ខេត្តកំពង់ឆ្នាំង ក្រោយយកសំណាក ពីសត្វមាន់ឈឺនឹងងាប់ ទៅពិនិត្យបានរកឃើញថាសត្វមាន់ទាំងនោះបានកើតជំងឺផ្ដាសាយបក្សី ។ហេតុការណ៍នេះបានកើតឡើងនៅវេលាម៉ោង ៦ល្ងាចថ្ងៃទី ៤ ខែមីនាឆ្នាំ ២០២៥ លើកភូមិឡទឹកត្រី…
ខេត្តកំពង់ឆ្នាំង ក្រោយយកសំណាក ពីសត្វមាន់ឈឺនឹងងាប់ ទៅពិនិត្យបានរកឃើញថាសត្វមាន់ទាំងនោះបានកើតជំងឺផ្ដាសាយបក្សី ។ហេតុការណ៍នេះបានកើតឡើងនៅវេលាម៉ោង ៦ល្ងាចថ្ងៃទី ៤ ខែមីនាឆ្នាំ ២០២៥ លើកភូមិឡទឹកត្រី សង្កាត់កំពង់ឆ្នាំងុំក្រុងកំពង់ឆ្នាំង។
យោងតាមរបាយការណ៍របស់មន្ត្រីការិយាល័យផលិតកម្មនិងបក្សសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំងបានបញ្ជាក់ថា កាលពីថ្ងៃទី ២៨ ខែកុម្ភៈឆ្នាំ ២០២៥ មានសត្វមាន់ឈឺនឹងងាប់ នៅភូមិឡទឹកត្រី ។បន្ទាប់មកមន្ត្រីជំនាញបានយកសំណាក ពីសត្វមាន់ចំនួន២ក្បាល ទៅពិនិត្យ នៅ វិទ្យាស្ថានស្រាវជ្រាវសុខភាពសត្វ និងផលិតកម្មសត្វ ដើម្បីពិនិត្យរកមេរោគជំងឺឆ្លងបក្សីជាពិសេសជំងឺផ្តាសាយបក្សី។ ជាលទ្ធផលដែលទទួលបានមកវិញនៅល្ងាច ថ្ងៃទី ៤ខែមីនា ការិយាល័យទទួលបានលទ្ធផលពីអគ្គនាយកដ្ឋានសុខភាពសត្វនិងផលិតកម្មសត្វ ថាសត្វទាំងនោះឆ្លងជំងឺផ្ដាសាយបក្សី ។
ក្រោយទទួលបានលទ្ធផលបែបនេះមន្ត្រីជំនាញបានប្រមូលព័ត៌មានពីអ្នកចិញ្ចឹមមាន់ នៅភូមិឡមន្ត្រីសង្កាត់កំពង់ឆ្នាំង សរុប ១៥ គ្រួសារ ដែលមានមាន់ទាំងតូចទាំងធំសរុប១១៧ ក្បាល ក្នុងនោះគ្រួសារដែលមានមាន់ឈឺចំនួន ៦ គ្រួសារមាន ៣ គ្រួសារមាន់ងាប់អស់ និងមាន ៣ គ្រួសារទៀតមាន់រស់ចំនួន ៣២ក្បាល ក្នុងនោះ២គ្រួសារយល់ព្រមសម្លាប់មាន់និង១គ្រួសារមានមាន់ ១៥ ក្បាល កំពុងពិចារណា។
មន្ត្រីផលិតកម្មបសុព្យាបាលនៃមន្ទីរកសិកម្មខេត្តកំពង់ឆ្នាំងបានធ្វើការផ្សព្វផ្សាយតាមរយៈការចែកខិតប័ណ្ណ និងបិទប៉ុស្ទ័រ ពីជំងឺផ្ដាសាយបក្សី ហាមចំរាចរាចរណ៍បក្សី ធ្វើជីវៈសុវត្ថិភាពទាំង ៤១ខ្នងផ្ទះ ។នៅព្រឹកថ្ងៃទី ៥ ខែមីនា នេះដែរមន្ត្រីផលិតកម្មនិងបសុព្យាបាលបាល បាន ចុះបាញ់ថ្នាំសម្លាប់មេរោគ នៅតាមផ្ទះ ក្នុងភូមិល្អទឹកត្រីផងដែរ។ សូមបញ្ជាក់ដែរថាជំងឺផ្ដាសាយបក្សីកើតតែលើសត្វប៉ុណ្ណោះមិនបានឆ្លងមកមនុស្សទេ ៕
ចែករំលែកព័តមាននេះ