រាជធានីភ្នំពេញ ៖ អគ្គិភ័យឆាបឆេះជាន់ទី០១នៃផ្ទះល្វែងរបស់ប្រជាពលរដ្ឋ បង្កភ្ញាក់ផ្អើលនាវេលាម៉ោង១១ព្រឹក ថ្ងៃទី១៣ ខែមីនា ឆ្នាំ២០២៥ នៅចំណុចក្នុងបុរីសូនី តាមបណ្តោយផ្លូវលេខ៣៤ ក្នុងសង្កាត់ស្ទឹងមានជ័យទី០៣…
រាជធានីភ្នំពេញ ៖ អគ្គិភ័យឆាបឆេះជាន់ទី០១នៃផ្ទះល្វែងរបស់ប្រជាពលរដ្ឋ បង្កភ្ញាក់ផ្អើលនាវេលាម៉ោង១១ព្រឹក ថ្ងៃទី១៣ ខែមីនា ឆ្នាំ២០២៥ នៅចំណុចក្នុងបុរីសូនី តាមបណ្តោយផ្លូវលេខ៣៤ ក្នុងសង្កាត់ស្ទឹងមានជ័យទី០៣ ខណ្ឌមានជ័យ រាជធានីភ្នំពេញ ។
តាមប្រភពព័ត៍មានពីប្រជាពលរដ្ឋបានប្រាប់អោយដឹងថា មុនកើតហេតុពួកគាត់បានឮសំឡេងផ្ទុះ០២-០៣ដង ពួកគាត់រត់ស្ទុះពីក្នុងផ្ទះមកមើល ភ្លាមៗបានប្រទះឃើញបន្ទប់ជាន់ទី០១ នៃផ្ទះល្វែងលាយលំអណ្តាតភ្លើងយ៉ាងសន្ធោរសន្ធៅនឹងផ្សែងហ៊ុយពេញផ្ទៃមេឃ ផ្អើលពលរដ្ឋនៅក្បែរនោះឆោឡោ ។
ខណៈនោះ ប្រជាពលរដ្ឋបាននាំគ្នាយកទុយោទឹកបាញ់ពន្លត់ដែរ តែដោយសារចំហាយក្តៅខ្លាំងពេក ទើបពលរដ្ឋប្រញាប់ប្រញាល់ ទាក់ទងទៅកាន់សមត្ថកិច្ច ដើម្បីមកជួយអន្តរាគមន៍បាញ់ពន្លត់ កុំអោយមានការរាលដាល ។
អគ្គិភ័យនេះដែរ បានបង្កអោយឆាបឆេះរងការខូចខាតបន្ទប់ជាន់ទី០១ នៃផ្ទះល្វែងស្ទើរទាំងស្រុង រួមនឹងសម្ភារៈមួយចំនួន រួមទាំងបានប្រើប្រាស់រថយន្តការិយាល័យបង្ការ ពន្លត់អគ្គិភ័យនឹងសង្គ្រោះនៃស្នងការដ្ឋាននគរបាលរាជធានីភ្នំពេញអស់ចំនួន០២គ្រឿង រួមនឹងរថយន្តជំនួយរបស់ស្រាបៀរកម្ពុជាចំនួន០១គ្រឿង និងរថយន្តកងរាជអាវុធហត្ថចំនួន០៣គ្រឿងជួយអន្តរាគមន៍បាញ់ពន្លត់អោយរលត់ជាស្ថាពរ ។ ចំពោះមូលហេតុ សមត្ថកិច្ចកំពុងស្រាវជ្រាវរកមូលហេតុ ៕
ចែករំលែកព័តមាននេះ