រាជធានីភ្នំពេញ ៖ ក្រុមជាងផ្សារដែក បានផ្សារធ្លាក់កម្ទេចភ្លើង ចូលឃ្លាំងស្តុកគ្រឿងម៉ាស៊ីនត្រជាក់ មានទាំងសំឡីកែវ ផងនោះ បណ្ដាលឲ្យឆាបឆេះយ៉ាងសន្ធោសន្ធៅ ក្នុងការដ្ឋានខុនដូ កំពុងសាងសង់មួយកន្លែង…
រាជធានីភ្នំពេញ ៖ ក្រុមជាងផ្សារដែក បានផ្សារធ្លាក់កម្ទេចភ្លើង ចូលឃ្លាំងស្តុកគ្រឿងម៉ាស៊ីនត្រជាក់ មានទាំងសំឡីកែវ ផងនោះ បណ្ដាលឲ្យឆាបឆេះយ៉ាងសន្ធោសន្ធៅ ក្នុងការដ្ឋានខុនដូ កំពុងសាងសង់មួយកន្លែង ផ្អើលកម្មករ ទូរសព្ទទៅសមត្ថកិច្ចជួយអន្តរាគមន៍ ។
ហេតុការណ៍នេះបានកើតឡើងកាលពីវេលាម៉ោង០២និង៥៨នាទីរសៀលថ្ងៃទី២៤ ខែមីនា ឆ្នាំ២០២៥ នៅចំណុចខុនដូ កំពុងសាង់សង់មួយកន្លែង ស្ថិតនៅតាមបណ្តោយផ្លូវលេខ៣៦០ កែងមហាវិថីមុន្នីវង្ស ក្នុងសង្កាត់បឹងកេងកងទី០១ ខណ្ឌបឹងកេងកង រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុ អោយដឹងថា មុនពេលកើតហេតុ ក្រុមជាងនីមួយៗ កំពុងតែធ្វើការតាមផ្នែករៀងៗខ្លួន ខណៈដែលក្រុមជាង កំពុងតែធ្វើការកាត់ និងផ្សារនៅឯជាន់ខាងលើ ។ ចំណែកឯទីតាំងឆេះ គឺជាទីតាំងកន្លែងស្តុបគ្រឿងម៉ាស៊ីនត្រជាក់។ ស្របពេលកំពុងធើ្វការ ក៏ស្រាប់តែមានផ្សែងហុយខ្មួលខ្មាញ់ ចេញមកក្រៅ លាយជាមួយភ្លើងបានឆាបឆេះយ៉ាងសន្ធោសន្ធៅ ។ ភ្លាមៗគាត់បានរត់ទៅយកបំពង់ពន្លត់អគ្គិភ័យ មកបាញ់ពន្លត់ តែមិនអាចគ្រប់គ្រងបាន ដោយសារមានភ្លើងឆាបឆេះសន្ធោសន្ធៅទៅហើយ ។ ភ្លាមៗ គាត់ក៏ប្រញាប់រាតការណ៍ជូនសមត្ថកិច្ចជំនាញអគ្គិភ័យ ដើម្បីមកជួយអន្តរាគមន៍ អោយទាន់ពេលវេលា ។
ចំពោះការឆាបឆេះនេះដែរ បានបង្កការខូចខាត សម្ភារៈម៉ាស៊ីនត្រជាក់ដូចជា បំពង់ខ្យល់ នឹងគ្រឿងផ្សេងៗទៀត មួយចំនួន ក្នុងនោះបានប្រើប្រាស់រថយន្តបង្ការ និងពន្លត់អគ្គិភ័យ របស់ស្នងការដ្ឋាននគរបាលរាជធានីភ្នំពេញ ចំនួន០៣គ្រឿង បាញ់អោយរលត់ជាស្ថាពរ ។ ចំពោះមូលហេតុ សមត្ថកិច្ចស្រាវជ្រាវរកឃើញថា បណ្តាលមកពីជាងផ្សារ ធ្លាក់កម្ទេចភ្លើង បង្កជាអគ្គិភ័យ ៕
ចែករំលែកព័តមាននេះ