រាជធានីភ្នំពេញ៖ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិ នាថ…
រាជធានីភ្នំពេញ៖ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិ នាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលជាទីគោរពស ក្ការៈដ៏ខ្ពង់ខ្ពស់បំផុតបានស្តេចយាងទៅកាន់ប្រទេសចិនដើម្បីពិនិត្យព្រះរាជសុខភាពតាមការណាត់របស់ក្រុមគ្រូពេទ្យប្រទេសចិន។
យោងតាមព្រះរាជសាររបស់ព្រះករុណព្រះបាទសម្តេចព្រះបរមនាថ នរោត្តម សីហមុនី ព្រះមហាក្សសត្រនៃព្រះរាជាណាចក្រកម្ពុជាបានឲ្យដឹងថាព្រះអង្គទាំងទ្វេ សព្វព្រះរាជហ ឬទ័យយាងទៅកាន់យាងចាកចេញពី អាកាសយានដ្ឋានអន្តរជាតិភ្នំពេញ នាព្រឹកថ្ងៃទី០៣ ខែមីនា ឆ្នាំ២០២៥ ទៅកាន់ទីក្រុងប៉េកាំង សាធារណរដ្ឋប្រជាមានិតចិន ដើម្បីពិនិត្យព្រះរាជ សុខភាពប្រចាំឆ្នាំ តបតាមសេចក្តីយាងពី ក្រុមគ្រូពេទ្យនៅទីក្រុងប៉េកាំង។
យាង និងអញ្ជើញ ថ្វាយព្រះរាជដំណើរព្រះករុណាព្រះមហាក្សត្រ និងសម្តេចព្រះមហាក្សត្រី រួមមាន៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងសមាជិកសមាជិកាឧត្តម ប្រឹក្សាផ្ទាល់ ព្រះមហាក្សត្រ ថ្នាក់ដឹកនាំស្ថាប័នព្រឹទ្ធសភា រដ្ឋសភា រាជរដ្ឋាភិបាល ព្រះរាជវង្សានុវង្ស និងឯកឧត្តម Wang Wenbin ឯកអគ្គរដ្ឋទូតសាធារណរដ្ឋប្រជាមានិតចិនប្រចាំកម្ពុជា។
យោងតាមព្រះរាជសាររបស់ព្រះករុណាព្រះមហាក្សត្រ មានព្រះបន្ទូលយ៉ាងដូច្នេះថា៖ ទូលព្រះបង្គំ ខ្ញុំព្រះករុណា ខ្ញុំ សូមព្រះអនុញ្ញាត និងអនុញ្ញាតពីសម្តេចព្រះមហាសង្ឃរាជ ទាំងពីរគណៈ និងព្រះថេរានុត្ថេរៈគ្រប់ព្រះអង្គ សម្តេច ឯកឧត្តម លោកជំទាវ លោក លោកស្រី លោកតា លោកយាយ មាមីង បងប្អូន ក្មួយៗជនរួមជាតិទាំងអស់ អវត្តមានពីមាតុប្រទេស ចាប់ពី ថ្ងៃទី៣ ខែមីនា ឆ្នាំ២០២៥តទៅ ធ្វើដំណើរទៅទីក្រុងប៉េកាំង នៃសាធារណរដ្ឋប្រជាមា និតចិន ដើម្បីពិនិត្យព្រះរាជសុខភាព »។
ព្រះរាជសារបានប្រទានជូនជនរួមជាតិថានៅអវត្តមានព្រះអង្គសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះ រាជាណាចក្រកម្ពុជា នឹងទទួលជួយ ក្នុងព្រះបរមនាមព្រះអង្គ ជា ប្រមុខរដ្ឋស្តីទី នៃព្រះរាជា ណាចក្រកម្ពុជា៕
ចែករំលែកព័តមាននេះ