ប៉ូលិសបង្ក្រាបគ្រឿងញៀ.នជាង១០០០០ករណី មនុស្សជាង២៧០០០នាក់ និងគ្រឿងញៀ.នជិត១៥តោន ។ តួលេខនេះបានបង្ហាញពីស្ថានភាពដ៏ធ្ងន់ធ្ងរនៃគ្រឿងញៀ.ននៅកម្ពុជា ដោយជំរុញអោយថ្នាក់ដឹកនាំក្រសួងមហាផ្ទៃព្រមានបកស្បែកមន្ត្រីណាហ៊ានពាក់ព័ន្ធនឹងករណីនេះ ។ បើយោងតាមរបាយការណ៍ ដែលបង្ហាញនៅក្នុងសន្និបាតបូកសរុប លទ្ធផលការងារ…
ប៉ូលិសបង្ក្រាបគ្រឿងញៀ.នជាង១០០០០ករណី មនុស្សជាង២៧០០០នាក់ និងគ្រឿងញៀ.នជិត១៥តោន ។ តួលេខនេះបានបង្ហាញពីស្ថានភាពដ៏ធ្ងន់ធ្ងរនៃគ្រឿងញៀ.ននៅកម្ពុជា ដោយជំរុញអោយថ្នាក់ដឹកនាំក្រសួងមហាផ្ទៃព្រមានបកស្បែកមន្ត្រីណាហ៊ានពាក់ព័ន្ធនឹងករណីនេះ ។
បើយោងតាមរបាយការណ៍ ដែលបង្ហាញនៅក្នុងសន្និបាតបូកសរុប លទ្ធផលការងារ ឆ្នាំ២០២៤ និងលើកទិសដៅការងារឆ្នាំ២០២៥ របស់អាជ្ញាធរជាតិប្រយុទ្ធប្រឆាំងគ្រឿងញៀ.នបានបង្ហាញថា នៅឆ្នាំ២០២៤ ករណីគ្រឿងញៀ.នដែលបង្ក្រាបបានមានចំនួនដល់ទៅ១០.៦៣០ករណី កើនឡើង២.៥៦៧ករណី ស្មើ៣១,៨៤ភាគរយ បើប្រៀបធៀបនឹងឆ្នាំ២០២៣ ។
សម្រាប់ការឃាត់ខ្លួនជនសង្ស័យ គឺមានចំនួនដល់ទៅ២៧.០៧១នាក់ កើន៣៥,៥៣ភាគរយ មិនតែប៉ុណ្ណោះគ្រឿងញៀ.ន ដែលសមត្ថកិច្ចបានរឹបអូសយកមានចំនួនជិត១៥តោន កើនឡើងដល់ទៅ៤ដង បើធៀបឆ្នាំ២០២៣ ។
របាយការណ៍បានគូសបញ្ជាក់ទៀតថា គ្រឿងញៀ.នដែលរឹបអូស គឺមានដូចជា ប្រភេទមេតំហ្វេតាមីន, កេតាមីន, ហេរ៉ូអ៊ីន កូកាអ៊ីន និងអ៊ិចស្ដាស៊ី ដោយគ្រឿងញៀ.នទាំងនោះ គឺមកចម្រុះពោល គឺពីតំបន់ត្រីកោណមាស និងមកពីអាមេរិកខាងត្បូង ។
ការប្រយុទ្ធប្រឆាំងនឹងគ្រឿងញៀ.ន ត្រូវតែធ្វើដោយមិនដកដៃពីព្រោះវា គឺជាឧក្រិ.ដ្ឋកម្មដែលបន្សល់ទុកនៅក្នុងសង្គមមនុស្សរាប់សតវត្សរ៍មកហើយ ។ ប៉ុន្តែកាលណាសមត្ថកិច្ច និងមន្ត្រីយើងនៅឆ្ងាយពីវានោះយើងពិតជាអាចកាត់បន្ថយបាន ។ ក្រៅពីការងារប្រើប្រាស់កម្លាំងហើយនោះ ក្រសួងមហាផ្ទៃក៏គួរតែពង្រឹងកិច្ចសហប្រតិបត្តិការជាមួយនឹងក្រសួងអប់រំ និងក្រសួងពាក់ព័ន្ធបង្កើនកម្មវិធីអប់រំ ដើម្បីឲ្យកុមារ និងយុវសិស្សយើងស្គាល់ដឹង និង ទទួលបាននូវព័ត៌មានដ៏អវិជ្ជមាន និងគ្រោះថ្នា្កក់អំពីបញ្ហានេះ ។
ការបង្ក្រាប និងទប់ស្កាត់ គឺជារឿងមួយដែលយើងគួរតែពង្រឹង និងអនុវត្តបន្តឲ្យម៉ឺងម៉ាត់ដូចជា ប្រសាសន៍របស់លោកឧបនាយករដ្ឋមន្ត្រី ពោល គឺត្រូវហ៊ានវះកាត់ និងកាត់សាច់ស្អុយចោល ។ ប៉ុន្តែការបញ្ជ្រាប តាមវិធីទន់ភ្លន់តាមការអប់រំក៏ជាយុទ្ធនាការមួយបន្ថែមទម្ងន់ដល់កិច្ចខិតខំប្រឹងប្រែងនៅលើសរមភូមិនៃការប្រយុទ្ធប្រឆាំងនឹងគ្រឿងញៀ.ននេះមួយចំណែកផងដែរ ៕
ចែករំលែកព័តមាននេះ