ករណីឆបោក និងឧក្រិ.ដ្ឋកម្មចាប់ជំរិតតាមអនឡាញ គឺជាបញ្ហាក្តៅបំផុតនៅជ្រោយឥណ្ឌូចិនដែលទាមទារកិច្ចសហការដ៏ស្មោះត្រង់នៃប្រទេសនៅក្នុងតំបន់ ដើម្បីបោសសម្អាតបណ្តាញឧក្រិ.ដ្ឋកម្មនេះ ។ អ្នកវិភាគមួយរូបដែលសុំមិនបញ្ចេញឈ្មោះបានអះអាងថា ឧក្រិ.ដ្ឋកម្មនេះវាកកើតឡើងដោយបណ្តាញឧក្រិ.ដ្ឋជនចម្រុះជាតិសាសសន៍ ហើយកំពុងតែផ្ទុះខ្លាំងនៅជ្រោយឥណ្ឌូចិន ខណៈនៅប្រទេសផ្សេងៗទៀតក៏មានកំណើនដែរ ជាពិសេស…
ករណីឆបោក និងឧក្រិ.ដ្ឋកម្មចាប់ជំរិតតាមអនឡាញ គឺជាបញ្ហាក្តៅបំផុតនៅជ្រោយឥណ្ឌូចិនដែលទាមទារកិច្ចសហការដ៏ស្មោះត្រង់នៃប្រទេសនៅក្នុងតំបន់ ដើម្បីបោសសម្អាតបណ្តាញឧក្រិ.ដ្ឋកម្មនេះ ។
អ្នកវិភាគមួយរូបដែលសុំមិនបញ្ចេញឈ្មោះបានអះអាងថា ឧក្រិ.ដ្ឋកម្មនេះវាកកើតឡើងដោយបណ្តាញឧក្រិ.ដ្ឋជនចម្រុះជាតិសាសសន៍ ហើយកំពុងតែផ្ទុះខ្លាំងនៅជ្រោយឥណ្ឌូចិន ខណៈនៅប្រទេសផ្សេងៗទៀតក៏មានកំណើនដែរ ជាពិសេស គឺហ្វីលីពីន មីយ៉ាន់ម៉ា ឡាវជាដើម ។
លោកបានសង្កត់ធ្ងន់ថា «រូបភាពនៅជ្រោយឥណ្ឌូចិនឃើញថា ធ្ងន់ធ្ងរដោយសារតែបណ្តាញព័ត៌មាននៅក្នុងតំបន់នេះ តាមចិញ្ច្រាំព័ត៌មាននេះខ្លាំង ប៉ុន្តែកុំភ្លេចថា វា គឺជារឿងឧក្រិ.ដ្ឋកម្មឆ្លងដែនដែលស្មុគស្មាញ ហើយ គឺជាឧក្រិ.ដ្ឋកម្មបែបថ្មី ឬអាចនិយាយថា ជាឧក្រិ.ដ្ឋកម្មទាន់សម័យបំផុតដែលកំពុងតែផ្ទុះ » ។ លោកបានលើកឡើងថា ឧក្រិ.ដ្ឋកម្មប្រភេទនេះគ្មានព្រំដែន ហើយក៏គ្មានដែនកំណត់ដែរ ។ គ្រប់ករណីវាប្រទាក់ក្រឡាគ្នាដូចជា បណ្តាញអនឡាញដែលស្មុគស្មាញបំផុត ។ នៅក្នុងករណីមួយដែលកើតនៅកម្ពុជាមិនអាចថាឧក្រិ.ដ្ឋជន គឺនៅកម្ពុជានោះទេវាអាចនៅគ្រប់ទិសទី ហើយជនល្មើសអាចប្រើគ្រប់ទីតាំងដើម្បីធ្វើសកម្មភាព ។
តាមការចុះផ្សាយរបស់សារព័ត៌មាន The Nation បានឲ្យដឹងថា ប៉ូលិសអន្តរជាតិបានស្រាវជ្រាវឈានទៅចាប់ឧក្រិ.ដ្ឋជនចាប់ជម្រិតម្នាក់ដែលលាក់ខ្លួននៅផ្ទះវីឡាមួយកន្លែង នៅក្នុងខេត្តជុនបុរី ប្រទេសថៃ ក្រោមបទសង្ស័យថា ជននេះបានប្រពឹត្តិអំពើចាប់ជម្រិតទារលុយក្រុមគ្រួសារស្ត្រីរងគ្រោះជនជាតិចិនម្នាក់ ដែលពួកគេធ្វើសកម្មភាពនៅកម្ពុជា ។
តាមការស៊ើបអង្កេតរបស់ការិយាល័យស៊ើបអង្កេតឧក្រិ.ដ្ឋកម្មតាមអ៊ីនធឺណិតថៃ លើការឆបោកវិនិយោគក្នុងខេត្តឈុនបុរី បាននាំប៉ូលិសទៅកាន់កន្លែងលាក់ខ្លួនរបស់បុរសជនជាតិចិន ដែលប៉ូលិសអន្តរជាតិចង់ចាប់ខ្លួនបំផុត ជុំវិញការចាប់ពង្រាត់ និងធ្វើទារុណកម្មលើស្ត្រីជនជាតិចិនម្នាក់នៅកម្ពុជា និងស្ត្រីជនជាតិចិនដែលជាម្ចាស់ផ្ទះវីឡានេះ ។
សមត្ថកិច្ចថៃថា បុរសនោះត្រូវបានផ្សារភ្ជាប់ជាមួយនឹងការបោកប្រាស់តាមរូបភាពវិនិយោគរូបិយប័ណ្ណឌីជីថលតាមអ៊ីនធឺណិត ដែលបានបោកប្រាស់ជនរងគ្រោះអស់ប្រហែល ៦១៨ លានបាត។ នេះ គឺជាករណីមួយដែលបញ្ជាក់ថា ឧក្រិ.ដ្ឋកម្មបោកប្រាក់ និងចាប់ជម្រិតតាមអនឡាញជាឧក្រិ.ដ្ឋកម្មគ្មានព្រំដែនមួយ ។
ពាក់ព័ន្ធនឹងករណីនេះដែរ លោកស្រី ផៃថងថាន ស៊ីណាវ៉ាត្រា នាយករដ្ឋមន្ត្រីថៃបានបញ្ជាក់ថា ដើម្បីបោសសំអាតឧក្រិ.ដ្ឋកម្មនៅក្នុងយុគសម័យថ្មីនេះ ប្រទេសថៃ និងកម្ពុជាបានត្រៀមខ្លួនរួចជាស្រេចក្នុងការសហការគ្នាក្នុងការដោះស្រាយបញ្ហាជាពិសេស គឺនៅក្រុងប៉ោយប៉ែត ។
លោកស្រី បានបញ្ជាក់ថា កិច្ចខិតខំប្រឹងប្រែងក្នុងការប្រយុទ្ធប្រឆាំងគ្រឿងញៀ.ន និងក្រុមជនខិលខូច កំពុងតែដំណើរការទៅដោយរលូន ដោយប្រទេសថៃ និងកម្ពុជាបានត្រៀមខ្លួនរួចជាស្រេចក្នុងការសហការគ្នាក្នុងការដោះស្រាយបញ្ហាឆបោក ហើយនៅពេលនេះជនសង្ស័យជាច្រើននាក់ត្រូវបានចាប់ខ្លួនរួចហើយ។
ក្រៅពីកិច្ចសហប្រតិបត្តិការនេះ ក្រៅពីកម្ពុជា និងថៃ អ្នកវិភាគខាងលើបានលើកឡើងថា បញ្ហានេះមិនមែនតែកម្ពុជា និងថៃចាប់ដៃគ្នាតែពីរប្រទេសអាចធ្វើបានទេ គឺវាទាមទារទូលំទូលាយថែមទៀត ជាមួយឡាវ ជាមួយវៀតណាម ជាមួយចិន និង ឈានទៅកសាង បណ្តាញបង្ក្រាបទូលំទូលាយបន្ថែមទៀត។ លោកបានបន្តទៀតថា ឧក្រិ.ដ្ឋកម្មនេះក៏ទាមទារឲ្យប្រទេសនានា និយាយ និងរាយការណ៍ដោយស្មោះត្រង់ហើយរួមគ្នាដោះស្រាយដោយតម្លាភាព គ្មានការបន្ទោសគ្មានការរិះគន់គ្នា ទៅវិញទៅមក ហើយរួមដៃគ្នាជាសម្ព័ន្ធដើម្បីបោសសម្អាត ៕
ចែករំលែកព័តមាននេះ