រាជធានីភ្នំពេញ ៖ នគរបាលស្រុកអង្គស្នួលចាប់ខ្លួនជនសង្ស័យ០២នាក់ ប្រដាប់ដោយតាំងតោកាប់ទៅលើយុវជនម្នាក់ បណ្តាលអោយរបួសធ្ងន់នៅការ៉ាសសាំងតេលា ស៊ុនត្រលផាស ។ ចំពោះការឃាត់ខ្លួននេះដែរបានធ្វើឡើង កាលពីវេលាម៉ោង០៦ និង…
រាជធានីភ្នំពេញ ៖ នគរបាលស្រុកអង្គស្នួលចាប់ខ្លួនជនសង្ស័យ០២នាក់ ប្រដាប់ដោយតាំងតោកាប់ទៅលើយុវជនម្នាក់ បណ្តាលអោយរបួសធ្ងន់នៅការ៉ាសសាំងតេលា ស៊ុនត្រលផាស ។
ចំពោះការឃាត់ខ្លួននេះដែរបានធ្វើឡើង កាលពីវេលាម៉ោង០៦ និង ១៥នាទីល្ងាចថ្ងៃទី០១ ខែមីនា ឆ្នាំ២០២៥ នៅចំណុចការ៉ាសសាំងតេលា ស៊ុនត្រលផាស ក្នុងភូមិត្រពាំងពើក ឃុំពើក ស្រុកអង្គស្នួល ខេត្តកណ្តាល ។
ជនរងគ្រោះមានឈ្មោះ វួត មករា ភេទប្រុស អាយុ១៨ឆ្នាំ ជនជាតិខ្មែរ មុខរបរសន្តិសុខ ស្នាក់នៅភូមិត្រពាំងឈូក ឃុំពើក ស្រុកអង្គស្នួល ខេត្តកណ្តាល (មានសភាពធ្ងន់មិនអាចនិយាយបាន) ។
ជនសង្ស័យឃាត់ខ្លួន០២នាក់ ក្នុងនោះមានឈ្មោះ ម៉ន ចិត្រា ហៅគោ ភេទប្រុស អាយុ២៣ឆ្នាំ ជនជាតិខ្មែរ មុខរបររោងចក្រ រស់នៅភូមិអង្គស្នួលទី២ ឃុំពើក ស្រុកអង្គស្នួល ខេត្តកណ្តាល (គ្មានសារធាតុញៀ.នក្នុងទឹកនោម) និងទី០២ ឈ្មោះ ជា ជួបតុលា ភេទប្រុស អាយុ១៦ឆ្នាំ ជនជាតិខ្មែរ មុខរបរសំណង់ រស់នៅភូមិអង្គស្នួលទី២ ឃុំពើក ស្រុកអង្គស្នួល ខេត្តកណ្តាល (គ្មានសារធាតុញៀ.នក្នុងទឹកនោម) ។
បើតាមការបញ្ជាក់ពីសមត្ថកិច្ចសាកសួរពីប្រជាពលរដ្ឋបានឃើញហេតុការណ៍ប្រាប់អោយដឹងថា មានក្មេងទំនើង០៦នាក់ ប្រដាប់ដោយកាំបុ័ងតោ បានជិះម៉ូតូជាច្រើនគ្រឿងបានចុះទៅព្រួតវាយនឹងកាប់ទៅលើជនរងគ្រោះម្នាក់បណ្តាលអោយរងរបួសត្រូវកញ្ចឹងកផ្នែកខាងក្រោម និងរបួសត្រូវចំកណ្តាលចង្កេះរបួសធ្ងន់ បញ្ជូនទៅសង្គ្រោះនៅមន្ទីរពេទ្យកាល់ម៉ែត្រ ។
បន្ទាប់ពីទទួលដំណឹងពីប្រជាពលរដ្ឋថា មានករណីនៅចំណុចកើតហេតុខាងលើ កម្លាំងប៉ុស្តិ៍នគរបាលរដ្ឋបាលពើក ចុះទៅដល់កន្លែងកើតហេតុបានធ្វើការឃាត់ខ្លួនជនសង្ស័យចំនួន០២នាក់ រួមទាំងវត្ថុតាងរួមមានកាំបិតបុ័ងតោ០១ដើម និងម៉ូតូមួយគ្រឿងម៉ាកស៊ុយស៊ីគីនិច ពណ៌ក្រហមលាយស ស៊េរីឆ្នាំ២០២៥ ពាក់ស្លាកលេខ ភ្នំពេញ1KZ-2303 (ជារបស់ជនសង្ស័យ) យកមកអធិការដ្ឋាននគរបាលស្រុកអង្គស្នួល ។
បច្ចុប្បន្ន កម្លាំងនគរបាលអធិការដ្ឋាននគរបាលស្រុកអង្គស្នួល បានកសាងសំណុំរឿងជនសង្ស័យទាំង០២នាក់ ធ្វើតាមនីតិវិធីច្បាប់ ។ ចំណែកបក្ខពួកសេសសល់កម្លាំងជំនាញកំពុងស្រាវជ្រាវយកមកផ្តន្ទាទោស ៕
ចែករំលែកព័តមាននេះ