បន្ទាយមានជ័យ ៖ អ្នករត់កង់បីឥណ្ឌា២ក្រុម ២៣នាក់ ត្រូវបានធ្វើកិច្ចសន្យា ក្រោយបង្កហិ.ង្សាវ៉ៃគ្នាដណ្តើមម៉ូយ កាលពីល្ងាចថ្ងៃទី២១ ខែមីនា ឆ្នាំ២០២៥ នៅប៉ុស្តិ៍នគរបាលរដ្ឋបាលសង្កាត់អូរជ្រៅក្រុងប៉ោយប៉ែត…
បន្ទាយមានជ័យ ៖ អ្នករត់កង់បីឥណ្ឌា២ក្រុម ២៣នាក់ ត្រូវបានធ្វើកិច្ចសន្យា ក្រោយបង្កហិ.ង្សាវ៉ៃគ្នាដណ្តើមម៉ូយ កាលពីល្ងាចថ្ងៃទី២១ ខែមីនា ឆ្នាំ២០២៥ នៅប៉ុស្តិ៍នគរបាលរដ្ឋបាលសង្កាត់អូរជ្រៅក្រុងប៉ោយប៉ែត ។
លោកវរៈសេនីយ៍ត្រី ឆៃ ដែន នាយប៉ុស្តិ៍នគរបាលសង្កាត់អូរជ្រៅបានប្រាប់ថា ៖ ក្រោយទទួលព័ត៌មានបានឱ្យដឹងថា មានអ្នកកង់បីឥណ្ឌា២ក្រុម ប្រមាណជាង២០នាក់ បានធ្វើសកម្មភាពបង្កហិ.ង្សាវ៉ៃគ្នាដណ្តើមម៉ូយគ្នា បណ្តាលមានអ្នករងរបួស ហើយកម្លាំងប៉ុស្តិ៍នគរបាលសង្កាត់អូរជ្រៅ បានអន្តរាគមន៍ឃាត់ខ្លួនចំនួន២៣នាក់ ដឹករថយន្ត២គ្រឿងទៅប៉ុស្តិ៍នគរបាល ដើម្បីសួរនាំ ។
លោកបានបញ្ជាក់ថា ៖ ក្រោយសាកសួរតាមចម្លើយទាំង២ភាគីបានប្រាប់ថា មូលហេតុដែលបង្កហិ.ង្សាវ៉ៃតប់គ្នា គឺមានអ្នកកង់បីឥណ្ឌា១ក្រុម មានគ្នា១០នាក់ និង១ក្រុមទៀត មានគ្នា២៣នាក់ បានដណ្តើមម៉ូយគ្នា មាន១ក្រុមបានយកផាអាប់ជិត១០គ្រឿងបិតផ្លូវមិនអោយផាអាប់១ក្រុមទៀតដឹកភ្ញៀវចេញ ទើបបង្កជាជម្លោះកើតឡើងតឹងសរសៃកដាក់គ្នា រហូតប្រើហិ.ង្សាវ៉ៃគ្នាទៅវិញទៅមក បណ្តាលមានអ្នករងរបួសទាំងសងខាង ។
លោកវរៈសេនីយ៍ត្រី ឆៃ ដែន បានបញ្ជាក់ថា ៖ ក្រោយកម្លាំងប៉ុស្តិ៍នគរបាលចុះអន្តរាគមន៍ឃាត់ខ្លួនអ្នករត់កង់បីឥណ្ឌាទាំង២ក្រុម ចំនួន២៣នាក់ បានដឹកមកប៉ុស្តិ៍នគរបាលសង្កាត់អូរជ្រៅ ដើម្បីសាកសួរហើយ និងធ្វើកិច្ចសន្យាអប់រំអោយបញ្ឈប់សកម្មភាពបង្កហិ.ង្សា និងប៉ះពាល់អសន្តិសុខ និងសណ្តាប់ធ្នាប់ ហើយអោយត្រឡប់ទៅលំដ្ឋានវិញ ៕
ចែករំលែកព័តមាននេះ