សង្គ្រាមអ៊ុយក្រែន ៖ កាលពីថ្ងៃទី១៥ តុលា ប្រធានាធិបតីអ៊ុយក្រែន លោវ៉ូឡូឌីមៀរហ្សេឡេនស្គី ថ្លែងទៅកាន់កាសែតFINANCIAL TIMES ថា ការឈប់វាយប្រហាររបស់អ៊ុយក្រែន ប្រឆាំងរោងចក្រចម្រាញ់ប្រេងកាតរុស្ស៊ី ត្រូវបានលុបចោលវិញហើយ ដែលបែបនេះ ជាការផ្គើនចំពោះការប្រកាសរបស់លោកដូណាល់ត្រាំ ពីបទឈប់បាញ់គ្នាខាងថាមពល ដែលបទឈប់បាញ់នោះរុស្ស៊ីមិនបានផ្ដល់ការយល់ព្រមឡើយ ។
លោកត្រាំមានប្រតិកម្មតបវិញថា ខ្ញុំគិតថា ធ្វើការជាមួយលោកហ្សេឡេនស្គី គឺពិបាកជាងធ្វើការជាមួយលោកពូទីន ។ សម្រាប់យើងយល់ថា លោកហ្សេឡេនស្គី មិនមែនជាប្រភេទមនុស្ស សម្រាប់ស្វែងរកកិច្ចព្រមព្រៀងមួយឡើយ ។ លោកថា ចង់ស្វែងរកកិច្ចព្រមព្រៀងមួយ តែលោកហ្សេឡេស្គី មិនចង់បាន។ ខ្ញុំមិនស្រឡាញ់លោកហ្សេឡេនស្គីច្រើនទេ ។
លោកត្រាំ កាលពីយប់ថ្ងៃទី១៥ តុលា ថ្លែងថា ការវាយប្រហារឡើងវិញ របស់អ៊ុយក្រែនលើបណ្ដាហេដ្ឋារចនាសម្ព័ន្ធថាមពល
រុស្ស៊ី ជារឿងគួរឲ្យអៀនខ្មាស់មួយ ។ អ្វីដែលលោកហ្សេឡេនស្គីធ្វើ បានត្រឹមតែនាំឲ្យតម្លៃប្រេងលើពិភពលោកឡើងកាន់តែខ្ពស់។ ខ្ញុំយល់ថា គេពិបាកធ្វើការជាមួយលោកហ្សេឡេនស្គី ជាងជាមួយលោកពូទីន ។ ប្រធានាធិបតីអាមេរិកលើកឡើងបែបនេះ កាន់តែបង្កើនភាពតានតឹងថែមទៀត រវាងក្រុងវ៉ាស៊ីនតោន និងក្រុងគៀវ ។
ចំណែកប្រធានាធិបតីបារាំងលោកអេម ម៉ានុយអែលម៉ាក្រុងវិញ អះអាងកាលពីយប់ថ្ងៃទី១៥ តុលា បន្ទាប់ពីជួបពិភាក្សាជាមួយលោកហ្សេឡេនស្គីថា គេត្រូវផ្ដល់ដល់អ៊ុយក្រែនគ្រប់មធ្យោបាយដែលប្រទេសនេះត្រូវការ ដើម្បីការពារខ្លួនប្រឆាំងរុស្ស៊ី ។ លោកបន្តថា ពេលដែលរុស្ស៊ី ជ្រើសរើសយកការបង្កើនសង្គ្រាម ព្រោះតែផុងខ្លួន ហើយវាជារឿងសំខាន់ដែលយើងរួមគ្នាផ្ដល់ដល់អ៊ុយក្រែន រាល់មធ្យោបាយចាំបាច់ ដើម្បីការពារប្រជាជន និងបណ្ដាហេដ្ឋារចនាសម្ព័ន្ធរបស់ខ្លួន ។
មុននេះ ប្រធានាធិបតីអ៊ុយក្រែនបានចោទប្រកាន់លោកត្រាំ និងមហាសេដ្ឋីអ៉ីឡុនម៉ូសថា ជួយរុស្ស៊ី ព្រោះលែងផ្ដល់សញ្ញាប្រកាសអាសន្នពីការវាយប្រហាររបស់រុស្ស៊ី និងបិទមិនផ្ដល់ព័ត៌មានស៊ើការណ៍តាមផ្កាយរណបដល់អ៊ុយក្រែន ៕
ចែករំលែកព័តមាននេះ