បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យ៤នាក់បានផឹកស៊ី ហើយគប់កែវស្រាទៅលើជនរងគ្រោះដោយចោទថា ផឹកស៊ីស្រែកឡូឡា ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី១៥ ខែមីនា ឆ្នាំ២០២៥។ លោកវរៈសេនីយ៍ត្រី នួន…
បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យ៤នាក់បានផឹកស៊ី ហើយគប់កែវស្រាទៅលើជនរងគ្រោះដោយចោទថា ផឹកស៊ីស្រែកឡូឡា ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី១៥ ខែមីនា ឆ្នាំ២០២៥។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖ ជនសង្ស័យ៤នាក់មាន ១.ឈ្មោះ បាត់ ចន្នី ភេទប្រុស អាយុ៣៣ឆ្នាំ ២.ឈ្មោះ លៀត ចិន្តា ភេទប្រុស អាយុ៣៦ឆ្នាំ ៣.ឈ្មោះ រ៉ែន សុភ័ក្រ ភេទប្រុស អាយុ៣៦ឆ្នាំ ៤.ឈ្មោះ រ៉ន រស់ ភេទប្រុស អាយុ៣៣ឆ្នាំ រស់នៅសង្កាត់/ក្រុងប៉ោយប៉ែត ។
លោកបានបញ្ជាក់ថា ៖ ក្រោយទទួលពាក្យបណ្តឹងពីឈ្មោះ ឃូ ចាន់រ័ត្ន ហៅក្តឹប ភេទប្រុសអាយុ៣៩ឆ្នាំ រស់នៅភូមិ.សង្កាត់ផ្សារកណ្តាល ក្រុងប៉ោយប៉ែត បានប្តឹងជនសង្ស័យ៤នាក់ដែលប្រើហិ.ង្សាទៅលើខ្លួនជាជនរងគ្រោះ ដោយយកកែវស្រាបគប់ទៅលើខ្លួន បណ្តាលរបួសធ្ងន់ចំភ្នែកខាងឆ្វេង ត្រូវបានបញ្ជូនកាន់មន្ទីរពេទ្យភ្នំពេញ ដែលកើតឡើង កាលពីថ្ងៃទី១២ ខែមីនា ឆ្នាំ២០២៥ នៅចំណុចហាងបាស្តារផាប់ ស្ថិតភូមិ/សង្កាត់ផ្សារកណ្តាល ក្រុងប៉ោយប៉ែត ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយទទួលពាក្យបណ្តឹងកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានសហការជាមួយកម្លាំងមូលដ្ឋានកងរាជអាវុធហត្ថក្រុសិរីសោភ័ណ បានស្រាវជ្រាវ និងកំណត់មុខសញ្ញាឃាត់ជនសង្ស័យជាបន្តបន្ទាប់បានចំនួន៤នាក់ ត្រូវបាននាំយកសាកសួរតាមចម្លើយសារភាពខ្លួនពិតបានយកកែវស្រាគប់ទៅលើជនរងគ្រោះ បណ្តាលរបួស ព្រោះខឹងជនរងគ្រោះ និងបក្ខពួកផឹកស៊ីស្រែកឡូឡា និងជេរប្រមាថទៅលើក្រុមខ្លួន ទើបខឹងទ្រាំលេងបានទាញកែវស្រាគប់ទៅលើជនរងគ្រោះបណ្តាលរបួសធ្ងន់ ៕
ចែករំលែកព័តមាននេះ