ខេត្តស្វាយរៀង ៖ លោកវរសេនីយ៍ទោ សោម សារ៉ន អធិការនៃអធិការដ្ឋាននគរបាលស្រុកស្វាយទាប ត្រូវបានរដ្ឋមន្ត្រីក្រសួងមហាផ្ទៃដកហូតមុខតំណែង និងបន្ថយឋានន្តរសក្តិ២ថ្នាក់ បន្ទាប់ពីក្រសួងបានរកឃើញថា លោកអធិការបានប្រព្រឹត្តកំហុសឆ្គង…
ខេត្តស្វាយរៀង ៖ លោកវរសេនីយ៍ទោ សោម សារ៉ន អធិការនៃអធិការដ្ឋាននគរបាលស្រុកស្វាយទាប ត្រូវបានរដ្ឋមន្ត្រីក្រសួងមហាផ្ទៃដកហូតមុខតំណែង និងបន្ថយឋានន្តរសក្តិ២ថ្នាក់ បន្ទាប់ពីក្រសួងបានរកឃើញថា លោកអធិការបានប្រព្រឹត្តកំហុសឆ្គង ដូចមន្ត្រីនគរបាលនៃអធិការដ្ឋាននគរបាលស្រុកស្វាយទាបស្ថិតក្រោមឱវាទ បានដាក់ពាក្យបណ្តឹងទៅក្រសួងមហាផ្ទែពិតប្រាកដមែន ។
ជុំវិញកំហុសឆ្គងនេះ បានរកឃើញថា បានលក់វត្ថុតាងនៃបទល្មើសគ្រោះថ្នាក់ចរាចរណ៍ រួមមានរថយន្តម៉ាក CAMMARY ឆ្លាម១គ្រឿង និងគោយន្តកែច្នៃ១គ្រឿងស៊ីដាច់ម៉ាត់តែម្ដង ។
-បានឲ្យមន្ត្រីនគរបាលបង់ប្រាក់៥០០ដុល្លារ ជាថ្នូរការតែងតាំងមុខតំណែង និងឡើងឋានន្តរសក្តិ ។
-បានឲ្យឱ្យអ្នកអាណាព្យាបាលរបស់ជនសង្ស័យប្រើប្រាស់គ្រឿងញៀន បង់ប្រាក់ចំនួន២០០ដុល្លារ ជាថ្នូរនឹងការដោះលែង ។
-បានឲ្យជនជាតិបង់ក្លាដែសឆ្លងដែនខុសច្បាប់ បង់ប្រាក់ចំនួន៥ ០០០ដុល្លារ ជាថ្នូរនៃការដោះលែង ។
-បានឲ្យមន្ត្រីនគរបាលក្រោមឱវាទបង់ប្រាក់៤០០ដុល្លារក្នុង១បន្ទប់ ដើម្បីបានចូលបម្រើការងារនៅក្នុងអគារថ្មី ព្រមទាំងបានប្រើពាក្យសម្ដីមិនសមរម្យទៅកាន់មន្ត្រីនគរបាលនៅក្រោមឱវាទ ដែលទង្វើទាំងនេះ បានប្រព្រឹត្តផ្ទុយនឹងប្រកាសលេខ៨៧៣ ប្រក ចុះថ្ងៃទី០៥ ខែមីនា ឆ្នាំ២០២៤ របស់ក្រសួងមហាផ្ទៃស្តីពីបទវិន័យនគរបាលជាតិកម្ពុជា ត្រង់ជំពូក៣ ប្រការ១០ លេខ៣និងលេខ៨ និងជំពូកទី៦ ប្រកា៣២ ចំណុចខ លេខ៤ លេខ៥ និងលេខ២១ ។
ក្រសួងមហាផ្ទៃ បានប្រគល់ភារកិច្ចជូនអគ្គស្នងការដ្ឋាននគរបាលជាតិ ដើម្បីអនុវត្តវិន័យ ដាក់ទណ្ឌកម្មខាងវិន័យ កម្រិតទី២ ចំពោះលោកវរសេនីយ៍ទោ សោម សារ៉ន អត្ថលេខ៣៦៤៧៤ អធិការនៃអធិការដ្ឋាននគរបាលស្រុកស្វាយទាប ស្នងការដ្ឋាននគរបាលខេត្តស្វាយរៀង ក្រោមរូបភាព ដកហូតតំណែង និងបន្ថយឋានន្តរសក្តិចំនួន២ថ្នាក់ ។
ក្នុងនោះដែរ ក្រសួងមហាផ្ទៃ បានដាក់ទណ្ឌកម្មកម្រិតទី១ ដល់មន្ត្រីនគរបាលនៃអធិការដ្ឋាននគរបាលស្រុកស្វាយទាប ថ្នាក់វរសេនីយ៍ត្រី១រូប និងថ្នាក់អនុសេនីយ៍ឯកចំនួន២រូប ដោយព្រមានជាលាយលក្ខណ៍អក្សរលើកទី១ផងដែរ ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ