បង្រ្កាបក្មេងទំនើ.ង០២ក្រុមដេញវា.យគ្នាតាមផ្លូវសាធារណៈបង្កការភ្ញាក់ផ្អេីលអស់អ្នកស្រុក
- កំពង់ស្ពឺ
ខេត្តកំពង់ស្ពឺ ៖ កាលពីថ្ងៃទី២ ខែមីនា ឆ្នាំ២០២៥ នៅចំណុចផ្លូវលេខ ១៤០ ស្ថិតនៅភូមិអូរក្រាំងអំបិល ឃុំត្រពាំងគង ស្រុកសំរោងទង…
ខេត្តកំពង់ស្ពឺ ៖ កាលពីថ្ងៃទី២ ខែមីនា ឆ្នាំ២០២៥ នៅចំណុចផ្លូវលេខ ១៤០ ស្ថិតនៅភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ មានក្រុមក្មេងទំនើង០២ក្រុម ជិះម៉ូតូធ្វើសកម្មភាពយកមួកសុវត្ថិភាពដេញគប់គ្នាទៅវិញទៅមក ហើយបានជិះម៉ូតូគេចចេញពីកន្លែងកើតហេតុភ្លាមៗ ។ នេះបើយោងតាមស្នងការដ្ឋាននគរបាលខេត្តកំពង់ស្ពឺបានបង្ហោះ ។
ក្រោយពីទទួលបានព័ត៌មានខាងលើ លោកវរសេនីយ៍ឯក ឃុត សុផល អធិការនគរបាលស្រុកសំរោងទង និងអនុវត្ដតាមបទបញ្ជាណែនាំដ៏ខ្ពង់ខ្ពស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ បញ្ជាឱ្យកម្លាំងព្រហ្មទណ្ឌស្រុកសហការជាមួយកម្លាំងនគរបាលរដ្ឋបាលត្រពាំងគង បើកការស្រាវជ្រាវបន្ទាន់រហូតឈានទៅឃាត់ខ្លួនក្រុមក្មេងទំនើងបានភ្លាមៗ ៖
ក្រុមទី១ : ៦នាក់ ៖ ១-ឈ្មោះ ខុន វិបុត្រ ភេទប្រុស អាយុ ១៧ឆ្នាំ នៅភូមិគង្រុត ឃុំពាំងល្វា ស្រុកសាមគ្គីមុន្នីជ័យ ។ ២-ឈ្មោះ ឡុង សំអូន ភេទប្រុស អាយុ ១៦ឆ្នាំ ។ ៣- ឈ្មោះ ឡុង តុលា ភេទប្រុស អាយុ ១៧ឆ្នាំ ។ ៤- ឈ្មោះ ឆន សុផាត ភេទប្រុស អាយុ ១៧ឆ្នាំ ។ ៥- ឈ្មោះ សួន រស្មី ហៅវី ភេទប្រុស អាយុ១៦ឆ្នាំ ។ ៦- ឈ្មោះ សឿន វ៉ាន់ឌឿន ភេទប្រុស អាយុ ២១ឆ្នាំ ឃាត់នៅចំណុចរម្យណីយដ្ឋានម៉ុងឫទ្ធីសែនជ័យ ភូមិសំរោងជើងភ្នំ ឃុំសែនដី ស្រុកសំរោងទង ។
ចំពោះក្រុមទី២ : ២នាក់ ៖ ១- ឈ្មោះ ស៊ន បូរ៉ា ភេទប្រុស អាយុ ១៥ឆ្នាំ ។ ២- ឈ្មោះ ពៅលី បញ្ញា ភេទប្រុស អាយុ ១៧ឆ្នាំ ទាំង ឃាត់នៅក្នុងបុរីហាមមុន្នី ភូមិអូរក្រាំងអំបិល ស្រុកសំរោងទង ។
តាមការបញ្ជាក់ពីលោកវរសេនីយ៍ឯក ឃុត សុផល អធិការនគរបាលស្រុកថា ក្រុមក្មេងទំនើងទាំង២ក្រុម ពិតជាបានធ្វើសកម្មភាពយកមួកដេញគប់គ្នាទៅវិញទៅមក ដោយមូលហេតុមកពីក្រុមទី២ ខឹងក្រុមទី១ រោទិ៍ម៉ូតូឌឺដាក់ក្រុមខ្លួនទប់កំហឹងមិនបានក៏កើតជាហិង្សាតែម្ដង ។
ចំពោះប្រតិបត្តិការសមត្ថកិច្ចដកហូតម៉ូតូ០៤គ្រឿង មនុស្ស៨នាក់ និងមួកសុវត្ថិភាពចំនួន០៣ បច្ចុប្បន្នកំពុងដំណើរការនីតិវិធីនៅអធិការដ្ឋានស្រុកសំរោងទង និងកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្ត ចាត់ការនីតិវិធីបន្ដ ៕
ចែករំលែកព័តមាននេះ