ខេត្តកណ្តាល ៖ យុវជន០២នាក់បបួលគ្នាបង្ហោះម៉ូតូ ចុងក្រោយត្រូវសមត្ថកិច្ចឃាត់ម្នាក់យកមកសម្អាតបរិវេណអធិការស្រុក និងងម្នាក់ទៀតរត់ចោលគ្នាបាត់ស្រមោល ។ ហេតុការណ៍នេះ កើតទ្បើងកាលពីវេលាម៉ោង ០៣ និង…
ខេត្តកណ្តាល ៖ យុវជន០២នាក់បបួលគ្នាបង្ហោះម៉ូតូ ចុងក្រោយត្រូវសមត្ថកិច្ចឃាត់ម្នាក់យកមកសម្អាតបរិវេណអធិការស្រុក និងងម្នាក់ទៀតរត់ចោលគ្នាបាត់ស្រមោល ។
ហេតុការណ៍នេះ កើតទ្បើងកាលពីវេលាម៉ោង ០៣ និង ០៥នាទីរសៀល ថ្ងៃទី២១ ខែមីនា ឆ្នាំ២០២៥ នៅតាមបណ្តោយផ្លូវជាតិលេខ៤ ក្នុងភូមិទន្លាប់ខ្ពស់ត្បូង ឃុំដំណាក់អំពិល ស្រុកអង្គស្នួល ខេត្តកណ្តាល ។
តាមការបញ្ជាក់ពីសមត្ថកិច្ចឲ្យដឹងថា ដោយសារតែមានប្រជាពលរដ្ឋដែលធ្វើដំណើរតាមបណ្ដោយផ្លូវជាតិលេខ៤ និង ថតវីដេអូ សកម្មភាពយុវជន២នាក់ បង្ហោះម៉ូតូ ទើបប្រញាប់រាយការណ៍ទៅកម្លាំងជំនាញ ។
ភ្លាមៗ កម្លាំងនគរបាលប៉ុស្ដិ៍ដំណាក់អំពិល បានសហការជាមួយកម្លាំងនគរបាលស្រុកអង្គស្នួល បានចេញទៅល្បាតពួនស្ទាក់ ទើបឃាត់ខ្លួនយុវជនខាងលើបាន០១នាក់ ចំណែកអ្នកជិះខាងក្រោយរត់គេចខ្លួនបាត់ ទើបនាំទៅអធិការដ្ឋាននគរបាលស្រុកអង្គស្នួលដើម្បីសួរនាំ។
បច្ចុប្បន្ន យុវជនរូបនោះ ត្រូវបានកម្លាំងអធិការដ្ឋាននគរបាលស្រុកអង្គស្នួល បានអញ្ជើញក្រុមគ្រួសារមកធ្វើកិច្ចសន្យាអប់រំ រួចឲ្យយុវជនខាងលើលាងសម្អាតបន្ទប់ទឹក និង ធ្វើអនាម័យនៅបរិវេណអធិការស្រុកអង្គស្នួល ទើបឲ្យត្រទ្បប់ទៅផ្ទះវិញ ៕
ចែករំលែកព័តមាននេះ