ខេត្តចំនួន៦ មានគុណភាពខ្យល់ល្អជាងគេ ៖ តើខេត្តណាខ្លះ?
ខេត្តចំនួន៦ ដែលមានគុណភាពខ្យល់ល្អជាងគេ នៅក្នុងប្រទេសកម្ពុជារួមមាន ខេត្តកំពង់ឆ្នាំ ខេត្តកំពត ខេត្តក្រចេះ ខេត្តមណ្ឌលគីរី ខេត្តកែប និងខេត្តត្បូងឃ្មុំ ។…
ខេត្តចំនួន៦ ដែលមានគុណភាពខ្យល់ល្អជាងគេ នៅក្នុងប្រទេសកម្ពុជារួមមាន ខេត្តកំពង់ឆ្នាំ ខេត្តកំពត ខេត្តក្រចេះ ខេត្តមណ្ឌលគីរី ខេត្តកែប និងខេត្តត្បូងឃ្មុំ ។
នេះបើតាមការផ្សាយរបស់ក្រសួងបរិស្ថាន នៅថ្ងៃទី២៨ ខែមីនា អំពីស្ថានភាពគុណភាពខ្យល់នៅកម្ពុជាសម្រាប់ថ្ងៃទី២៧ ខែមីនា ។ ខេត្តទាំង៦ខាងលើនេះ គឺមានគុណភាពខ្យល់កម្រិត «ល្អណាស់» ។
ចំណែកខេត្ត ដែលមានគុណភាពខ្យល់អន់ជាងគេ គឺរួមមានខេត្តកំពង់ចាម ខេត្តកំពង់ធំ ខេត្តកណ្តាល ខេត្តព្រះវិហារ និងខេត្តរតនគីរី ។ ខេត្តទាំង៥នេះ ត្រូវបានចាត់ទុកថា មានគុណភាពខ្យល់កម្រិត «មធ្យម» ។ ដោយឡែក ទីក្រុងភ្នំពេញវិញ មានគុណភាពខ្យល់កម្រិត «ល្អ» ។
គុណភាពខ្យល់បានក្លាយជាការតាមដានយ៉ាងយកចិត្តទុកដាក់របស់ក្រសួងបរិស្ថាន និងសាធារណជន ៕
ចែករំលែកព័តមាននេះ