ខេត្តកណ្ដាល ៖ មានការបែកធ្លាយនូវលិខិតមួយត្រូវបានគេយកមកផ្សព្វផ្សាយជាសាធារណៈលើបណ្តាញសង្គម ពាក់ព័ន្ធចៅសង្កាត់តាខ្មៅ ក្រុងតាខ្មៅ ខេត្តកណ្តាល និងកូនចៅក្រោមឱវាទ៣ នាក់ ជាប់ចោទពីបទ.រំលោភអំណាច និងប្រព្រឹត្តអំពើពុក…
ខេត្តកណ្ដាល ៖ មានការបែកធ្លាយនូវលិខិតមួយត្រូវបានគេយកមកផ្សព្វផ្សាយជាសាធារណៈលើបណ្តាញសង្គម ពាក់ព័ន្ធចៅសង្កាត់តាខ្មៅ ក្រុងតាខ្មៅ ខេត្តកណ្តាល និងកូនចៅក្រោមឱវាទ៣ នាក់ ជាប់ចោទពីបទ.រំលោភអំណាច និងប្រព្រឹត្តអំពើពុក រលួយ ។
ក្នុងលិខិតនោះមានខ្លឹមសារថា ៖ កាលពីថ្ងៃទី០៥ ខែមីនា ឆ្នាំ២០២៥ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជម្រាប ទៅឯកឧត្តម អភិបាល នៃគណៈអភិបា លខេត្តកណ្តាល .
កម្មវត្ថុ ៖ ស្តីពីលទ្ធផល នៃការធ្វើអធិការកិច្ច ពាក់ពន្ធនឹងពាក្យបណ្តឹងចុះថ្ងៃ១៩ ខែកក្កដា ឆ្នាំ២០២១ របស់លោកវរៈសេនីយ៍ត្រី ហោ សំអុល អតីតនាយប៉ុស្តិ៍នគរបាលរដ្ឋបាលតាខ្មៅ ។
យោង ៖ ពាក្យបណ្តឹងចុះថ្ងៃទី១៩ ខែកក្កដា ឆ្នាំ២០២១ របស់លោកវរៈសេនីយ៍ត្រី ហោ សំអុល អតីតនាយប៉ុស្តិ៍នគរបាលរដ្ឋ បាលតាខ្មៅ មានទីលំនៅផ្ទះលេខ៦៥E ផ្លូវលេខ២ ភូមិព្រែកសំរោង៣ សង្កាត់តាខ្មៅនខេត្តកណ្តាល ។
ចំណាត់ការដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះថ្ងៃទី០៥ ខែកុម្ភៈ ឆ្នាំ២០២៥ ។
តបតាមកម្មវត្ថុ និងយោងខាងលើ ខ្ញុំសូមជម្រាម ឯកឧត្តម ជ្រាបថា ក្រសួងមហាផ្ទៃ បានទទួលៀក្យបណ្តឹងដូចមានក្នុងយោងខាងលើ សុំប្តឹងពីឈ្មោះរួមមាន ៖
១-លោក ជៀម សំរិតធី មន្ត្រីនគរបាលគ្រឿងញៀន នៃអធិការដ្ឋាននគរបាលក្រុងតាខ្មៅ ស្នងការដ្ឋាននគរបាលខេត្តកណ្តាល ២-លោក ជៀម ខូយ ចៅសង្កាត់តាខ្មៅ ៣-លោក សុខ សុផា ស្មៀនសង្កាត់តាខ្មៅ ៤-លោកស្រី ជៀម សំរិតសោភា ជាអ្នកសរសេរសំបុត្រកំណើត(កាន់ឯកសាររត់ការ)ពីបទ.រំលោភអំណាច និងប្រព្រឹត្តអំពើពុករលួយ ។
ក្រោយពីបានចាត់មន្ត្រីអធិការកិច្ច និងពិនិត្យឯកសារពាក់ពន្ធរួចមក ក្រសួងមហាផ្ទៃ ប្រគល់ភារកិច្ចជូន រដ្ឋបាលខេត្តកណ្តាល ធ្វើលិខិតណែនាំទៅរដ្ឋបាលសង្កាត់តាខ្មៅ ឲ្យបញ្ចប់មុខងារលោកស្រី ជៀម សំរិតសោភា ជាជំនួយការរដ្ឋបាលសង្កាត់តាខ្មៅ ក្រុងតាខ្មៅ ខេត្តកណ្តាល ។
អាស្រ័យហេតុនេះ សូម ឯកឧត្តម អភិបាល នៃគណអភិបាលខេត្តកណ្តាល អនុវត្តតាមការណែនាំខាងលើនេះ ឲ្យមានប្រសិទ្ធិភាពខ្ពស់ ៕
ចែករំលែកព័តមាននេះ