ខេត្តបន្ទាយមានជ័យ ៖ ដំឡូងមីឆ្នាំនេះតំលៃថោកជាងឆ្នាំមុនជាងពាក់កណ្តាលដំឡូងមីសើម១តោនតំលៃ១៤ម៉ឺនរៀល ។ នេះបើតាមការឱ្យដឹងពីកសិករកាលពីថ្ងៃទី១៣ ខែមីនា ឆ្នាំ២០២៥ នៅខេត្តបន្ទាយមានជ័យ។ លោកម៉ោត មឿត…
ខេត្តបន្ទាយមានជ័យ ៖ ដំឡូងមីឆ្នាំនេះតំលៃថោកជាងឆ្នាំមុនជាងពាក់កណ្តាលដំឡូងមីសើម១តោនតំលៃ១៤ម៉ឺនរៀល ។ នេះបើតាមការឱ្យដឹងពីកសិករកាលពីថ្ងៃទី១៣ ខែមីនា ឆ្នាំ២០២៥ នៅខេត្តបន្ទាយមានជ័យ។
លោកម៉ោត មឿត ជាប្រជាកសិករបានឱ្យដឹងថា ដំឡូងមីឆ្នាំនេះតំលៃថោកជាងឆ្នាំមុន ឈ្មួញទិញដំឡូងមីសើម១គីឡូក្រាមតំលៃ១៤០រៀល ស្មើ១តោនតម្លៃ១៤ម៉ឺនរៀល បើដំឡូងមីស្ងួត១គីឡូក្រាមតំលៃ៥០០រៀល ស្មើ១តោនតម្លៃ៥០ម៉ឺនរៀល ។ បើប្រៀបធៀបឆ្នាំមុន ដំឡូងមីសើម១គីឡូក្រាម៤០០រៀលស្មើ១តោនតំលៃ៤០ម៉ឺនរៀល និងដំឡូងមីស្ងួត១គីឡូក្រាមតំលៃ៨៨០រៀលស្មើ១តោន៨៨ម៉ឺនរៀល។
ប្រជាកសិករខាងលើបានបញ្ជាក់ថា ការបង្កបង្កើនផលដំឡូងមីចំណាយថ្លៃពលកម្មនិងជីថ្នាំបាញ់រហូតដល់ប្រមូលផលក្នុង១ហិកតាប្រមាណជាង២លានរៀលហើយប្រមូលបានក្នុង១ហិកតាជាមធ្យមជាង២០តោន ។ តែអកុសលឆ្នាំនេះដំឡូងមីតំលៃគិតគូរទូរទាត់ថ្លៃចំណាយប្រហែលជាមិនចង់រួចខ្លួនទើបប្រជាកសិករសុំអោយមន្ទីជំនាញនិងខេត្តជាពិសេសសភាពាណិជ្ជខេត្តបន្ទាយមានជ័យជួយរកតីផ្សារជូនប្រជាកសិករផងធ្វើយ៉ាងតំលៃអោយបានប្រហាក់ប្រហែលឆ្នាំមុន។
លោក ប៉ាង វណ្ណាសេដ្ឋ ប្រធានមន្ទីកសិកម្មរុក្ខាប្រម៉ាញ់និងនេសាទខេត្តបន្ទាយមានជ័យបានបញ្ជាក់ថា ទូទាំងខេត្តបន្ទាយមានជ័យ ផ្ទៃដីបង្កបង្កើនផលដំឡូងមីមានប្រមាណជាង៧ម៉ឺនហិកតាដែលភាគច្រើនដាំស្រុកជាប់ជាយដែន រួមមានស្រុកថ្មពួក ស្រុកស្វាយ ស្រុកអូរជ្រៅ ស្រុកម៉ាឡៃ ហើយឆ្នាំនេះប្រជាកសិករដែលប្រមូលផលបានក្នុង១ហិកតាទទយលបានផលជាមធ្យមជិត២០តោន ។ ទោះជាតំលៃឆ្នាំនេះស្រុតបន្តិច តែប្រជាកសិករអាចទទួលយកបានដំឡូងមីត្រូវបានឈ្មួញថៃចូលមកពីទិញដឹកចេញតាមច្រកតំបន់បឹងត្រកួនស្រុកថ្មពួក ៕
ចែករំលែកព័តមាននេះ