ប្រទេសកម្ពុជាស្ថិតក្នុងបញ្ជីប្រទេស៤១ ដែលប្រឈមនឹងការរឹត្បិតទិដ្ឋាការ ឬវីសា (Visa) ចូលទឹកដីអាមេរិក ។ ប៉ុន្តែទោះបីជាយ៉ាងណាក៏ដោយ ប្រទេសកម្ពុជាស្ថិតនៅក្នុងកម្រិតពណ៌លឿងនៅឡើយ ហើយមានហានិភ័យទាបជាងប្រទេសស្ថិតនៅក្នុងពណ៌ក្រហម និង…
ប្រទេសកម្ពុជាស្ថិតក្នុងបញ្ជីប្រទេស៤១ ដែលប្រឈមនឹងការរឹត្បិតទិដ្ឋាការ ឬវីសា (Visa) ចូលទឹកដីអាមេរិក ។ ប៉ុន្តែទោះបីជាយ៉ាងណាក៏ដោយ ប្រទេសកម្ពុជាស្ថិតនៅក្នុងកម្រិតពណ៌លឿងនៅឡើយ ហើយមានហានិភ័យទាបជាងប្រទេសស្ថិតនៅក្នុងពណ៌ក្រហម និង ពណ៌ទឹក្រូច ។
សារព័ត៌មាន The New York Times របស់អាមេរិក បានអោយដឹងនៅថ្ងៃអាទិត្យនេះថា រដ្ឋាភិបាល Trump កំពុងពិចារណាការដាក់ចេញនូវការរឹតបន្តឹងលើការធ្វើដំណើរសម្រាប់ប្រជាពលរដ្ឋពីប្រទេសជាច្រើនជាផ្នែកមួយនៃការហាមឃាត់ថ្មី ។ បញ្ជីប្រទេសសរុបចំនួន ៤៣ ប្រទេស ដែលបែងចែកជា៣ក្រុមដាច់ដោយឡែក គឺក្រុមពណ៌ក្រហម ពណ៌ទឹកក្រូច និងពណ៌លឿង ។
ក្រុមទីមួយមាន១១ប្រទេស ដោយរួមមាន អាហ្វហ្គានីស្ថាន អ៊ីរ៉ង់ ស៊ីរីយ៉ា គុយបា និងកូរ៉េខាងជើង ក្នុងចំណោមប្រទេសផ្សេងទៀតដែលនឹងត្រូវដាក់ការផ្អាកវីសាទាំងស្រុង ។
ចំណែកក្រុមទីពីរមាន ១០ប្រទេស – អេរីត្រេ ហៃទី ឡាវ មីយ៉ាន់ម៉ា និងស៊ូដង់ខាងត្បូង – នឹងប្រឈមមុខនឹងការផ្អាកដោយផ្នែកដែលនឹងប៉ះពាល់ដល់វីសាទេសចរណ៍ វីសាសិស្ស ក៏ដូចជាវីសាអន្តោប្រវេសន៍ផ្សេងទៀត ដោយមានករណីលើកលែងមួយចំនួន ។
ក្រុមទីបី មានប្រទេសសរុបចំនួន ២២ រួមមាន ប្រទេសកម្ពុជា កុងហ្គោ កាមេរូន ជាដើម នឹងត្រូវពិចារណាសម្រាប់ការផ្អាកដោយផ្នែកនៃការចេញវីសាសហរដ្ឋអាមេរិក ប្រសិនបើរដ្ឋាភិបាលរបស់ប្រទេសទាំងនេះមិនបានខិតខំដោះស្រាយចំណុចខ្វះខាតក្នុងរយៈពេល ៦០ថ្ងៃ ។
ប៉ុន្តែទោះបីជាយ៉ាងណាក្តី បញ្ជីនេះនៅមិនទាន់ត្រូវបានអនុម័តដោយរដ្ឋាភិបាលនៅឡើយទេ រួមទាំងរដ្ឋមន្ត្រីការបរទេសសហរដ្ឋអាមេរិក Marco Rubio ហើយអាចនឹងត្រូវបានកែប្រែទៅតាមស្ថានភាពជាក់ស្តែង ៕
ចែករំលែកព័តមាននេះ