម្មប្រឆាំងលោកអាសាដយ៉ាងខ្លាំងក្លា។
តាមព័ត៌មានផ្សាយដោយទូរទស្សន៍រដ្ឋថា ប្រធានាធិបតីស៊ីរីបានចុះហត្ថលេខាលើក្រិត្យមួយបណ្តាញអភិបាលក្រុង Homs លោក Ahmad Khaled Abdel Aziz ចេញពីតំណែង ៕
ចែករំលែកព័តមាននេះ