របាយការណ៍ស្រាវជ្រាវថ្មីមួយវាយតម្លៃថា សហរដ្ឋអាមេរិកអាចចំណាយមិនតិចជាង៤,៤សែនកោដិដុល្លារ(១សែនកោដិដុល្លារមានសូន្យ១៨) ក្នុងសង្គ្រាមនៅអ៊ីរ៉ាក់ អាហ្វហ្គានីស្ថាន និងប៉ាគីស្ថាន។ យោងតាមរបាយការណ៍នេះរបស់វិទ្យាស្ថាន WATSON សិក្សាអន្តរជាតិនៃសាកលវិទ្យាល័យ BROWN ថា
របាយការណ៍ស្រាវជ្រាវថ្មីមួយវាយតម្លៃថា សហរដ្ឋអាមេរិកអាចចំណាយមិនតិចជាង៤,៤សែនកោដិដុល្លារ(១សែនកោដិដុល្លារមានសូន្យ១៨) ក្នុងសង្គ្រាមនៅអ៊ីរ៉ាក់ អាហ្វហ្គានីស្ថាន និងប៉ាគីស្ថាន។
យោងតាមរបាយការណ៍នេះរបស់វិទ្យាស្ថាន WATSON សិក្សាអន្តរជាតិនៃសាកលវិទ្យាល័យ BROWN ថា ស្ទើរតែ១០ឆ្នាំក្រោយការប្រកាសសង្គ្រាមរបស់សហរដ្ឋអាមេរិកប្រឆាំងភេរវកម្មសង្គ្រាមនៅអ៊ីរ៉ាក់ អាហ្វហ្គានីស្ថាន និងប៉ាគីស្ថានធ្វើឱ្យសហរដ្ឋអាមេរិកត្រូវចំណាយប្រាក់រវាងពី២,៣ទៅ២,៧សែនកោដិដុល្លារ។
របាយការណ៍នេះរៀបរាប់ពុំត្រឹមតែការចំណាយដោយផ្ទាល់ចំពោះសង្គ្រាមក្រោយថ្ងៃទី១១ កញ្ញាប៉ុណ្ណោះទេ ក៏ប៉ុន្តែក៏រួមមាននូវតម្លៃនៃការព្យាបាលថែទាំអតីតយុទ្ធជនក្នុងពេលបច្ចុប្បន្ន និងពេលអនាគត ព្រមទាំងការចំណាយសំរាប់សង្គ្រាមគ្រោងពីឆ្នាំ២០១២ទៅ២០២០ផងដែរ។ របាយការណ៍នេះវាយតម្លៃថា សរុបតម្លៃសម្រាប់សង្គ្រាមមានរវាងពី៣,៧ទៅ៤,៤សែនកោដិដុល្លារ។
សង្គ្រាមនៅអ៊ីរ៉ាក់នៅអាហ្វហ្គានីស្ថាន និងនៅប៉ាគីស្ថានបានសម្លាប់មនុស្សយ៉ាងតិច២២៥.០០០នាក់ក្នុងនោះរួមមានទាហាន ស៊ីវិលសហគ្រិន។ ក្នុងចំណោមជនរងគ្រោះមានជនស៊ីវិល១៣៧.០០០នាក់សំរាប់គ្រប់ភាគីក្នុងជម្លោះ។ ម្យ៉ាងវិញទៀតសង្គ្រាមបានបង្កើតជនភៀសខ្លួនអ៊ិរ៉ាក់ អាហ្វហ្គានីស្ថាន និងប៉ាគីស្ថានជាង៧,៨លាននាក់ ៕
ចែករំលែកព័តមាននេះ