ខេត្តបន្ទាយមានជ័យ ៖ មានហេតុការណ៍ឆាបឆេះពំនូកចំបើងបង្កការឱ្យមានការភ្ញាក់ផ្អើល នៅវេលាម៉ោង៩និង៣០នាទីព្រឹក ថ្ងៃទី២៩ ខែមីនា ឆ្នាំ២០២៥ នៅភូមិកណប់ ឃុំស្កក្រាម ស្រុកស្វាយចេក…
ខេត្តបន្ទាយមានជ័យ ៖ មានហេតុការណ៍ឆាបឆេះពំនូកចំបើងបង្កការឱ្យមានការភ្ញាក់ផ្អើល នៅវេលាម៉ោង៩និង៣០នាទីព្រឹក ថ្ងៃទី២៩ ខែមីនា ឆ្នាំ២០២៥ នៅភូមិកណប់ ឃុំស្កក្រាម ស្រុកស្វាយចេក ខេត្តបន្ទាយមានជ័យ ។
នគរបាលស្រុកស្វាយចេក បានឲ្យដឹងថា ៖ ម្ចាស់ពំនូកចំបើងឈ្មោះ ជុំ រិទ្ធិ ភេទប្រុសអាយុ៤៧ឆ្នាំ ប្រពន្ធឈ្មោះ ព្រឿង សុភឿ ភេទស្រី អាយុ៤៨ឆ្នាំ រស់នៅភូមិកណប់ ឃុំ ស្កក្រាម ស្រុកស្វាយចេក ខេត្តបន្ទាយមានជ័យ ។
នគរបាលបានបញ្ជាក់ថា ៖ ក្រោយពីទទួលព័ត៌មានកម្លាំងនគរបាលជំនាញអធិការដ្ឋានបានយករថយន្តពន្លត់អគ្គិភ័យ០១គ្រឿង និងនគរបាលប៉ុស្តិ៍រដ្ឋបាលឃុំចុះជួយអន្តាគមន៍ពន្លត់ដោយសហការជាមួយប្រជាពលរដ្ឋមានរថយន្តដឹកទឹកលក់ ដោយប្រើប្រាស់ទឹកអស់០១រថយន្ត និង១០ធុង(ធុងឡានដឹកទឹកលក់) ភ្លើងបានរលត់ទាំងស្រុក នៅវេលាម៉ោង១១និង៣៥នាទីព្រឹក ។
ចំពោះមូលហេតុ បង្កឲ្យមានអគ្គិភ័យនេះបណ្តាលមកពីម្ចាស់ផ្ទះដុតភ្លើងភ្នក់ ភ្លើងគោ មិនប្រយ័ត្នក៏ឆេះរាលទៅពំនូកចំបើង តែមិនបង្កឲ្យឆាបឆេះដល់ផ្ទះនោះឡើយ ៕
ចែករំលែកព័តមាននេះ