រាជធានីភ្នំពេញ ៖ ស្ត្រីវ័យចំណាស់ម្នាក់ ត្រូវបានសមត្តកិច្ចនាំខ្លួនទៅសាលាដំបូងរាជធានីភ្នំពេញ កាលពីព្រឹកថ្ងៃទី១៧ ខែមីនា ឆ្នាំ ២០២៥ ដោយជាប់ពាក់ពីបទ.សមគំនិត រំលោភលើទំនុកចិត្តនិង…
រាជធានីភ្នំពេញ ៖ ស្ត្រីវ័យចំណាស់ម្នាក់ ត្រូវបានសមត្តកិច្ចនាំខ្លួនទៅសាលាដំបូងរាជធានីភ្នំពេញ កាលពីព្រឹកថ្ងៃទី១៧ ខែមីនា ឆ្នាំ ២០២៥ ដោយជាប់ពាក់ពីបទ.សមគំនិត រំលោភលើទំនុកចិត្តនិង មិនបំពេញកាតព្វកិច្ចចំពោះឧបករណ៍អាចជួញដូរបាន.ពោ លគឺប្រើប្រាស់សែកស្អុយ លើទឹកប្រាក់រាប់សិបម៉ឺនដុល្លារអាមេរិក ។
តាមដីកាបញ្ជាឲ្យចូលខ្លួនរបស់អយ្យការអមសាលាដំបូងរាជធានីភ្នំពេញ ចុះថ្ងៃទី២៨ ខែកុម្ភៈ ឆ្នាំ២០២៥ បានបញ្ជាក់ថា ជនសង្ស័ យឈ្មោះ លីគាថា បូណា ភេទស្រី អាយុ៦៣ ឆ្នាំ មានទីលំនៅផ្ទះ លេខ៦៩៣ ផ្លូវទន្លេសាប ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ជនសង្ស័យត្រូវបង្ហា ញខ្លួននៅការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ឲ្យបានមុនថ្ងៃទី២១ ខែមីនា ឆ្នាំ២០២៥ នៅរៀងរាល់ម៉ោងធ្វើការ ដើម្បីសាកសួរលើបណ្តឹងព្រហ្មទណ្ឌ ពាក់ពន្ធពីបទ.សមគំនិត រំលោភលើទំនុកចិត្ត និងមិនបំពេញកាតព្វ កិច្ចចំពោះឧបរណ៍អាចជួញដូរបាន តាមពាក្យបណ្តឹងរបស់ម្ចាស់បំណុល២ នាក់ ម្នា ក់ប្រុសម្នាក់ស្រី ។
សំណុំរឿងខាងលើនេះបានស្ថិតនៅដៃលោក លឹម ប៊ុនហេង ព្រះរាជអាជ្ញារង នៃអយ្យការអមសាលាដំបូងរាជ ធានីភ្នំពេញ បើកការស៊ើបសួរ ដែលការសាកសួរនោះមិនទាន់បានបញ្ចប់នៅឡើយទេ ដូច្នោះជោគវាសនារបស់ស្ត្រីវ័យចំណាស់ម្នាក់នោះ នៅមិនទាន់ដឹងពីការសម្រេចយ៉ាងណាដែរ ស្ថិតក្នុងដំណាក់កាលនៃស្ថាប័នអយ្យការនេះ ។
បើតាមសំដីមាត់ចាបមាត់ព្រាបនិយាយមិនផ្លូវការថា ជនសង្ស័យអតីតៈជាស្ត្រីម្នាក់មានទ្រព្យសម្បត្តិ លុយកាក់ មាសប្រាក់ គួរសម ដែរ ដែលជាមនុស្សក្នុងចំណោម “អភិជន” ប៉ុន្តែពេលនេះបែរជាធ្លាក់ខ្លួនជាប់បំណុលគេរាប់សិបម៉ឺនដុល្លារអាមេរិក ។
ប្រភពព័ត៌មានឲ្យដឹងទៀតថា ជនសង្ស័យមានដីធ្លី២.៣កន្លែង ស្ថិតនៅក្នុងខណ្ឌជ្រោយចង្វារ និងមានតូបលក់ដូរនៅផ្សារ ក្នុងខណ្ឌដូនពេញ ហើយបានយកប្លង់ដី និងប្លង់តូបលក់ដូរនោះ ទៅដាក់ដើម្បីជាថ្នូក្នុងការដោះបំណុលគេដែរ តែដើមបណ្តឹងមិនព្រម ប្រហែលជាអាចមិនតុល្យភាព លើទឹកប្រាក់ដែលជាប់វ័ណ្ឌកនោះ ៕
ចែករំលែកព័តមាននេះ