ខេត្តសៀមរាប ៖ ដើមឈើមួយដើមយ៉ាងធំ ដែលរលំបាក់ដល់គល់ នៅក្នុងបរិវេណអង្គរនោះមានឈ្មោះដើមកំណើត គឺជាដើមស្វាយព្រៃ ដែលមានដើមជ្រៃស្លឹកធំ ដុះចាក់ទម្លុះ និងដើមជ្រៃតូចចាក់ឫស ព័ទ្ធជុំវិញ…
ខេត្តសៀមរាប ៖ ដើមឈើមួយដើមយ៉ាងធំ ដែលរលំបាក់ដល់គល់ នៅក្នុងបរិវេណអង្គរនោះមានឈ្មោះដើមកំណើត គឺជាដើមស្វាយព្រៃ ដែលមានដើមជ្រៃស្លឹកធំ ដុះចាក់ទម្លុះ និងដើមជ្រៃតូចចាក់ឫស ព័ទ្ធជុំវិញ ខណៈមានភ្លៀងផ្គររន្ទះ និងខ្យល់កន្ត្រាក់ ទើបបណ្តាលឱ្យដើមឈើនោះដែលមានប្រហោងក្នុងផងនោះរលើងដល់គល់បាក់ដួលរលំទាំងស្រុងនោះ ត្រូវបានមន្ត្រីរដ្ឋបាលព្រៃឈើខេត្តសៀមរាបសហការជាមួយមន្ត្រីអាជ្ញាធរអប្សរា យកម៉ាស៊ីនអារជាកង់ៗ និងនាំយកទៅផ្សាំនៅក្នុងព្រៃចំការគ្រញូង ដែលស្ថិតនៅក្នុងភូមិត្រពាំងថ្ម ឃុំឃុនរាម ស្រុកបន្ទាយស្រី ខេត្តសៀមរាប។
សូមបញ្ជាក់ផងដែរថា ក្រោយពីមានភ្លៀងផ្គររន្ទះ និងខ្យល់កន្ត្រាក់ បណ្តាលឱ្យមានមនុស្ស របួស និង ប៉ើងដំបូលផ្ទះ និងរំលំដើមឈើជាច្រើនដើម នៅក្នុងក្រុងស្រុក និងតំបន់រមណីយដ្ឋានធម្មជាតិអង្គរ ខេត្តសៀមរាប ។ កាលពីថ្ងៃទី១៨ ខែមីនា ឆ្នាំ ២០២៥ គេសង្កេតឃើញវត្តមាន លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និង ជាប្រធានក្រុមប្រឹក្សាភិបាលអាជ្ញាធរជាតិអប្សរា បានអញ្ជើញចុះពិនិត្យវឌ្ឍនភាពការងារ និងផ្តល់អនុ សាសន៍ណែនាំក្នុងការអនុវត្តការងារជាក់ ស្តែង នៅតាមប្រាសាទមួយចំនួន នៅក្នុងរមណីយដ្ឋានអង្គរ ជាពិសេសផលប៉ះ ពាល់ ដោយសារខ្យល់កន្ត្រាក់នាពេលថ្មីៗនេះផងដែរ។
បើតាម លោក ម៉ុង ប៊ុន លីម នាយខណ្ឌរដ្ឋបាលព្រៃឈើ ខេត្តសៀមរាប បានមានប្រសាសន៍ថា ដើមឈើ មួយដើមធំ ដែលបានដួលរលំបាក់ នៅក្នុងបរិវេណតំបន់រមណីដ្ឋានអង្គរ នោះ គឺ ជាដើម ស្វាយព្រៃ ដែលមានដើមជ្រៃស្លឹកធំដុះទំលុះ និងមានដើមជ្រៃក្រឹម ព័ន្ទជំវិញ ផងដែរ ខណៈមានភ្លៀងផ្គររន្ទះ និងខ្យល់កន្ត្រាក់បោកបក់ កាលពីល្ងាច ថ្ងៃទី១៦ ខែមីនា ឆ្នាំ២០២៥ បណ្តាលឱ្យបាក់រលំ ទាំងស្រុង ត្រូវបាន មន្ត្រីរដ្ឋបាលព្រៃឈើ សហការជាមួយមន្ត្រីអាជ្ញាធរជាតិអប្សរា អារយកចេញនៅថ្ងៃទី២០-២១ ខែ មីនា ឆ្នាំ២០២៥ ដើម្បីយកទៅផ្សាំដាំនៅក្នុងចំការពូជឈើគ្រញូង ក្នុងនោះយើងបានរៀបចំ សួនអាស៊ាន ហើយជាប់គ្នា នឹងសួនអាស៊ាន គឺកន្លែង លំហែរ កម្ពុជា កូរ៉េ ចឹង ទីតាំងជាប់គ្នាទេ ប៉ុន្តែតំបន់ តែមួយ គឺចំការពូជឈើគ្រញូងនោះ ដែលមានទីតាំង ស្ថិតនៅក្នុងភូមិត្រពាំងថ្ម ឃុំ ឃុនរាម ស្រុកបន្ទាយស្រី ខេត្តសៀមរាប។
លោកបន្ថែមថា ដើមឈើនេះ ដែលត្រូវយកទៅដាំនោះ ដោយសារឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រម៉ាញ់និងនេសាទ ឯកឧត្តម ចង់សង្គ្រោះ ដើមឈើដែលត្រូវខ្យល់ បោកបក់បណ្តាលឱ្យបាក់រលំនេះ ចង់ឱ្យមានអាយុរស់ឡើងវិញ ។ ទោះបីជាដើមឈើស្វាយព្រៃ មិនអាចរស់ ក៏មានដើមជ្រៃ២ប្រភេទ គឺជ្រៃស្លឹកធំ និង ជ្រៃក្រឹមនោះ ចង់ក៏វាអាចរស់រានមានជីវិតឡើងវិញដែរ ដើម្បីទុកឱ្យភ្ញៀទេសចរណ៍ ក៏ដូចជា៖ ភ្ញៀវជាតិ និង ភ្ញៀវអន្តរជាតិ ចូលទៅមើលកំសាន្ត នៅទីតាំងខាងលើនោះ ដែលយើងមានមុខកាត់ដល់ទៅ ១ ម៉ែត្រ ៦៨ តឹក ។
លោកសូមបញ្ជាក់ថា ដើមឈើដែលត្រូវខ្យល់ បោកបក់បណ្តាល បាក់រលំនេះដោយការយកចិត្តទុកដាក់ ជួយសង្គ្រោះពីឯកឧត្តម ឌិត លីណា រដ្ឋមន្ត្រីក្រសួងកសិកម្ម រុក្ខាប្រម៉ាញ់និងនេសាទ ទៅលើដើមឈើនោះ និង លោកជំទាវបណ្ឌិត សភាចារ្យ ភឿង សកុណា រដ្ឋមន្ត្រី ក្រសួងវប្បធម៌ និង វិចិត្រសិល្បៈ និង ជាប្រធានក្រុមប្រឹក្សាភិបាលអាជ្ញាធរជាតិអប្សរា ពួក លោក ទាំង២ មានចិត្ត ចង់បីបាច់ថែរក្សាដើមឈើ ទោះបីបាក់ដួលរលំ ក៏ដោយ ក៏ លោកទាំង២ ត្រូវបាន ឱ្យ ដើមឈើហ្នឹង រស់រានមានជីវិតឡើងវិញ ដើម្បីឱ្យភ្ញៀវជាតិ និង អន្តរជាតិ ចូលទស្សនា នៅក្នុង ករណី ដែល លោក ទាំង២ ចង់ដឹង ថា ដើមឈើ ដែលបាក់ដួលរលំ ក្នុងបរិវេណតំបន់រមណីដ្ឋានអង្គរ នោះ តើគេយកទៅដាំ នៅ ឯណា ប៉ុន្តែត្រូវបានមន្ត្រីជំនាញ រដ្ឋបាលព្រៃឈើ ខេត្តសៀមរាប បានយកទៅដាំ និងថែរក្សា នៅតំបន់ ចំការគ្រញូង ដែលមានទីតាំង ស្ថិតនៅភូមិ ត្រពាំងថ្ម ឃុំ ឃុនរាម ស្រុកបន្ទាយស្រី ខេត្តសៀមរាប កាលពីថ្ងៃទី២១ ខែ មីនា ឆ្នាំ២០២៥ ៕
ចែករំលែកព័តមាននេះ