ខេត្តកំពង់ស្ពឺ ៖ ក្មេងស្រីម្នាក់បានបង្ហោះសារតាមបណ្តាញសង្គម(ហ្វេសប៊ុកថា មានគេចាប់ជំរិតទាំងមនុស្ស និងម៉ូតូយកទៅបាត់ដោយមិនដឹងថា នាំយកទៅណានោះទេបង្កឱ្យសមត្ថកិច្ចឈឺក្បាល។ ក្រោយទទួលបានសារនេះស្នងការនៃស្នងការដ្ឋាននគរបាលខេត្តកំពង់ស្ពឺលោកឧត្តមសេនីយ៍ទោ ឃឹម សុកខៃ បានដាក់បទបញ្ជាទៅកម្លាំងជំនាញឱ្យបើកប្រតិបត្តិការភ្លាមៗ…
ខេត្តកំពង់ស្ពឺ ៖ ក្មេងស្រីម្នាក់បានបង្ហោះសារតាមបណ្តាញសង្គម(ហ្វេសប៊ុកថា មានគេចាប់ជំរិតទាំងមនុស្ស និងម៉ូតូយកទៅបាត់ដោយមិនដឹងថា នាំយកទៅណានោះទេបង្កឱ្យសមត្ថកិច្ចឈឺក្បាល។ ក្រោយទទួលបានសារនេះស្នងការនៃស្នងការដ្ឋាននគរបាលខេត្តកំពង់ស្ពឺលោកឧត្តមសេនីយ៍ទោ ឃឹម សុកខៃ បានដាក់បទបញ្ជាទៅកម្លាំងជំនាញឱ្យបើកប្រតិបត្តិការភ្លាមៗ ដើម្បីរកឱ្យឃើញជនរងគ្រោះ និងម៉ូតូ ដែលជិះទៅជាមួយ។
ក្នុងប្រតិបត្តិការរយៈពេល ៦០នាទី កម្លាំងជំនាញបានរកឃើញថា ការបង្ហោះព័ត៌មានតាមបណ្តាញសង្គមខាងលើជាព័ត៌មានប្រឌិត ក្លែងក្លាយប៉ុណ្ណោះ ដែលធ្វើឱ្យមហាជនមានការភាន់ច្រឡំ និងហ្វឹកវរក្នុងសង្គម។
ពាក់ព័ន្ធនឹងករណីនេះ ស្នងការនៃស្នងការដ្ឋាននគរបាលខេត្តកំពង់ស្ពឺ លោកឧត្តមសេនីយ៍ទោ ឃឹម សុកខៃ បានឱ្យដឹងនៅរសៀលថ្ងៃទី១១ ខែមីនា ឆ្នាំ២០២៥ ថា កម្លាំងជំនាញផែនការងារសន្ដិសុខ សហការធ្វើការស្រាវជ្រាវជាមួយកម្លាំងអធិការនគរបាលស្រុកសំរោងទង លេីព័ត៌មានប្រភពពីហ្វេសប៊ុក ឈ្មោះ Rern Srey Noch ដែលបង្ហោះថា៖«ប្អូនស្រីខ្ញុំត្រូវបានជនមិនស្គាល់មុខចាប់ជំរិតយកទាំងម៉ូតូទាំងមនុស្សនៅចំណុចភូមិថ្មី ឃុំតាំងក្រូច ស្រុកសំរោងទង ខេត្ដកំពង់ស្ពឺ កាលពីព្រឹកម៉ោង៥ ថ្ងៃទី១០ ខែមីនា ឆ្នាំ២០២៥ ម្សិលមិញ។
ជាក់ស្ដែងក្រោយប្រតិបត្ដិការស្រាវជ្រាវរយៈពេល៦០នាទី សមត្ថកិច្ចកំណត់បានថា ជាករណីប្រឌិតព័ត៌មានក្លែងចេញពីប្រភពអះអាងថា ជនរងគ្រោះ ឈ្មោះ គង់ សុខណេង ភេទស្រី អាយុ១៨ឆ្នាំ និងកំណត់បានទីតាំងសម្ងំនិយាយព័ត៌មានប្រឌិតរួចឈានទៅរកឃេីញ និងនាំយកក្មេងស្រីខាងលើត្រឡប់មកផ្ទះវិញ។
លោកស្នងការនគរបាលខេត្តកំពង់ស្ពឺបន្តថា នៅចំពោះមុខសមត្ថកិច្ច ក្មេងស្រីខាងលេីបានសារភាពថា មូលហេតុធំដែលឈានដល់ការរៀបចំផែនការកុហកបោកប្រាស់ធ្វើព័ត៌មានក្លែងនេះមកពីខ្លួនពិបាកចិត្ដរឿងផ្ទាល់ខ្លួនដែលជំពាក់ប្រាក់អ្នកស្គាល់គ្នា និងបានបេីកប្រាក់ខែយកទៅសងគេអស់ មិនមានប្រាក់ឱ្យឪពុកម្តាយទេីបរៀបចំសម្ដែងថាគេចាប់ជំរិតទារប្រាក់បែបនេះ។
ក្រោយពីក្មេងស្រីទទួលសារភាព និងសុំទោសជាសាធារណៈនៅមុខសមត្ថកិច្ចរួច កម្លាំងជំនាញក៏បានធ្វើការអប់រំ ហើយទើបអនុញ្ញាតឱ្យវិលត្រឡប់ទៅវិញ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ