ខេត្តកំពត ៖ ក្មេងប្រុសជាសិស្សសាលារៀនភាសាចិនពីរនាក់ បានជួបគ្រោះថ្នាក់ចរាចររវាងរថយន្តបុកជាមួយម៉ូតូ បណ្ដាលអោយបាត់បង់ជីវិតចំនួន2នាក់កាលពីវេលាម៉ោង6និង30នាទីព្រឹកថ្ងៃទី3 ខែមីនា ឆ្នាំ2025 នៅលើកណាត់ផ្លូវជាតិលេខ31 ត្រង់ចំណុចភូមិបឹងធំ ឃុំអង្គសុរភី ស្រុកកំពង់ត្រាច ខេត្តកំពត។
ជនរងគ្រោះទាំងពីរនាក់ខាងលើ ក្នុងនោះម្នាក់ឈ្មោះគឹម សុខគីម ភេទប្រុស និងម្នាក់ទៀតឈ្មោះគឹម វណ្ណា ភេទប្រុស អាយុ17ឆ្នាំ ។ ជនរងគ្រោះទាំងនាក់ត្រូវជាបងប្អូនជីដូនមួយនឹងគ្នា និងមានទីលំនៅនៅភូមិច្រនៀងទេ ឃុំភ្នំប្រាសាទ ស្រុកកំពង់ត្រាច ខេត្តកំពត ។
តាមប្រភពពីកងនគរបាលស្រុកកំពង់ត្រាចបានអោយដឹងថា ក្មេងប្រុសជាសិស្សរងគ្រោះទាំងពីរនាក់ បានជិះម៉ូតូឌុបគ្នា ធ្វើដំណើរក្នុងទិសដៅមកពីកើតទៅលិច ហើយបានបុកគ្នាជាមួយរថយន្តបែនដឹកដីកង់6បើកមកពីលិចទៅកើត ដោយរថយន្តបានរុញទាំងម៉ូតូទាំងមនុស្សទៅបុកផ្ទប់នឹងឃឿនបេតុងគម្រោងគេចាក់ទុកធ្វើផ្ទះ ។ ដោយឡែករថយន្តបានដាច់គ្រឿងក្រោមទាំងអស់រួមទាំងកង់6ផង ។
នគរបាលឱ្យដឹងបន្តថា ក្មេងប្រុសជាសិស្សរងគ្រោះទាំងពីរនាក់ត្រូវជាបងប្អូនជីដូនមួយនឹងគ្នានោះរស់នៅភូមិបង់បក់ ឃុំភ្នំប្រាសាទ ស្រុកកំពង់ត្រាច ខេត្តកំពត ។
ក្រោយពេលកើតហេតុ វត្ថុតាងរថយន្ត និងម៉ូតូត្រូវបាននគរបាលយកទៅរក្សាទុកនៅអធិការនគរបាលស្រុក ចំណែកអ្នកបើកបរថយន្តបានរត់គេចខ្លួនបាត់ ។ ដោយឡែកសាច់ញាតិបានត្រឹមតែរន្ធត់ចិត្តនិងដឹកសពក្មេងប្រុសរងគ្រោះទាំងពីរនាក់យកទៅធ្វើបុណ្យតាមប្រពៃណី ៕






ចែករំលែកព័តមាននេះ