ខេត្តកំពង់ស្ពឺ ៖ ដោយសារតែការអាក់អន់ចិត្តជាមួយជនរងគ្រោះ ទិញស្រាមកផឹកម្នាក់ឯងមិនហៅខ្លួនផឹកជាមួយ ក៏ស្ទុះទៅទាញកាំបិតផ្គាក់កាប់ស្លាប់ក្នុងថ្លុកឈាម បង្កឱ្យមានការភ្ញាក់ផ្អើល សមត្ថកិច្ចឃាត់ខ្លួនជនដៃដល់ភ្លាមៗ ។ ករណីឃាតកម្មទាញកាំបិតផ្គាក់កាប់សម្លាប់មនុស្សដូចសត្វធាតុនេះ បានកើតឡើងកាលពីវេលាម៉ោង០៥និង២០នាទីល្ងាច…
ខេត្តកំពង់ស្ពឺ ៖ ដោយសារតែការអាក់អន់ចិត្តជាមួយជនរងគ្រោះ ទិញស្រាមកផឹកម្នាក់ឯងមិនហៅខ្លួនផឹកជាមួយ ក៏ស្ទុះទៅទាញកាំបិតផ្គាក់កាប់ស្លាប់ក្នុងថ្លុកឈាម បង្កឱ្យមានការភ្ញាក់ផ្អើល សមត្ថកិច្ចឃាត់ខ្លួនជនដៃដល់ភ្លាមៗ ។
ករណីឃាតកម្មទាញកាំបិតផ្គាក់កាប់សម្លាប់មនុស្សដូចសត្វធាតុនេះ បានកើតឡើងកាលពីវេលាម៉ោង០៥និង២០នាទីល្ងាច ថ្ងៃទី១៣ ខែមីនា ឆ្នាំ២០២៥ នៅចំណុចលេីផ្លូវបេតុងស្ថិតនៅ ភូមិពងទឹក ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ ។
មន្ត្រីនគរបាលស្រុកសាមគ្គីមុនីជ័យបាននិយាយឱ្យដឹងថា មានករណីហិង្សាដោយចេតនា បណ្តាលឱ្យជនរងគ្រោះស្លាប់បាត់បង់ជីវិត ដោយជនដៃដល់បានយកកាំបិតផ្គាក់កាប់ទៅលើជនរងគ្រោះ នៅចំណុចលេីផ្លូវបេតុងស្ថិតនៅភូមិពងទឹក ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ មានករណីឃាតកម្មមួយកេីតឡេីង ដែលបង្កដោយជនសង្ស័យម្នាក់ឈ្មោះ បាន ឡុង ភេទប្រុស អាយុ៣៦ឆ្នាំ រស់នៅភូមិទួល ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ បានយកកាំបិតផ្គាក់កាប់ទៅលេីជនរងគ្រោះឈ្មោះ គួក ភួង ភេទប្រុស អាយុ៥១ឆ្នាំ រស់នៅភូមិពងទឹក ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ ចំនួន៣កាំបិត ចំក្បាល២កាំបិត និងចំកញ្ចឹងក១កាំបិត បណ្តាលឱ្យជនរងគ្រោះដេកស្លាប់លេីផ្លូវបេតុង ។
មន្ត្រីនគរបាលបានបន្តថា ក្រោយកើតហេតុភ្លាម សមត្ថកិច្ចបានចុះទៅដល់កន្លែងកើតហេតុ និងបានឃាត់ខ្លួនជនសង្ស័យខាងលើ បញ្ជូនទៅអធិការដ្ឋាននគរបាលស្រុកសាមគ្គីមុនីជ័យ កសាងសំណុំរឿងចាត់ការតាមនិតិវិធី ។
មន្ត្រីនគរបាលដដែលបានបញ្ជាក់ថា បើយោងតាមចម្លើយសារភាពរបស់ជនសង្ស័យខាងលើ បានឆ្លើយសារភាពថា កាលពីបីថ្ងៃមុន នៅថ្ងៃទី១០ ខែមីនា ឆ្នាំ២០២៥ កន្លងទៅ ខ្លួនបានទាស់ពាក្យសម្តីជាមួយជនរងគ្រោះរឿងទិញស្រាសយកមកផឹក ដោយជនរងគ្រោះពេលមានលុយទិញស្រាយកទៅផឹកតែម្នាក់ឯង មិនហៅខ្លួនឲ្យទៅផឹកជាមួយ ទើបមកដល់ថ្ងៃកើយហេតុ ខ្លួនបានធ្វើសកម្មភាពយកកាំបិតផ្គាក់កាប់ទៅលើជនរងគ្រោះ វត្ថុតាងដកហូតមាន កាំបិតផ្គាក់ចំនួន១ដើម ។
ក្រោយនគរបាលជំនាញពិនិត្យកោសល្យវិច័យរួច សពជនរងគ្រោះត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី ។ ចំណែកជនដៃដល់ សមត្ថកិច្ចជំនាញកសាងសំណុំរឿងចាត់ការបន្តតាមផ្លូវច្បាប់ ៕
ចែករំលែកព័តមាននេះ