ខេត្តបន្ទាយមានជ័យ ៖ ក្រោយពីទាហានថៃបាញ់រះប្រជាពលរដ្ឋស្លាប់១ និងរបួស៣នាក់ នៅភូមិព្រៃចាន់ ត្រូវបានជម្លៀសនិងបិទសាលារៀន សិស្សចំនួន៤២៦នាក់បានបន្តរៀននៅតំបន់ភាសឹក រហូតដល់ថ្ងៃទី១៩ ខែវិច្ឆិកា ឆ្នាំ២០២៥…
ខេត្តបន្ទាយមានជ័យ ៖ ក្រោយពីទាហានថៃបាញ់រះប្រជាពលរដ្ឋស្លាប់១ និងរបួស៣នាក់ នៅភូមិព្រៃចាន់ ត្រូវបានជម្លៀសនិងបិទសាលារៀន សិស្សចំនួន៤២៦នាក់បានបន្តរៀននៅតំបន់ភាសឹក
រហូតដល់ថ្ងៃទី១៩ ខែវិច្ឆិកា ឆ្នាំ២០២៥ នៅវត្តចាន់ស៊ី ស្ថិតក្នុងភូមិកូបកើត ឃុំកូប ស្រុកអូរជ្រៅ ។
លោក ឈូ ប៊ុនរឿង ប្រធានមន្ទីអប់រំយុវជន និងកីឡាខេត្តបន្ទាយមានជ័យ បានប្រាប់ថាក្រោយទាហានថៃបាញ់រះប្រជាពលរដ្ឋស្លូតត្រង់នៅក្នុងភូមិព្រៃចាន់ បណ្តាលឱ្យរបួសនិងស្លាប់ កាលពីថ្ងៃទី១២ ខែវិច្ឆិកា ឆ្នាំ២០២៥ កន្លងទៅ អាជ្ញាធរបានជម្លៀសប្រជាពលរដ្ឋចាក់ចេញពីតំបន់ប៉ះពាល់ ហើយសាលាបឋមសិក្សាព្រៃចាន់ ត្រូវបានបិទទ្វារ សិស្សានុសិស្សមិនបានសិក្សាត្រូវភៀសខ្លួនតាមឪពុកម្តាយមកតំបន់សុវត្ថិភាព ។
លោកបានបញ្ជាក់ថា៖ ក្រោយសាលាបឋមសិក្សាព្រៃចាន់ ត្រូវបានបិទទ្វារ ហើយសិស្សានុសិស្សចំនួន៤២៦នាក់ (ស្រី២២៣នាក់) ភៀសខ្លួនតាមឪពុកម្តាយមកតំបន់ភាសឹកវត្តចាន់ស៊ី អាជ្ញាធរខេត្តបន្ទាយមានជ័យ និងមន្ទីអប់រំយុវជននិងកីឡាខេត្តបន្ទាយមានជ័យ សុំគោលការណ៍បង្រៀនក្នុងមណ្ឌលភាសឹក ពេលនេះមានសិស្សចំនួន១៧៥នាក់ (ស្រី១០៣នាក់) បានចូលរៀនជាមួយលោកគ្រូ-អ្នកគ្រូដែលជម្លៀងចេញពីមូលដ្ឋានដែរ ។
លោកឈូ ប៊ុនរឿង បានបញ្ជាក់ថា ចំពោះសិស្សានុសិស្សដែលត្រូវបានជម្លៀសចេញពីមូលដ្ឋានតាមឪពុកម្តាយ មកដាក់តំបន់ភៀសសឹក គឺអាជ្ញាធរនិងមន្ទីជំនាញបានយកចិត្តទុកដាក់បានផ្តល់សម្ភារសិក្សា ធ្វើការអប់រំតាមលទ្ធភាពធ្វើទៅបាន ទោះបីយ៉ាងណាឱ្យសិស្សមានការសិស្សានេះ ជាគឺជាការយកចិត្តទុកដាក់ពីប្រមុខរាជារដ្ឋាភិបាលកម្ពុជា ។
ចែករំលែកព័តមាននេះ