រាជធានីភ្នំពេញ ៖ យោងតាមប្រភពពីតំណាងមជ្ឈមណ្ឌលជាតិព្យាបាលងស្តារនីតិសម្បទាអ្នកញៀនគ្រឿងញៀនបានអះអាងថា មជ្ឈមណ្ឌលជាតិព្យាបាល និងស្តារនីតិសម្បទាអ្នកញៀនគ្រឿងញៀន សូមធ្វើការស្រាយបំភ្លឺ និងច្រានចោលទៅលើករណីព័ត៌មាន និងប្រព័ន្ធទំនាក់ទំនងសង្គមព័ត៌មានមួយចំនួន ដែលបានចុះផ្សាយខ្លឹមសារព័ត៌មានមិនពិតថា «បើចង់យកបងប្អូន…
រាជធានីភ្នំពេញ ៖ យោងតាមប្រភពពីតំណាងមជ្ឈមណ្ឌលជាតិព្យាបាលងស្តារនីតិសម្បទាអ្នកញៀនគ្រឿងញៀនបានអះអាងថា មជ្ឈមណ្ឌលជាតិព្យាបាល និងស្តារនីតិសម្បទាអ្នកញៀនគ្រឿងញៀន សូមធ្វើការស្រាយបំភ្លឺ និងច្រានចោលទៅលើករណីព័ត៌មាន និងប្រព័ន្ធទំនាក់ទំនងសង្គមព័ត៌មានមួយចំនួន ដែលបានចុះផ្សាយខ្លឹមសារព័ត៌មានមិនពិតថា «បើចង់យកបងប្អូន កូនចៅ ឬសាច់ញាតិទៅផ្ញើ ដើម្បីបន្សាបគ្រឿងញៀននៅមជ្ឈមណ្ឌលជាតិព្យាបាល និងស្តារនីតិសម្បទាអ្នកញៀនគ្រឿងញៀន ភូមិបារគូ ឃុំបារគូ ស្រុកកណ្តាលស្ទឹង ខេត្តកណ្តាល របស់ក្រសួងសង្គមកិច្ចអតីតយុទ្ធជន និងយុវនីតិសម្បទា ត្រូវចំណាយប្រាក់ដំបូងចំនួនមួយលានហុកសិបម៉ឺនរៀល នឹងត្រូវធ្វើប័ណ្ណសួរសុខទុក្ខចំណាយប្រាក់ពីរម៉ឺនរៀលទៅប្រាំមួយម៉ឺនរៀល» នៅថ្ងៃទី២៨ ខែកុម្ភៈ ឆ្នាំ២០២៥ ។
យោងតាមប្រភពពីតំណាងមជ្ឈមណ្ឌលជាតិព្យាបាល និងស្តារនីតិសម្បទាអ្នកញៀនគ្រឿងញៀន ភូមិបារគូ ឃុំបារគូ ស្រុកកណ្តាលស្ទឹង ខេត្តកណ្តាល សូមធ្វើការស្រាយបំភ្លឺតាមរយៈសារព័ត៌មានដែលមានខ្លឹមសារទាំងស្រុងដូចខាងក្រោម៖
១-ចំពោះអ្នកដែលបានផ្តល់ព័ត៌មានទៅអោយសារព័ត៌មាន ឬផេកព័ត៌មានផ្សេងៗ គឺជាព័ត៌មានមិនពិតប្រាកដរបស់មជ្ឈមណ្ឌលជាតិ ។ ពីព្រោះវីដេអូរូបភាពដែលសារព័ត៌មានបានផ្សព្វផ្សាយមិនមែនជាទីតាំង។
2-រាល់ការមកទទួលសេវាព្យាបាល និងស្តារនីតិសម្បទានៅក្នុងមជ្ឈមណ្ឌលជាតិ និងចំពោះការមកសុខទុក្ខជនរងគ្រោះ ដោយសារការប្រើប្រាស់គ្រឿងញៀនមិនតម្រូវឲ្យបង់ថ្លៃសេវានោះឡើយ។3-ចំពោះជនរងគ្រោះ ដោយសារការប្រើប្រាស់គ្រឿងញៀនដែលមកទទួលសេវាបន្សាបព្យាបាលនៅក្នុង មជ្ឈមណ្ឌលជាតិ គឺសាច់ញាតិ ក្រុមគ្រួសារ ឫអាណាព្យាបាលមិនបានបញ្ជូនមកដោយផ្ទាល់ទេ គឺ បញ្ជូនមកតាមអាជ្ញាធរមានសមត្ថកិច្ច។
4-មជ្ឈមណ្ឌលជាតិ សូមជម្រាបជូនដល់បងប្អូនប្រជាពលរដ្ឋ មេត្តាប្រាបថា៖ ក្នុងករណីបងប្អូនប្រជាពលរដ្ឋសាច់ញាតិដែលជាជនរងគ្រោះដោយសារការប្រើប្រាស់គ្រឿងញៀន ហើយមានបំណងយកមកទទួលសេវាបន្សាប និងព្យាបាលសារធាតុញៀននៅក្នុងមជ្ឈមណ្ឌលជាតិ សូមបងប្អូនប្រជាពលរដ្ឋ ទំនាក់ទំនងមកមជ្ឈមណ្ឌលជាតិដោយផ្ទាល់ដើម្បីទទួលបានព័ត៌មានពិតប្រាកដ ។
សេចក្តីដូចបានជម្រាប់ជូនខាងលើ សូមបងប្អូនប្រជាពលរដ្ឋ មេត្តាជ្រាបជាព័ត៌មាន ។
ដោយ ៖ សហការី
ចែករំលែកព័តមាននេះ