ខេត្តព្រះវិហារ ៖ កុមារីឈ្មោះ រិន សុគា អាយុ២ខែ១៨ថ្ងៃ ដែលត្រូវបានក្រុមគ្រូពេទ្យផ្ដល់សេវាសុខភាពជូនជនភៀសសឹកនៅក្នុងមណ្ឌលសុវត្ថិភាពវត្តគីរីទួលអណ្ដែត បានរកឃើញថា មានបញ្ហាកង្វះអាហារូបត្ថម្ភស្រួចស្រាល់ធ្ងន់ធ្ងរ និងបានបញ្ជូនទៅព្យាបាលបន្តនៅមន្ទីរពេទ្យបង្អែក…
ខេត្តព្រះវិហារ ៖ កុមារីឈ្មោះ រិន សុគា អាយុ២ខែ១៨ថ្ងៃ ដែលត្រូវបានក្រុមគ្រូពេទ្យផ្ដល់សេវាសុខភាពជូនជនភៀសសឹកនៅក្នុងមណ្ឌលសុវត្ថិភាពវត្តគីរីទួលអណ្ដែត បានរកឃើញថា មានបញ្ហាកង្វះអាហារូបត្ថម្ភស្រួចស្រាល់ធ្ងន់ធ្ងរ និងបានបញ្ជូនទៅព្យាបាលបន្តនៅមន្ទីរពេទ្យបង្អែក 16មករា ខេត្តព្រះវិហារ រួចមក ។ នេះបើយោងតាមផេក មន្ទីរសុខាភិបាល ខេត្តព្រះវិហារ បានប្រកាសនារសៀលថ្ងៃទី២៥ ខែធ្នូនេះ ។
បច្ចុប្បន្ន កុមារីនេះ ត្រូវបានក្រុមគ្រូពេទ្យនៅមន្ទីរពេទ្យបង្អែក 16 មករា យកចិត្តទុកដាក់ក្នុងថែទាំ និងព្យាបាលជូនគាត់បានយ៉ាងល្អ និងបានកើនគីឡូពី២.១ Kg មក២.៧kg ហើយស្ថានភាពមានភាពល្អប្រសើរ ។
លោកគ្រូពេទ្យនៅមន្ទីរពេទ្យបង្អែកខេត្ត បាននឹងកំពុងបន្តការព្យាបាលកុមារីនេះយ៉ាងយកចិត្តទុកដាក់ និងមិនគិតថ្លៃសេវារហូតដល់កុមារី បានជាសះស្បើយ ។
សកម្មភាពនេះ មិនត្រឹមតែជាការសង្គ្រោះជីវិតកុមារម្នាក់ប៉ុណ្ណោះទេ ប៉ុន្តែ គឺជាការបង្ហាញពីស្មារតីសាមគ្គីភាព និងការយកចិត្តទុកដាក់របស់រាជរដ្ឋាភិបាលចំពោះសុខមាលភាពប្រជាពលរដ្ឋដែលកំពុងរងគ្រោះដោយសារសង្គ្រាមឈ្លានពាន៕
ចែករំលែកព័តមាននេះ