ខេត្តពោធិ៍សាត់ ៖ ដោយអនុវត្តតាមមតិដឹកនាំដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងមានការសម្របសម្រួលនីតិវិធីដោយលោក កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់…
ខេត្តពោធិ៍សាត់ ៖ ដោយអនុវត្តតាមមតិដឹកនាំដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងមានការសម្របសម្រួលនីតិវិធីដោយលោក កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់ កម្លាំងអធិការដ្ឋាននគរបាលក្រុងពោធិ៍សាត់ បានសហការជាមួយកម្លាំងអធិការដ្ឋាននគរបាលស្រុកតាលោសែនជ័យ កម្លាំងអធិការដ្ឋាននគរបាលស្រុកបាកាន និងកម្លាំងកងរាជអាវុធហត្ថស្រុកតាលោសែនជ័យ បានបង្ក្រាបករណីលួចមានស្ថានទម្ងន់ទោស (មិនបានសម្រេច) ចំនួន១លើក នៅត្រង់ចំណុច ស្ពានកែវគឹមយ៉ាន ស្ថិតនៅភូមិកោះ សង្កាត់លលកស ក្រុងពោធិ៍សាត់ ខេត្តពោធិ៍សាត់ ឃាត់ខ្លួនជនសង្ស័យចំនួន៣នាក់ កាលពីវេលាម៉ោង២២និង៤០នាទីថ្ងៃទី១៣ ខែមីនា ឆ្នាំ២០២៥ ។
បើតាមរបាយការណ៍របស់អធិការដ្ឋាននគរបាលក្រុងពោធិ៍សាត់ បានឲ្យដឹងថា ជនសង្ស័យចំនួន ៣នាក់ រួមមាន ៖
១-ឈ្មោះ តូយ ដាណែត (ហៅណែត) ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិត្រយ៉ងស ឃុំតាលោ ស្រុកតាលោសែនជ័យ ខេត្តពោធិ៍សាត់ (ជាបក្ខពួកធ្វើសកម្មភាពសកម្ម)។
២-ឈ្មោះ ស៊ន ថាត់(ហៅថាត់តូច) ភេទប្រុស អាយុ២២ឆ្នាំ មុខរបរមិនពិតប្រាកដ រស់នៅភូមិព្រៃវាំង ឃុំតាលោ ស្រុកតាលោសែនជ័យ ខេត្តពោធិ៍សាត់(ជាបក្ខពួកធ្វើសកម្មភាពសកម្ម)។
៣-ឈ្មោះ វឿន រតនៈ (ហៅណាក់) ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិបោសគរ ឃុំតាលោ ស្រុកតាលោសែនជ័យ ខេត្តពោធិ៍សាត់(ជាបក្ខពួកធ្វើសកម្មភាពសកម្ម) ។
ក្រុមជនសង្ស័យខាងលើបានធ្វើសកម្មភាពកាប់ទៅលើជនរងគ្រោះឈ្មោះ ប៉ិន សំអ៊ល ភេទប្រុស អាយុ៦៦ឆ្នាំ មុខរបរលក់ដូរ រស់នៅភូមិវត្តលួង សង្កាត់លលកស ក្រុងពោធិ៍សាត់ ខេត្តពោធិ៍សាត់ បណ្ដាលឱ្យរងរបួសចំកញ្ចឹងកខាងឆ្វេង រយះចេញឈាម ។
របាយការណ៍របស់អធិការដ្ឋាននគរបាលក្រុងពោធិ៍សាត់ បន្តឲ្យដឹងថា បន្ទាប់មកកម្លាំងសមត្ថកិច្ចក៏បានស្រាវជ្រាវឃាត់ខ្លួនបក្ខពួកជនសង្ស័យខាងលើបានចំនួន ៤នាក់ផ្សេងទៀត រួមមាន ៖
១-ឈ្មោះ សារិ ថាត់ថៃ (ហៅថាត់ធំ) ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ស្ថិតភូមិចំការចេក សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់(ជាមេខ្លោង និងជាអ្នកដឹកនាំធ្វើសកម្មភាពកាប់ប្លន់ ក្នុងស្រុកបាកាន ស្រុកតោលោសែនជ័យ និងក្រុងពោធិ៍សាត់)។
២-ឈ្មោះ ណុប ចាន់រ៉ា (ហៅប៊ីន) ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិថ្លុកដង្កោ ឃុំផ្ទះរុង ស្រុកតោលោសែនជ័យ ខេត្តពោធិ៍សាត់ (បក្ខពួកធ្វើសកម្មភាព)។
៣-ឈ្មោះ វ៉ិត វិសាល ភេទប្រុស អាយុ ១៦ឆ្នាំ មុខរបរមិនពិតប្រាកដ រស់នៅភូមិព្រៃរោង ឃុំតាលោ ស្រុកតាលោសែនជ័យ ខេត្តពោធិ៍សាត់ (បក្ខពួកធ្វើសកម្មភាព)។
៤-ឈ្មោះ ហាត យ៉ុងប៊ីន ភេទប្រុស អាយុ១៨ឆ្នាំ មុខរបរមិនពិតប្រាកដ រស់នៅភូមិតាលោ ឃុំតាលោ ស្រុកតាលោសែនជ័យ ខេត្តពោធិ៍សាត់ (បក្សពួកធ្វើសកម្មភាព) ។
ក្រោយមក សមត្ថកិច្ចបានបន្តឃាត់ខ្លួនអ្នក ដែលទទួលទិញម៉ូតូ ចំនួន២នាក់ (ទទួលផលចោរកម្ម) រួមមាន ៖
១-ឈ្មោះ ប៊ួយ ចិន្តា ភេទប្រុស អាយុ ៣២ឆ្នាំ មុខរបរយោធា រស់នៅភូមិស្ពាន ឃុំកោះជុំ ស្រុកកណ្ដៀង ខេត្តពោធិ៍សាត់ (អ្នកទទួលទិញម៉ូតូ)។
២-ឈ្មោះ កែវ សុជា ភេទប្រុស អាយុ៣២ឆ្នាំ មុខរបរមិនពិតប្រាកដ រស់នៅភូមិទួលពង្រ ឃុំវាល ស្រុកកណ្ដៀង ខេត្តពោធិ៍សាត់(ឈ្មួញកណ្ដាល និងអ្នកទិញម៉ូតូ) ។
បច្ចុប្បន្ន ជនសង្ស័យទាំង៩នាក់ និងវត្ថុតាងខាងលើ ត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនីតិវិធី៕
ចែករំលែកព័តមាននេះ