រាជធានីភ្នំពេញ ៖ យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ បានឱ្យដឹងថា រដ្ឋបាលរាជធានីភ្នំពេញ មានកិត្តិយសសូមជូនដំណឹងដល់ប្រជាពលរដ្ឋ និងសាធារណជនទាំងអស់ឱ្យបានជ្រាបថា រដ្ឋបាលរាជធានីភ្នំពេញ នឹងធ្វើការជ្រើសរើសប្រធានការិយាល័យប្រជាពលរដ្ឋ ចំនួន០១រូប…
រាជធានីភ្នំពេញ ៖ យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ បានឱ្យដឹងថា រដ្ឋបាលរាជធានីភ្នំពេញ មានកិត្តិយសសូមជូនដំណឹងដល់ប្រជាពលរដ្ឋ និងសាធារណជនទាំងអស់ឱ្យបានជ្រាបថា រដ្ឋបាលរាជធានីភ្នំពេញ នឹងធ្វើការជ្រើសរើសប្រធានការិយាល័យប្រជាពលរដ្ឋ ចំនួន០១រូប ដើម្បីបំពេញការងារនៅការិយាល័យប្រជាពលរដ្ឋរាជធានីភ្នំពេញ ។
ការិយាល័យប្រជាពលរដ្ឋរាជធានីភ្នំពេញ មានតួនាទីទទួល និងសម្រុះសម្រួលដោះស្រាយបណ្ដឹងក្រៅប្រព័ន្ធតុលាការ ដែលពាក់ព័ន្ធនឹងការផ្តល់សេវាសាធារណៈ ការគ្រប់គ្រងរដ្ឋបាលនៅថ្នាក់ក្រោមជាតិ ក្នុងគោលបំណងលើកកម្ពស់អភិបាលកិច្ចល្អក្នុងការផ្តល់សេវា និងការអភិវឌ្ឍសេដ្ឋកិច្ចមូលដ្ឋានប្រកបដោយតម្លាភាព គណនេយ្យភាព និងប្រសិទ្ធភាព សំដៅបង្កើនជំនឿទុកចិត្តរបស់ប្រជាពលរដ្ឋនៅមូលដ្ឋាន ។
ប្រធានការិយាល័យប្រជាពលរដ្ឋរាជធានីភ្នំពេញ នឹងត្រូវជ្រើសរើសតាមរយៈការបោះឆ្នោត ដោយកម្មាធិការបោះឆ្នោតមួយ ដែលមានសមាសភាពមកពីក្រុមប្រឹក្សារាជធានីភ្នំពេញ សមាគមក្រុមប្រឹក្សាខណ្ឌ សង្កាត់ រាជធានីភ្នំពេញ តំណាងសភាពាណិជ្ជកម្មកម្ពុជា និងតំណាងអង្គការ-សមាគមសង្គមស៊ីវិលជាតិក្នុងស្រុក ។
១. មុខតំណែងដែលត្រូវជ្រើសរើស
ប្រធានការិយាល័យប្រជាពលរដ្ឋរាជធានីភ្នំពេញ០១ រូប
២. លក្ខខណ្ឌ និងលក្ខណសម្បត្តិ
ប្រជាពលរដ្ឋខ្មែរទាំងពីរភេទ ដែលមានបំណងដាក់ពាក្យឈរឈ្មោះជាបេក្ខជនប្រធានការិយាល័យប្រជាពលរដ្ឋរាជធានីភ្នំពេញ ត្រូវមានលក្ខខណ្ឌ និងលក្ខណសម្បត្តិ ដូចខាងក្រោម ៖
-មានសញ្ជាតិខ្មែរពីកំណើត
-មានអាយុចាប់ពី ៣៥ឆ្នាំ ទៅ ៦៥ឆ្នាំ គិតដល់ថ្ងៃបោះឆ្នោត
-សញ្ញាបត្រចាប់ពីបរិញ្ញាបត្រ ឬសញ្ញាបត្រសមមូលពាក់ព័ន្ធនឹងផ្នែកច្បាប់ ឬរដ្ឋបាល ឬផ្នែកដទៃទៀតពាក់ព័ន្ធនឹងការដោះស្រាយទំនាស់
-មានបទពិសោធន៍ក្នុងការងារពាក់ព័ន្ធនឹងផ្នែកច្បាប់ ឬរដ្ឋបាល ឬផ្នែកដទៃទៀតពាក់ព័ន្ធនឹងការដោះស្រាយ ទំនាស់យ៉ាងតិច ០៣ឆ្នាំ-ជាបុគ្គលស្អាតស្អំ មានកេរ្តិ៍ឈ្មោះល្អ មានការគោរពរាប់អានពីសហគមន៍របស់ខ្លួន
-មានទីលំនៅអចិន្ត្រៃយ៍នៅក្នុងរាជធានីភ្នំពេញ ដែលសាមីជនមានបំណងឈរឈ្មោះ ។
ប្រជាពលរដ្ឋខ្មែរទាំងពីរភេទ ដែលគ្មានសិទ្ធិឈរឈ្មោះជាបេក្ខជនប្រធានការិយាល័យប្រជាពលរដ្ឋរាជធានី-ភ្នំពេញ ៖
-មន្ត្រីរាជការស៊ីវិល មន្ត្រីតុលាការ កងយោធពលខេមរភូមិន្ទ ឬនគរបាលជាតិ
-សមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ ឃុំ សង្កាត់
-ព្រះសង្ឃ ឬបុព្វជិតសាសនា
-ជនដែលត្រូវបានផ្តន្ទាទោសពីបទមជ្ឈិម ឬឧក្រិដ្ឋ ហើយមិនមាននីតិសម្បទាឡើងវិញ
-ជនដែលស្ថិតនៅក្នុងរចនាសម្ព័ន្ធចាត់តាំងរបស់គណបក្សនយោបាយណាមួយ ។
៣. តួនាទី ភារកិច្ច
តួនាទី ភារកិច្ច នៃមុខតំណែងប្រធានការិយាល័យប្រជាពលរដ្ឋរាជធានីភ្នំពេញ មានកំណត់នៅក្នុងលក្ខខណ្ឌ ការងារដែលមានភ្ជាប់ជាមួយនឹងសេចក្តីជូនដំណឹង និងពាក្យស្នើសុំ។
៤. សំណុំឯកសារសម្រាប់ដាក់ពាក្យ
-ពាក្យស្នើសុំ ០១ច្បាប់
-ប្រវត្តិរូបសង្ខេបមានបិទរូបថត ៤x៦ ០១ច្បាប់
-សេចក្តីចម្លងសំបុត្រកំណើត ឬបញ្ជាក់កំណើត ០១ច្បាប់
-សៀវភៅគ្រួសារ ឬសៀវភៅស្នាក់នៅ ដែលថតចម្លងតាមច្បាប់ដើម ០១ច្បាប់
-សញ្ញាបត្រ ឬវិញ្ញាបនបត្រនានា ដែលថតចម្លងតាមច្បាប់ដើម ០១ច្បាប់
-រូបថត ៤x៦ ០២សន្លឹក
៥. ទីកន្លែងទទួលពាក្យ និងកាលបរិច្ឆេទឈប់ទទួលពាក្យ
បេក្ខជនដែលមានបំណងចង់ឈរឈ្មោះជាប្រធានការិយាល័យប្រជាពលរដ្ឋរាជធានីភ្នំពេញ ត្រូវមកទទួល ពាក្យ ឬសូមទាញយកតាមរយៈ QR Code ដែលមានភ្ជាប់ក្នុងសេចក្តីជូនដំណឹងនេះ និងដាក់ពាក្យស្នើសុំនៅការិយា- ល័យលេខាធិការក្រុមប្រឹក្សារាជធានីភ្នំពេញ រៀងរាល់ម៉ោងធ្វើការចាប់ពីថ្ងៃជូនដំណឹងនេះតទៅ ។
កាលបរិច្ឆេទឈប់ទទួលពាក្យស្នើសុំត្រឹមថ្ងៃទី១៨ ខែមេសា ឆ្នាំ២០២៥ វេលាម៉ោង ១៧:៣០នាទីល្ងាច។ ការចែកពាក្យស្នើសុំ និងលក្ខខណ្ឌការងារ ការដាក់ និងការទទួលពាក្យស្នើសុំ ពុំតម្រូវឱ្យមានការបង់ប្រាក់ឡើយ ។
៦. ប្រាក់ឧបត្ថម្ភ និងអត្ថប្រយោជន៍
ប្រធានការិយាល័យប្រជាពលរដ្ឋរាជធានីភ្នំពេញ មានប្រាក់ឧបត្ថម្ភប្រចាំខែចំនួន ១.៦៨៥.០០០រៀល (មួយលានប្រាំមួយរយប៉ែតសិបប្រាំពាន់រៀលគត់) ។
ប្រធានការិយាល័យប្រជាពលរដ្ឋរាជធានីភ្នំពេញ អាចទទួលបានអត្ថប្រយោជន៍ផ្សេងៗទៀតតាមការកំណត់ របស់រដ្ឋបាលរាជធានីភ្នំពេញ ។
បេក្ខជនជាស្ត្រី ជនពិការ និងជនជាតិដើមភាគតិច ត្រូវបានផ្តល់អាទិភាព និងលើកទឹកចិត្តឱ្យដាក់ពាក្យ ឈរឈ្មោះជាបេក្ខជនសម្រាប់មុខតំណែងខាងលើនេះ ។
អាស្រ័យដូចបានជម្រាបជូនខាងលើ សូមប្រជាពលរដ្ឋ និងសាធារណជនទាំងអស់ដែលមានលក្ខណ- សម្បត្តិសមស្របដូចបានកំណត់នៅក្នុងសេចក្តីជូនដំណឹងនេះ និងមានបំណងឈរឈ្មោះជាបេក្ខជនសម្រាប់មុខ តំណែងខាងលើ អញ្ជើញមកទទួល និងដាក់ពាក្យស្នើសុំនៅទីកន្លែង និងតាមកាលបរិច្ឆេទដូចបានកំណត់ខាងលើ ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ