ខេត្តបន្ទាយមានជ័យ ៖ ភ្នំធំខាងត្បូងអាចបាត់ឈ្មោះ នៅពេលដែលក្រុមហ៊ុនការដ្ឋានកិនថ្ម៣ ទៅ៤កន្លែង កំពុងធ្វើសកម្មភាពអាជីវកម្មកិនថ្មលក់ ស្ថិតភូមិភ្នំធំត្បូង ឃុំអូរប្រាសាទ ស្រុកមង្គលបូរី ។…
ខេត្តបន្ទាយមានជ័យ ៖ ភ្នំធំខាងត្បូងអាចបាត់ឈ្មោះ នៅពេលដែលក្រុមហ៊ុនការដ្ឋានកិនថ្ម៣ ទៅ៤កន្លែង កំពុងធ្វើសកម្មភាពអាជីវកម្មកិនថ្មលក់ ស្ថិតភូមិភ្នំធំត្បូង ឃុំអូរប្រាសាទ ស្រុកមង្គលបូរី ។
ប្រជាពលរដ្ឋបានប្រាប់ថា រាល់ថ្ងៃឃើញភ្នំធំផ្នែកខាងត្បូង ត្រូវបានក្រុមហ៊ុនការដ្ឋានកិនថ្ម៣ទៅ៤កន្លែងកំពុងធ្វើសកម្មភាពអាជីវកិនថ្មលក់រាល់ថ្ងៃ គឺមានរាប់ឆ្នាំមកហើយ រហូតមកទល់ពេលនេះ ភ្នំធំខាងត្បូង ត្រូវកាយយកថ្មភ្នំស្ទើរលាយអស់មួយចំហៀងទៅហើយ អាចទៅអនាគត់ខាងមុខនិងបាត់ឈ្មោះភ្នំធំ ដែលមានប្រវត្តិបទ (ចម្រៀងភ្នំតូច ភ្នំធំ) របស់លោកតា ស៊ីន ស៊ីសាមុត និងលោកយាយ រស់ សេរីសុទ្ធា) ដែលជាបទចម្រៀងសម័យពីដើម ។
ប្រជាពលរដ្ឋបានបញ្ជាក់ទៀតថា ភ្នំធំផ្នែកខាងត្បូងត្រូវបានក្រុមហ៊ុនដែលធ្វើអាជីវកម្មការដ្ឋានកិនថ្មលក់ដែលឃើញធ្វើសកម្មភាពរាប់ឆ្នាំមកហើយនោះ បានកាយផ្តាច់មួយកំណាត់ភ្នំផ្នែកខាងត្បូងដោយមានក្រុមហ៊ុន២កាយខាងកើតភ្នំ និងក្រុមហ៊ុនមួយទៀត កាយផ្នែកខាងលិចភ្នំដែលកាយទល់មុខគ្នាដាច់មួយកំណាត់ផ្នែកខាងត្បូងភ្នំធំខាងត្បូងទៅហើយ ពិតជាសោកស្តាយភ្នំប្រវត្តិ
សាស្ក្រទៅពេលអនាគតអាចបាត់ឈ្មោះព្រោះថ្មភ្នំធំនេះ អ្នកបច្ចេកទេសថា ជាថ្មភ្នំដែលល្អសម្រាប់យកធ្វើផ្លូវនិងសំណង់ ។
អភិបាលស្រុកមង្គលបូរីបានបញ្ជាក់ដែរថា នៅស្រុកមង្គលបូរីមានភ្នំចំនួន៤កន្លែង មាន១-ភ្នំតូចស្ថិតឃុំភ្នំតូច ២-ភ្នំធំស្ថិតឃុំអូរប្រាសាទ ៣-ភ្នំប្រាសាទ ស្ថិតឃុំអូរប្រាសាទ ៤-ភ្នំបន្ទាយនាងស្ថិតឃុំបន្ទាយនាង រហូតពេលនេះភ្នំដែលកំពុងធ្វើអាជីវកម្មដោយមានច្បាប់ គឺ(ភ្នំធំ)៕
ចែករំលែកព័តមាននេះ