រាជធានីភ្នំពេញ ៖ បុរសវ័យ៤០ឆ្នាំ ជិះម៉ូតូ១គ្រឿងម៉ាក HONDA WINNER X មិនចាំពណ៌ និងស្លាកលេខដែលទើបទិញបាន៤ថ្ងៃក៏ជិះម៉ូតូត្រឡប់ពីផ្ទះពូហូបបាយផឹកស្រាតិចតួច គោលបំណងទៅបន្ទប់ជួល…
រាជធានីភ្នំពេញ ៖ បុរសវ័យ៤០ឆ្នាំ ជិះម៉ូតូ១គ្រឿងម៉ាក HONDA WINNER X មិនចាំពណ៌ និងស្លាកលេខដែលទើបទិញបាន៤ថ្ងៃក៏ជិះម៉ូតូត្រឡប់ពីផ្ទះពូហូបបាយផឹកស្រាតិចតួច គោលបំណងទៅបន្ទប់ជួល ស្រាប់តែសុខៗម៉ូតូបង្កការឆាបឆេះសន្ធោសន្ធៅក៏ផ្ដួលម៉ូតូចោល ហើយភ្លើងឆេះខ្លោចសល់តែគ្រោងឆ្អឹងហេតុការណ៍កើតឡើងកាលវេលាម៉ោង០០និង៣០នាទីកណ្ដាលអធ្រាត្រឈានចូលថ្ងៃទី២៣ ខែមីនា ឆ្នាំ២០២៥ នៅចំណុចផ្លូវបេតុង ស្ថិតនៅភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
យោងតាមបុរសម្ចាស់ម៉ូតូបានប្រាប់ទាំងទឹកមុខក្រៀមក្រំថា គាត់ទើបទិញម៉ូតូបាន៤ថ្ងៃ ហើយពូហៅមកហូបបាយជប់លៀងម៉ូតូថ្មីបានមកហូបបាយ រួចរាល់ក៏យប់ជ្រៅផងក៏លាពូត្រឡប់មកបន្ទប់ជួលវិញ លុះមកដល់ផ្លូវបេតុងកើតហេតុខាងលើ ជិះក្នុងទិសដៅពីកើតទៅលិចឡើងទួលបេតុងខ្លាំង ស្រាប់តែហូរសាំងមកដល់ម៉ាស៊ីនក៏ឆាបឆេះទើបសម្រេចចិត្តផ្ដួលម៉ូតូចោល ខ្លាចគ្រោះថ្នាក់ដល់ខ្លួនឯង ប្រជាពលរដ្ឋជួយទាញម៉ូតូទៅរបងដីឡូតិ៍ទុកចោលខ្លាចឆាបឆេះដល់ផ្ទះលក់ចាប់ហួយ ក្រោយមកក៏ឆាបឆេះអស់ម៉ូតូទាំងស្រុងក៏រលត់ខ្លួនឯង ។
បុរសខាងលើបន្តទៀតថា ស្ដាយក៏តេហៅបងប្អូនយករ៉ឺម៉កម៉ូតូមកលើម៉ូតូសល់តែគ្រោងឆ្អឹងយកទុកលក់អេតចាយវិញ ជៀសវាងបោះចោល គ្មានបានលុយបានអី១កាក់យ៉ាងម៉េចបាន៣០ម៉ឺនរៀលដែរ ៕
ចែករំលែកព័តមាននេះ