ខេត្តកណ្តាល ៖ យោងតាមសម្តីលោកគឹម ស្រ៊ាងមេនគរបាលវរៈការពារព្រំដែនលេខ៦០៥បានអោយដឹងថាបារ៉ាសដាក់កាត់ផ្លូវច្រក់ព្រែកជ្រៃស្ថិតក្នុងសង្កាត់បាក់ណាមក្រុងសំពៅពូនមានដូចជាគយនឹងកងកំលាំងរបស់នគរបាលអន្តោប្រវេស្ត និងកំលាំងប្រធានតំបន់របស់ខេត្ត។
លោកបានបញ្ជាក់ទៀតថា ចំពោះរឿងយកលុយពីពលរដ្ឋដឹកស្រូវយកទៅលក់អោយឈ្មួញវៀតណាមលោកមិនបានអោយកំលាំងរបស់លោកយកទេតែមកពីពលរដ្ឋទេអ្នកស្ម័គ្រចិត្តអោយ ព្រោះកសិផលក្នុងស្រុក។
នៅពេលអ្នកកាសែតសួរលោកគឹម ស្រ៊ាង ថា ចុះបើកសិផលក្នុងស្រុកមិនយកលុយហេតុអ្វីបានជាដាក់បារ៉ាសមិនអោយរថយន្តដឹកពលរដ្ឋឆ្លងកាត់អោយរលូនទៅ(លោកឆ្លើយថាកំលាំងត្រូវតែត្រួតពិនិត្យ) ។ អ្នកកាសែតសួរទៀតថាត្រួតពិនិត្យហើយម្តេចមិនបើកបារ៉ាសឬមិនទាន់បង់លុយ(លោកគឹមស្រ៊ាងឆ្លើយថាមិនដឹង)។
បើយោងតាមសំដីពលរដ្ឋទីតាំងខាងលើស្មើនិង«កុងត្រូលជជុះ» ព្រោះពលរដ្ឋត្រូវបង់លុយអោយមន្ត្រីនៅទីនោះគ្រប់ស្ថាប័ន ទើបបើកបារ៉ាស ។
គួរំលឹកថា៖កុងត្រូលយកលុយឡានដឹកស្រូវនៅច្រកព្រែកជ្រៃចៅហ្វាយក្រុងសំពៅពួនឆ្លើយថាអត់ដឹង
។ ពលរដ្ឋឆ្ងល់នោះឆ្ងល់ថាហេតុអ្វីបានជាឡានដឹកស្រូវមកលក់អោយឈ្មួញវៀតណាមពេលមកដល់កុងត្រួលជជុះនៅច្រកព្រែកជ្រៃសង្កាត់បាក់ណាមចេះតែឈប់ឡានលោតចុះយកលុយមកបង់អោយមន្ត្រីឈរជើងនៅទីនោះក្នុង១ថ្ងៃៗរាប់សិបឡានតើបង់លុយថ្លៃអ្វីទៅហើយលុយនោះគេយកទៅអោយរដ្ឋឬអោយមេៗ។ ចំណុចនេះហើយគេហៅថា ចង្វាចិញ្ចឹមឆ្តោ…មិនខុសទេ ។
បើតាមសម្តីតៃកុងឡានបានអោយដឹងថាគ្រប់ឡានដឹកស្រូវទាំងអស់ដែលដឹកយកមកលក់នៅទីនេះត្រូវតែឈប់ដើម្បីបង់លុយសិនតែពួកគាត់មិនដឹងថាបង់ថ្លៃអ្វីហើយយកទៅណានោះទេព្រោះពួកគាត់មិនបានទទួលវិកីយបត្រ័ដើម្បីបញ្ជាក់នោះទេ។
ពួកគាត់លើកឡើងទៀតថាពួកគាត់មិនបានស្គាល់ថាអ្នកអង្គុយចាំយកលុយជាអ្នកណាទេដឹងតែ ជាកងកំលាំងសមត្ថកិច្ចហើយនៅទីនេះមានប៉ុស្តិ៍ជាប់គ្នាចំនួនបីក្នុង១ឡានត្រូវចំណាយលុយ៥ម៉ឺនរៀលសម្រាប់ប៉ុស្តិ៍យាមទាំងបីនៅទីនេះ។
ជុំវិញករណីខាងលើលោកអេងសុចិត្របានអោយដឹងថាលោកមិនបានដឹងរឿងបារ៉ាសដាក់នៅចំនុចនោះយកលុយនោះទេបើចង់ដឹងច្បាស់សូមសួរទៅខាងអ្នកដាក់បារ៉ាស់និងទៅដឹងហើយ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
លោកគឹម ស្រ៊ាង
ចែករំលែកព័តមាននេះ