បុគ្គលិកខ្មែរដែលធ្វើការអោយអង្គការក្រោមជំនួយអាមេរិកប្រឈមនឹងការបាត់បង់ការងារ ខណ:ដែលលោកប្រធានាធិបតីត្រាំសម្រេចកាត់បន្ថយជំនួយUSAID ចំនួន ៨៣ភាគរយនៅទូទាំងពិភពលោក។ រដ្ឋមន្ត្រីការបរទេសអាមេរិកលោក Marco Rubio ត្រូវបានទីភ្នាក់ងារសារព័ត៌មានបារាំង AFP ដកស្រង់សម្តីនៅថ្ងៃទី…
បុគ្គលិកខ្មែរដែលធ្វើការអោយអង្គការក្រោមជំនួយអាមេរិកប្រឈមនឹងការបាត់បង់ការងារ ខណ:ដែលលោកប្រធានាធិបតីត្រាំសម្រេចកាត់បន្ថយជំនួយUSAID ចំនួន ៨៣ភាគរយនៅទូទាំងពិភពលោក។
រដ្ឋមន្ត្រីការបរទេសអាមេរិកលោក Marco Rubio ត្រូវបានទីភ្នាក់ងារសារព័ត៌មានបារាំង AFP ដកស្រង់សម្តីនៅថ្ងៃទី ១១ ខែ មិនា ដូចដែលបាននិយាយថាអាមេរិកបានលុបចោលកម្មវិធីចំនួន៨៣ភាគរយរបស់ទីភ្នាក់ងារសហរដ្ឋអាមេរិកដើម្បីការអភិវឌ្ឍន៍អន្តរជាតិឬហៅកាត់ថា USAID ដើម្បីកាត់បន្ថយការចំណាយអោយដើរតាមបន្ទាត់នយោបាយ « America First»ដែលមានន័យថា ផលប្រយោជន៍ “អាមេរិកមុនគេ”។
ការកាត់បន្ថយទ្រង់ទ្រាយធំនេះនឹងធ្វើអោយប៉ះពាល់ដល់បុគ្គលិកខ្មែរជាច្រើននាក់ដែលធ្វើការអោយអង្គការអាមេរិកនៅកម្ពុជាពិសេសអង្គការដែលស្ថិតក្រោមជំនួយUSAID។
យោងតាមឯកសារមួយរបស់ក្រសួងការបរទេសកម្ពុជាមានអង្គារអាមេរិកដែលចុះMOU ឬអនុស្សារន:នៃការយោគយល់ជាមួយកម្ពុជាមានចំនួន៩៩អង្គការដោយអង្គការ។
ដូច្នេះបុគ្គលិកកម្ពុជាដែលធ្វើការអោយអង្គការទាំងនេះពិសេសកម្មវិធីក្រោមជំនួយUSAID នឹងប្រឈមមុខខ្ពស់នឹងបាត់បង់ការងារ។
អ្នករិះគន់បានព្រមានថាការសម្រេចចិត្តរបស់អាមេរិកនេះនឹងអាចប៉ះពាល់ដល់មនុស្សជាច្រើនលាននាក់នៅក្នុងពិភពលោក៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ