ខេត្តសៀមរាប ៖ គ្រោះធម្មជាតិខ្យល់កន្ដ្រាក់ និង ផ្គររន្ទះបាញ់បង្កឡើងកាលពីល្ងាចថ្ងៃទី១៦ខែមីនាឆ្នាំ២០២៥ នៅស្ទើរគ្រប់ក្រុង ស្រុកទូទាំងខេត្តសៀមរាប បណ្ដាលឱ្យប៉ះពាល់ដល់ផ្ទះ សម្បែងរបស់ប្រជាពលរដ្ឋជិត២០០គ្រួសារ រងរបួស៧នាក់…
ខេត្តសៀមរាប ៖ គ្រោះធម្មជាតិខ្យល់កន្ដ្រាក់ និង ផ្គររន្ទះបាញ់បង្កឡើងកាលពីល្ងាចថ្ងៃទី១៦ខែមីនាឆ្នាំ២០២៥ នៅស្ទើរគ្រប់ក្រុង ស្រុកទូទាំងខេត្តសៀមរាប បណ្ដាលឱ្យប៉ះពាល់ដល់ផ្ទះ សម្បែងរបស់ប្រជាពលរដ្ឋជិត២០០គ្រួសារ រងរបួស៧នាក់ និងដួលដើមឈើ៧១ដើម និងប៉ះពាល់សំណង់ ,ទ្រព្យសម្បត្តិផ្សេងទៀតជាច្រើនកន្លែង ផងដែរ។
បន្ទាប់ពីមានភ្លៀងធ្លាក់ខ្លាំង លាយឡំនឹងផ្គររន្ទះ ភ្លាមនោះលោក ប្រាក់ សោភ័ណ អភិបាលខេត្តសៀមរាប បានចូលរួមរំលែកទុក្ខលំបាក និង ការសោកស្តាយចំពោះការរងរបួសមនុស្ស ប្រុស ស្រី ចំនួន៧នាក់ និងបង្កខូចខាត ប៉ះពាល់ពីបាតុភូតខ្យល់កន្ត្រាក់បក់បោក ផ្គរ រន្ទះដល់ក្រុង និងស្រុកមួយចំនួន ក្នុងទូទាំង ខេត្តសៀមរាប ផងដែរ។
លោកបន្តថា : រដ្ឋបាលខេត្ត សហការជាមួយកាកបាទក្រហមកម្ពុជាខេត្ត សៀមរាប នឹងចុះពិនិត្យជួយ ដល់បងប្អូនប្រជាពលរដ្ឋ ដែលរងគ្រោះធម្មជាតិខ្យល់កន្ដ្រាក់ និង ផ្គររន្ទះបាញ់បង្កឡើងកាលពីល្ងាចថ្ងៃទី១៦ខែមីនាឆ្នាំ២០២៥ នៅស្ទើរគ្រប់ក្រុង ស្រុកទូទាំងខេត្តសៀមរាប បណ្ដាលឱ្យប៉ះពាល់ដល់ផ្ទះ សម្បែងរបស់ប្រជាពលរដ្ឋជិត២០០គ្រួសារ រងរបួស៧នាក់ និងដួលដើមឈើ៧១ដើម និងប៉ះពាល់សំណង់ ,ទ្រព្យសម្បត្តិផ្សេងទៀតជាច្រើនកន្លែង ផងដែរឱ្យខាន តែបាន។
លោកក៏បានថ្លែងអំណរគុណដល់ក្រុមគ្រូពេទ្យ ដែលបានយកចិត្តទុកដាក់ខ្ពស់មើលថែទាំអ្នករងរបួសទាំងអស់ឡាយទាន់ពេលវេលា ។ ចំពោះកម្លាំងនគរបាលស្នងការដ្ឋានខេត្តសៀមរាប ក្រុង ស្រុក និង មន្ត្រី ពាក់ព័ន្ធ ទាំងអស់បានជួយសំអាត រក្សាស្ថានភាពផ្លូវ ឱ្យល្អដូចដើម ដើម្បីសម្រួលការធ្វើដំណើររបស់ប្រជាពលរដ្ឋ និងភ្ញៀវទាំង អស់ផងដែរ ។
ក្នុងឱកាសនោះដែរ លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានប្រាប់សារព័ត៌មានក្នុងស្រុកថា : គ្រោះថ្នាក់ធម្មជាតិខ្យល់កន្ដ្រាក់ រន្ទះបាញ់នាល្ងាចថ្ងៃទី១៦ខែមីនាឆ្នាំ២០២៥ នេះបានបង្កការខូចខាត ប៉ះពាល់ដល់មូលដ្ឋានក្រុង ស្រុកចំនួន១០នៃខេត្តសៀមរាបដូចជា. ក្រុងសៀមរាប, ក្រុងរុនតាឯក ស្រុកពួក, ស្រុកប្រាសាទ បាគង, ស្រុកជីក្រែង,, ស្រុកអង្គរជុំ, ស្រុកស្វាយលើ, ស្រុកអង្គធំ, ស្រុកបន្ទាយស្រី និងស្រុកសូទ្រនិគម ។
ជាមួយគ្នានេះ របាយការណ៍របស់គណៈកម្មាធិការគ្រប់គ្រងគ្រោះមហន្ដរាយខេត្តសៀមរាប បានឱ្យដឹងថា: គិតត្រឹមម៉ោង៩យប់ថ្ងៃទី១៦ ខែ មីនាឆ្នាំ២០២៥នេះ ឧបទ្ទេវហេតុខ្យល់កន្ដ្រាក់នេះ បានបង្កឱ្យប៉ះពាល់ និងខូចខាតដូចខាងក្រោម៖ ទី១-ផ្ទះប្រជាពលរដ្ឋប៉ះពាល់ ចំនួន១៧៨គ្រួសារ ទី២- ខូចខាតផ្ទះសម្បែង (រលំផ្ទះ/ទ្រេត) សរុបចំនួន១១ ខ្នង ទី៣-ប៉ះពាល់ផ្ទះសម្បែង (របើកដំបូល និងសំយាប ផ្ទះ) សរុបចំនួន១៦០ខ្នង ទី៤-ប៉ះពាល់ដំបូលព្រះវិហារ ចំនួន១ខ្នង ទី៥-ប៉ះពាល់អគាររដ្ឋបាល ចំនួន២ខ្នង ទី៦-ប៉ះពាល់ដំបូលបន្ទប់ទឹកសាធារណៈ ចំនួន២ខ្នង ទី៧-ប៉ះពាល់រោង/តូប ចំនួន៦កន្លែង ទី៨-រលំ/បាក់ដើមឈើ ចំនួន៧១ដើម ទី៩-បណ្តាលឱ្យមនុស្សរងរបួស៧នាក់ (ស្រី៣នាក់) និងពុំមានអ្នកស្លាប់ ព្រមទាំងផលប៉ះពាល់ផ្សេងទៀត ដូចជា រលំបង្គោលភ្លើងលម្អផ្លូវ, រលំ-បាក់មែកឈើលើដងផ្លូវផងដែរ៕
ចែករំលែកព័តមាននេះ