ខេត្តបន្ទាយមានជ័យ ៖ ប្រជាកសិករដាំប៉េងប៉ោះឆឺរី លើផ្ទៃដីប្រមាណជាង៤០ម៉ែត្របួនជ្រុងទទួលផលលក់បានប្រមាណជិត១០លានរៀលនៅភូមិកស្វាយ ឃុំរហាត់ទឹក ស្រុកមង្គលបូរី។ អ្នកស្រី ទិដ្ឋ រដ្ឋា ម្ចាស់ចំការប៉េងប៉ោះឆឺរីបានឱ្យដឹងថា…
ខេត្តបន្ទាយមានជ័យ ៖ ប្រជាកសិករដាំប៉េងប៉ោះឆឺរី លើផ្ទៃដីប្រមាណជាង៤០ម៉ែត្របួនជ្រុងទទួលផលលក់បានប្រមាណជិត១០លានរៀលនៅភូមិកស្វាយ ឃុំរហាត់ទឹក ស្រុកមង្គលបូរី។
អ្នកស្រី ទិដ្ឋ រដ្ឋា ម្ចាស់ចំការប៉េងប៉ោះឆឺរីបានឱ្យដឹងថា ផ្ទៃដីដែលដាំដំណាំប៉េងប៉ោះឆឺរី មានផ្ទៃដីប្រមាណជាង៤០ម៉ែត្របួនជ្រុង ក្រោយដាំទទួលផលលក់រហូតដល់ប្រមាណជាង៧០ភាគរយ ហើយបានសរុបថវិការជិត១០លានរៀល ។ ទីផ្សារប៉េងប៉ោះឆឺរីដំបូងលក់បាន១គីឡូក្រាមតំលៃ៤.០០០រៀល នៅពាក់កណ្តាលទីចុះតំលៃបាន១គីឡូក្រាមលក់បាន១.៥០០រៀល នៅពេលប្រមូលជិតអស់ នាពេលនេះលក់បាន១គីឡូក្រាមតំលៃ២.៥០០រៀល។
អ្នកស្រីបានបញ្ជាក់ថា ដំណាំប៉េងប៉ោះដាំតាំងពីខែតុលា ឆ្នាំ២០២៤ ហើយប្រមូលផលចាប់ពីខែធ្នូ ឆ្នាំ២០២៤ រហូតដល់ខែមីនា ឆ្នាំ២០២៥នេះអាចបញ្ចប់នៅខែមេសា ឆ្នាំ២០២៥ ដែលប្រមូលផល និងលក់សរុបជាថវិកាអាចបានជាង១០លានរៀល ហើយដំណាំប៉េងប៉ោះឆឺរី ការដាំដុះពិបាកដំបូង ពេលដែលទទួលការថែទាំងស្រួលជាងបន្លែផ្សេងៗ។
អ្នកស្រី ទិដ្ឋ រដ្ឋា បានបញ្ជាក់ថា ផ្លែប៉េងប៉ោះឆឺរីអាចហូបបានដូចផ្លែឈើធម្មតាគឺផ្អែម ហើយការលក់ដូរក៍ស្រួលរកទីផ្សារ ក្រោយដាំហើយត្រូវបានលក់តាមរយៈសហគមន៍កសិកម្មឃុំរហាត់ទឹកនាំចេញទៅលក់ដាក់តាមម៉ូយនៅរាជធានីភ្នំពេញ និងខេត្តសៀមរាប រហូតមកដល់ពេលនេះប្រជាកសិករនៅតែបន្តការដាំប្រភេទប៉េងប៉ោះឆឺរី ពូជនួនយូ ៕
ចែករំលែកព័តមាននេះ