រាជធានីភ្នំពេញ ៖ មន្ត្រីជំនាញ នៃអង្គភាពសកម្មភាពកំចាត់មីនកម្ពុជា (ស៊ីម៉ាក់) បានរកឃើញគ្រាប់បែក២គ្រាប់ ទម្ងន់២៣០គីឡូក្រាម នៅក្នុងចម្ការស្វាយចន្ទី និងបាតរណៅ្តដី នៅខេត្តផ្សេងគ្នា…
រាជធានីភ្នំពេញ ៖ មន្ត្រីជំនាញ នៃអង្គភាពសកម្មភាពកំចាត់មីនកម្ពុជា (ស៊ីម៉ាក់) បានរកឃើញគ្រាប់បែក២គ្រាប់ ទម្ងន់២៣០គីឡូក្រាម នៅក្នុងចម្ការស្វាយចន្ទី និងបាតរណៅ្តដី នៅខេត្តផ្សេងគ្នា កាលពីថ្ងៃ១១ មីនា ២០២៥ ។
យោងតាមហ្វេសប៊ុករបស់ឯកឧត្តម ហេង រតនា អគ្គនាយកស៊ីម៉ាក់ នៅថ្ងៃ១១ មីនា ២០២៥ បានឲ្យដឹងថា ២គ្រាប់ ជាគ្រាប់បែកទម្លាក់ពីយន្តហោះ សំណល់សង្គ្រាមប្រភេទ MK82 ទម្ងន់ប្រមាណ២៣០គីឡូក្រាម។ ក្នុងនោះ មួយគ្រាប់សំងំខ្លួន ក្នុងចម្ការស្វាយចន្ទី ស្ថិតនៅឃុំជ្រាប់ ស្រុកសន្ទុកខេត្តកំពង់ធំ ។ រីឯមួយគ្រាប់ទៀត សំងំលាក់ខ្លួននៅបាតរណៅ្តដី ស្ថិតនៅឃុំរលាំងកែន ស្រុកកណ្តាលស្ទឹង ខេត្តកណ្តាល ។
ទោះបីជាយ៉ាងណា អគ្គនាយកស៊ីម៉ាក់ បានអះអាងថា នៅថ្ងៃទី១១ ខែមីនា មន្ត្រីជំនាញ ត្រូវដំណើរការដោះបន្សាបតាមលក្ខណៈបច្ចេកទេស ដើម្បីធានាសុខសុវត្ថិ ភាពជូនប្រជាពលរដ្ឋ និងសង្គមជាតិ ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ