ADផ្ទាំងផ្សព្វផ្សាយពាណិជ្ជកម្ម

Picture

ដាក់​បទបញ្ជា​ឱ្យ​បង្ក្រាប​បទល្មើស​ធនធានធម្ម​ជាតិ​ក្នុងភូមិ​សាស្ត្រ​​ស្រុក​វាលវែង ស្រុកភ្នំ​ក្រវាញ

1 ខែ មុន
  • ពោធិ៍សាត់

ខេត្តពោធិ៍សាត់ ៖ កាលពី​រសៀល​ថ្ងៃ​ទី​២៧ ខែកុម្ភៈ ឆ្នាំ​២០២៥ ប្រធាន​គណៈ​បញ្ជាការ​ឯកភាព​រដ្ឋបាល​ខេត្តពោធិ៍សាត់ ឯកឧត្តម ខូ​យ រី​ដា បាន​បើក​កិច្ចប្រជុំ​បន្ទាន់​មួយ…

ខេត្តពោធិ៍សាត់ ៖ កាលពី​រសៀល​ថ្ងៃ​ទី​២៧ ខែកុម្ភៈ ឆ្នាំ​២០២៥ ប្រធាន​គណៈ​បញ្ជាការ​ឯកភាព​រដ្ឋបាល​ខេត្តពោធិ៍សាត់ ឯកឧត្តម ខូ​យ រី​ដា បាន​បើក​កិច្ចប្រជុំ​បន្ទាន់​មួយ ដើម្បី​ពង្រឹង​បទបញ្ជា​របស់​រាជរ​ដ្ឋា​ភិបាល​ក្នុង​ការ​គ្រប់គ្រង​ធនធានធម្មជាតិ ភូមិសាស្ត្រ​ស្រុក​វាល​វែង និង​ស្រុក​ភ្នំក្រវាញ ។

កិច្ចប្រជុំ​នេះ ធ្វើ​ឡើង​នៅ​សាលាខេត្ត​ពោធិ៍សាត់ ដោយ​មានការ​ចូលរួម​ពី​លោក​អភិបាលរង ជា​ប្រធាន​ក្រុម​អនុ​គណៈកម្មការ​ទាំង​០៦ និង​កម្លាំង​ចម្រុះ​ទាំងអស់ ។ ឯកឧត្តម ខូ​យ រី​ដា បាន​សម្ដែង​ការ​អរគុណ ចំពោះ​ក្រុម​បង្ក្រាប​បទល្មើស​ធនធានធម្មជាតិ​ទាំង​០៦​ក្រុម ដែល​កន្លង​មក​បាន​ទប់​ស្កាត់ បង្ក្រាប រុករាន ទន្ទ្រាន​ដី​ព្រៃ​ដោយ​ខុសច្បាប់ ដែល​ធ្វើ​ឲ្យ​បាត់បង់​ធនធានធម្មជាតិ​យ៉ាងច្រើន ក្នុង​រយៈពេល​ប៉ុន្មាន​ឆ្នាំ​កន្លង​មកនេះ ដោយសារ​ទី​១ មានការ​ផ្លាស់​ប្ដូរ​ថ្នាក់ដឹកនាំ​ខេត្ត​ជា​លំដាប់លំដោយ និង​ទី​២. ភូមិសាស្ត្រ​មិន​អាច​ក្ដាប់​បាន បណ្ដែតបណ្ដោយ​ឲ្យ​បាត់បង់​ធនធានធម្មជាតិ​របស់​យើង​រាប់​ម៉ឺន​ហិ​កតា ។

ឯកឧត្តម​ពិនិត្យ​ឃើញ​ថា រយៈពេល​ដែល​យើង​បង្ក្រាប​ដំណាក់កាល​ទី​១-​គឺ​ក​ម្លាំ​របស់​គណៈ​បញ្ជាការ​រ​ឯកភាព​រដ្ឋបាល​ខេត្ត​, ដំណាក់កាល​ទី​២-​គឺ​គណៈ​បញ្ជាការ​រ​ឯកភាព​រដ្ឋបាល​ខេត្ត បូក​នឹង​នគរបាល​ជាតិ និង​អាវុធហត្ថ​ផ្ទៃ​ប្រទេស​, ហើយ​ដំណាក់កាល​ទី​៣-​បូក​នឹង​កងទ័ពជើងគោក និង​យោធភូមិ​ភាគ​ទី​៥​។

ជា​លទ្ធផល មក​ដល់​ពេល​នេះ ការ​បង្ក្រាប​ទប់ស្កាត់​ឃើញ​ថា​មាន​លំនឹង តែ​អ្វី​ដែល​យើង​កំពុង​ធ្វើ គឺ​យើង​បាន​ដកហូត​ដី​បាន​ជាង​០៤​ម៉ឺន​ហិ​កតា ។ តាម​ការ​ចុះ​អ​ង្គេ​ត​និង​តាម​របាយការណ៍ ដែល​ក្រុមការងារ​ចុះ​ធ្វើ​បច្ចុប្បន្ន​នេះ វា​ជា​បញ្ហា​មួយ​ដែល​យើង​ចាប់ផ្ដើម​រាង​ធូររលុង​បន្តិច ព្រោះ​អ្វី​ដែល​យើង​ត្រូវធ្វើ គឺ​យើង​ធ្វើ​មិន​ទាន់​បាន​ជោគជ័យ តាម​ស្មារតី​អង្គប្រជុំ​ក្រុមការងារ​អន្តរក្រសួង ដែល​មាន​ឯកឧត្តម កែវ រតនៈ​, ឯកឧត្តម ម៉ៅ សុ​ផា​ន់​, ឯកឧត្តម អ៊ា​ង សុ​ផល្លែ​ត​, យោធភូមិ​ភាគ​ទី​៥ និង​គណៈ​បញ្ជាការ​ឯកភាព​រដ្ឋបាល​ខេត្ត នៅឡើយ​ទេ ។

ឯកឧត្តម ខូ​យ រី​ដា មាន​ប្រសាសន៍​ថា ក្នុង​ស្មារតី​នៃ​កិច្ចប្រជុំ​នេះ គឺ​ចេញ​ជា​សេចក្ដីសម្រេច​របស់​រាជរដ្ឋាភិបាល​មួយ គឺ​យើង​ត្រូវ​ដកហូត​ដី​យក​មក​រក្សា​ទុកជា​ដី​របស់​រដ្ឋ ។ ចំណុច​នេះ យើង​ធ្វើ​មិន​ទាន់​បាន​នៅឡើយ​ទេ ព្រោះ​ឃើញ​តំបន់​ភ្នំ​នៅ​អាស្រ័យ​ផល​និង​គ្រប់គ្រង​ដដែល ដែល​នេះ​ជា​បញ្ហា​ប្រឈម ព្រោះថា អ្វី​ដែល​យើង​កំពុង​ធ្វើ​នេះ ជា​បទបញ្ជា​របស់​រាជរដ្ឋាភិបាល មិន​អាច​ធ្វើ​លេង​ៗ​បាន​នោះ​ទេ ។

កិច្ចប្រជុំ​ថ្ងៃនេះ គឺ​យើង​ត្រូវ​រៀបចំ​យន្តការ​ថ្មី ហើយ​ធ្វើ​ដោយ​ប្រុង​ប្រយ័ត្ន​បំផុត ទី​១-​ចាត់ការ​ដី​តំបន់​ភ្នំ​របស់​រដ្ឋ​ឲ្យ​លឿន កុំ​បណ្ដែតបណ្ដោយ​ឲ្យ​នៅ​អាស្រ័យ​ផល អូស​បន្លាយ​ពេលវេលា​តទៅ​ទៀត ដោយ​ធ្វើ​កិច្ចសន្យា​ជាមួយ​មេឃុំ និង​កិច្ចសន្យា​ជាមួយ​មេ​ភូមិ ក្នុង​ការ​ផ្ដល់​ព័ត៌មាន​គ្រប់គ្រង ។ ទី​២-​ដី​ដែល​យើង​ដកហូត​បាន​ជាង​០៤​ម៉ឺន​ហិ​កតា ត្រូវ​គ្រប់គ្រង​ឲ្យ​បាន​, និង​ទី​៣-​បង្ហោះ​ដ្រូ​ន​ពិនិត្យ​មើល​គ្រប់​គោលដៅ​ទាំងអស់ ទាំង​ដី​ដកហូត​បាន ទាំង​ដី​ព្រៃ​ដែល​កំពុង​មាន ត្រូវ​តាមដាន​គ្រប់​ចំណុច ហើយ​តំបន់​ណា​មិន​ត្រូវ​ឲ្យ​ចូល គឺ​កុំ​ឲ្យ​ចូល​តែ​ម្ដង ៕

អត្ថបទសរសេរ ដោយ

កែសម្រួលដោយ