ខេត្តសៀមរាប ៖ កម្លាំងនគរបាលការិយាលជំនាញនៃស្នងការដ្ឋាននគរបាលខេត្ត សៀមរាប បានធ្វើការស្រាវជ្រាវរហូតឈានដល់ឃាត់ខ្លួនជនសង្ស័យ ភេទទី៣ ចំនួន២នាក់ ករណីលួចកាបូបលុយជនបរទេសនៅម្តុំផ្សាររាត្រី(ផាប់ស្ទ្រីត) និងប្រើប្រាស់ខុសច្បាប់នូវសាធាតុញៀ.ន ។…
ខេត្តសៀមរាប ៖ កម្លាំងនគរបាលការិយាលជំនាញនៃស្នងការដ្ឋាននគរបាលខេត្ត សៀមរាប បានធ្វើការស្រាវជ្រាវរហូតឈានដល់ឃាត់ខ្លួនជនសង្ស័យ ភេទទី៣ ចំនួន២នាក់ ករណីលួចកាបូបលុយជនបរទេសនៅម្តុំផ្សាររាត្រី(ផាប់ស្ទ្រីត) និងប្រើប្រាស់ខុសច្បាប់នូវសាធាតុញៀ.ន ។
ហេតុការណ៍ឃាត់ខ្លួនជនដៃដល់នេះ សមត្ថកិច្ចឃាត់ខ្លួនបាននោះធ្វើឡើង នៅថ្ងៃទី០៦ ខែមីនា ឆ្នាំ២០២៥ វេលាម៉ោង០៣និង០០នាទីទៀបភ្លឺ ស្ថិតនៅចំណុចតូបទុកចោល ស្ថិតនៅភូមិស្ទឹងថ្មី សង្កាត់ស្វាយដង្គំ ក្រុងខេត្តសៀមរាប ។
បើតាមប្រភពពីសមត្ថកិច្ចបានឱ្យដឹង នៅថ្ងៃទី៨ ខែមីនា ឆ្នាំ២០២៥នេះថា កម្លាំងនគរបាលជំនាញនៃស្នងការដ្ឋាននគរបាលខេត្តសៀមរាប បានធ្វើការឃាត់ខ្លួនជនសង្ស័យចំនួនពីរនាក់ ។ ទី១.ឈ្មោះ ចាន់ មាន ភេទប្រុស (តែងខ្លួនស្រី) អាយុ៣២ឆ្នាំ រស់នៅភូមិវិហារចិន សង្កាត់ស្វាយដង្គំ ក្រុងសៀមរាប ធ្លាប់ជាប់គុ.កចំនួន០១ឆ្នាំ និងជាប់មណ្ឌលអប់រំកែប្រែ និងស្ដារនីតិសម្បទាចំនួន០៤ ខែ ពាក់ព័ន្ធគ្រឿងញៀ.ន ។ ២.ឈ្មោះ សំ សុភា ភេទប្រុស (តែងខ្លួនស្រី) អាយុ៣៩ឆ្នាំ រស់នៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប ។
សមត្ថកិច្ចបន្តថា កាលពីថ្ងៃទី០៦ ខែមីនា ឆ្នាំ២០២៥ វេលាម៉ោង០៣និង០០នាទី ទៀបភ្លឺ ស្ថិតនៅត្រង់ចំណុចតូបទុកចោល ស្ថិតនៅភូមិស្ទឹងថ្មី សង្កាត់ស្វាយដង្គំ ក្រុង.ខេត្តសៀមរាប មានករណីអំពើលួចបង្កឡើងដោយជនសង្ស័យមិនស្គាល់អត្តសញ្ញាណ បានធ្វើសកម្មភាពលួចកាបូបលុយចំនួន០១ ពីជនរងគ្រោះឈ្មោះ ASKIN MEHMET ភេទប្រុស អាយុ៥០ ឆ្នាំ ជនជាតិតួកគី សញ្ជាតិតួកគី មានស្រុកកំណើតនៅប្រទេសតួកគី និង ស្នាក់នៅបណ្ដោះអាសន្ន ក្នុងភូមិស្ទឹងថ្មី សង្កាត់ស្វាយដង្គំ ក្រុង ខេត្តសៀមរាប ។
ចំពោះសម្ភារៈបាត់បង់រួមមានៈ ប្រាក់ដុល្លារចំនួន៥៣០០(ប្រាំពាន់បីរយ)ដុល្លារអាមេរិក ,លិខិតឆ្លងដែនចំនួន០១,កាតធនាគារចំនួន០២សន្លឹក, ប័ណ្ណបើកបរចំនួន០១សន្លឹក, ប័ណ្ណការងារចំនួន០១សន្លឹក, អត្តសញ្ញាណប័ណ្ណចំនួន០១សន្លឺក, និងប័ណ្ណសម្គាស់យាន យន្តចំនួន០១សន្លឹក ។
សមត្ថកិច្ចបន្ថែមថា ភ្លាមនោះយើងបានចុះទៅដល់កន្លែងកើតហេតុ និងធ្វើការស្រាវជ្រាវ ភ្លាមៗព្រមទាំងធ្វើការឆែកកាមេរ៉ាសុវត្ថិភាព រហូតកំណត់បានមុខសញ្ញាទើបនៅថ្ងៃទី០៦ ខែមីនា ឆ្នាំ២០២៥ វេលាម៉ោង១៨ និង០៦នាទីល្ងាច នៅចំណុចមុខបន្ទប់ជួល ស្ថិតនៅភូមិតាភុល សង្កាត់ស្វាយ ដង្គំ ក្រុងសៀមរាប ខណៈពេលនោះ សមត្ថកិច្ចយើងបានឃាត់ខ្លួនជនសង្ស័យចំនួន០២នាក់ខាងលើនៅក្នុងបន្ទប់ជួលរួមទាំងកាបូបដៃ ពណ៌ខ្មៅ របស់ជនរងគ្រោះជនបរទេសផងដែរ ។
ក្រោយពីស្រង់ចម្លើយឈ្មោះ សំ សុភា និងឈ្មោះ ចាន់ មាន បានឆ្លើយសារភាពដូចគ្នាថា នៅថ្ងៃទី០៦ ខែមីនា ឆ្នាំ២០២៥ ជនសង្ស័យ សំ សុភា ពិតជាបានធ្វើសកម្មភាពលូកហោប៉ៅយកកាបូបប្រាក់ខាងលើពិតប្រាកដមែន ។ បន្ទាប់មកបានដកយកលុយ ក្នុងកាបូបនោះទាំងអស់ សរុបចំនួន៤០០០ពាន់ដុល្លារហើយ បានប្រគល់កាបូប និងសម្ភារៈក្នុងនោះទៅឱ្យបក្ខពួកឈ្មោះ ចាន់ មាន យកទៅបោះចោលក្នុងព្រៃមុខបន្ទប់ជួល ក្រោយមកបាននាំគ្នាដើរស៊ីចាយអស់ចំនួន៣០០ដុល្លា រហូតដល់ម៉ោង១៨និង០៦នាទីល្ងាចមានសមត្ថកិច្ចហៅសួរនាំតែម្ដង ។
សមត្ថកិច្ចបញ្ជាក់ថា ក្រោយសួរនាំ និងឆ្លើយប្រាប់រួចសមត្ថកិច្ចយើងបានដកហូតវត្ថុតាងបានរួមមាន ៖ ១-កាបូបលុយពណ៌ខ្មៅចំនួន០១ ។ ២-ប្រាក់ដុល្លារចំនួន ៣៧០០ដុល្លារ។ ៣-លិខិតឆ្លងដែនចំនួន ០១, ។ ៤-ប័ណ្ណបើកបរចំនួន០១ ។
,៥-ប័ណ្ណការងារចំនួន ០១,។ ៦-វីសាកាតចំនួន ០២,។ ៧-ប័ណ្ណសម្គាល់យានយន្តចំនួន ០១សន្លឹក ។
បច្ចុប្បន្នជនសង្ស័យទាំងពីរនាក់នោះត្រូវបានកម្លាំងនគបាលជំនាញនៃស្នងការដ្ឋាននគរបាលខេត្តសៀមរាប កសាងសំណុំរឿងបញ្ជូនបន្តទៅតុលាការនៅថ្ងៃទី៧ ខែមីនា ឆ្នាំ២០២៥ ដើម្បីឱ្យចាត់ការតាមផ្លូវច្បាប់ ៕
ចែករំលែកព័តមាននេះ