រាជធានីភ្នំពេញ ៖ ទុស្សេខ្សែភ្លើងលើបង្គោលឆេះសន្ធោសន្ធៅផ្អើលអស់ប្រជាពលរដ្ឋនិងសមត្ថកិច្ចចេញរថយន្តអន្តរាគមន៍បាញ់ពន្លត់ នៅវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៨ខែមិនាឆ្នាំ២០២៥ ទល់មុខក្រុមហ៊ុន វីអី(ខេមបូឌា) ស្ថិតនៅតាមបណ្ដោយផ្លូវ៣៦០កែងផ្លូវ៦៣ សង្កាត់បឹងកេងកងទី១ រាជធានីភ្នំពេញ ។…
រាជធានីភ្នំពេញ ៖ ទុស្សេខ្សែភ្លើងលើបង្គោលឆេះសន្ធោសន្ធៅផ្អើលអស់ប្រជាពលរដ្ឋនិងសមត្ថកិច្ចចេញរថយន្តអន្តរាគមន៍បាញ់ពន្លត់ នៅវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៨ខែមិនាឆ្នាំ២០២៥ ទល់មុខក្រុមហ៊ុន វីអី(ខេមបូឌា) ស្ថិតនៅតាមបណ្ដោយផ្លូវ៣៦០កែងផ្លូវ៦៣ សង្កាត់បឹងកេងកងទី១ រាជធានីភ្នំពេញ ។
ប្រភពព័ត៌មានពីពលរដ្ឋបានអោយដឹងថា មុនពេលកើតហេតុ បង្គោលភ្លើងខាងលើ គឺបានទុស្សេម្តងហើយតែត្រូវពួកគាត់ជាពលរដ្ឋនិងសន្តិសុខយកបំពង់ពន្លត់អគ្គិភ័យមកបាញ់អោយរលត់ម្តងរួចទៅហើយ ។ លុះដល់ម៉ោងកើតហេតុជាលើកទី២ ពួកគាត់កំពុងតែសំរានលង់លក់ក្នុងដំណេកដូចធម្មតា ក៍ស្រាប់តែលឺសំឡេងផ្ទុះ ហើយពួកគាត់ចេញមកមើល ស្រាប់តែឃើញបង្គោលភ្លើងមានប្រអប់ភ្លើងលាយឡំជាមួយនិងខ្សែអុបទិក ឆាបឆេះសន្ធោសន្ធៅ ទើបពួកគាត់នាំគ្នាយកបំពង់ពន្លត់អគ្គិភ័យមកបាញ់អស់ជាច្រើនបំពង់តែមិនអាចទប់ស្កាត់បានរាយការណ៍ជូនកម្លាំងសមត្ថកិច្ចមូលដ្ឋានដើម្បីសុំជំនួយរថយន្ដបង្ការពន្លត់អគ្គិភ័យអោយមកជួយអន្តរាគមន៍បាញ់ពន្លត់ផងដែរ ។
ហេតុការណ៍នេះបន្តិចក្រោយមករថយន្តបង្ការនិងពន្លត់អគ្គីភ័យរបស់ការិយាល័យនៃស្នងការដ្ឋានរាជធានីភ្នំពេញ បានចេញអន្តរាគមន៍ចំនួន២គ្រឿង ដោយសហការជាខាងមន្ត្រីអគ្គិសនីកម្ពុជា ធ្វើការផ្តាច់ចរន្តភ្លើងហើយបានបាញ់ទឹកពន្លត់អស់ទឹក១រថយន្ដទើបធ្វើអោយភ្លើងរលត់ទៅវិញនៅវេលាម៉ោង៣និង៣០នាទីយប់ថ្ងៃដដែលផងដែរ ។
សមត្ថកិច្ចបានអោយអោយដឹងថា ហេតុការណ៍នេះមិនបង្កអោយគ្រោះថ្នាក់ដល់មនុស្សណាម្នាក់ហើយរាល់ដាលដល់ផ្ទះសំបែងរបស់បងប្អូនប្រជាពលរដ្ឋណានោះទេ គឺគ្រាន់តែខូចប្រអប់ភ្លើង ខ្សែភ្លើងក៍ដូចជាខ្សែអុបទិកអស់មួយចំនួនធំតែប៉ុណ្ណោះ ៕
ចែករំលែកព័តមាននេះ