ខេត្តកណ្តាល ៖ តាមប្រភពបឋមឱ្យដឹងថា ស្ថិតនៅចំណុចមហាវិថី​ស៊ីជីនពីង ក្នុងភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាល ​នៅវេលាម៉ោង១១យប់​ថ្ងៃទី៣ ​មីនា ឆ្នាំ២០២៥ ​មានការ​ប្រទះឃើញសាកសពមនុស្សច្រកក្នុងវ៉ាលិសខ្មៅមួយដែលគេយកទៅបោះបង់ចោល ។

ប្រភពបន្តថា ​វ៉ាលិសមានសភាពធុំក្លិន​ស្អុយរលួយ​ជះ​ចេញមកក្រៅ​ទៅហើយ ហើយ​ករណីនេះដែរ​​ កំពុងសង្ស័យជា​អំពើឃាតកម្ម។ ​សមត្ថកិច្ចនៅមិនទាន់មានពន្លឺនៅឡើយទេ កំពុងស្រាវជ្រាវរកអត្តសញ្ញាណសាកសព ។

សាកសពត្រូវគេសម្លាប់ញាត់ចូលវ៉ាលិស និងដាក់ដុំដែកហាត់ប្រាណ២ដុំ ទម្លាក់ចូលប្រឡាយទឹក ​ទម្ងន់ដុំដែកមិនអាចទ្របានទើបអណ្តែតទឹក ហើយត្រូវអ្នកភូមិឃើញរាយការណ៍ទៅសមត្ថកិច្ចមូលដ្ឋានតែម្តង ។

យ៉ាងណានោះ ​បច្ចុប្បន្ន សមត្ថកិច្ចកុំពុងស្រាវជ្រាវយ៉ាងយកចិត្តទុកដាក់បំផុត ដើម្បីបំបែកសំណុំរឿងនេះ ។

ព័ត៌មានបន្ថែមកោះសន្តិភាពនឹងមានផ្សាយជូនបន្ត ។