រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីបានគូសបញ្ជាក់ថា ការបង្កើនធនធានមនុស្សពិតជាមានសារសំខាន់ ក្នុងការប្រើប្រាស់បច្ចេកវិទ្យាឌីជីថល ខណៈរាជរដ្ឋាភិបាលនឹងបន្តធ្វើការវិនិយោគលើប្រព័ន្ធបច្ចេកវិទ្យានេះទៅមុខរហូត ។…
រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីបានគូសបញ្ជាក់ថា ការ
បង្កើនធនធានមនុស្សពិតជាមានសារសំខាន់ ក្នុងការប្រើប្រាស់បច្ចេកវិទ្យាឌីជីថល ខណៈរាជរដ្ឋាភិបាលនឹងបន្តធ្វើការវិនិយោគលើប្រព័ន្ធបច្ចេកវិទ្យានេះទៅមុខរហូត ។
ថ្លែងក្នុងពិធីប្រគល់សញ្ញាបត្រជូនដល់និស្សិតសាកលវិទ្យាល័យសៅស៍អុីសថ៍អេយសៀ នាព្រឹកថ្ងៃទី២៥ ខែកុម្ភៈ ឆ្នាំ២០២៥ នៅខេត្តសៀមរាប សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា ការបង្កើនធនធានមនុស្សក្នុងការប្រើប្រាស់បច្ចេកវិទ្យាឌីជីថល គឺជាកិច្ចការសំខាន់ណាស់ព្រោះថា បច្ចេកវិទ្យាឌីជីថល បានពាក់ព័ន្ធនឹងដំណើរការជីវិតរបស់យើងសព្វថ្ងៃ។
រាជរដ្ឋាភិបាលនឹងបន្តវិនិយោគលើបច្ចេកវិទ្យាបញ្ញាសិប្បនិម្មិត ឬ AI ទៅមុខទៀត រហូតដល់ ហ្វាយជី (5G) ។ ហេដ្ឋារចនាសម្ព័ន្ធ ពាក់ព័ន្ធនឹងប្រព័ន្ធAI នេះទៅមុខទៀត ។ សម្តេចបវរធិបតីបានគូសបញ្ជាក់ថា៖ «ប្រព័ន្ធAIសំខាន់ណាស់ ព្រោះថា វាមិនស្រួលទេ បើសិនយើងដើរមិនទាន់ វានឹងមានគ្រោះថ្នាក់ ។ ថ្ងៃមុន ថ្នាក់ដឹកនាំប្រទេសអ៊ីតាលីម្នាក់ ដែលជាមហាសេដ្ឋី បានផ្ញើលុយ១លានអឺរ៉ូតាមទូរស័ព្ទដោយប្រើសម្លេងជារដ្ឋមន្ត្រីការពារជាតិអ៊ីតាលី ។ ប៉ុន្តែនៅពេលសួរថា តើរដ្ឋមន្ត្រីការពារជាតិមានឲ្យផ្ញើពិតមែនឬទេ តែគេថា «មិនមានទេ»។
សម្តេចបវរធិបតីបានបន្តថា រាជរដ្ឋាភិបាលបានដាក់ទិសដៅក្នុងការអភិវឌ្ឍន៍បន្ថែម ដែលទាក់ទងនិងប្រជាជន ។ ក្នុងករណីដែលមានតែបច្ចេកវិទ្យា ហើយគ្មានប្រជាជនមានសមត្ថភាពប្រើប្រាស់នោះ ក៏ពិបាកដែរ ។ សម្តេចបវរធិបតីគូសបញ្ជាក់ថា៖ «បើយើងមានទូរស័ព្ទទំនើបយ៉ាងណាក្តី បើយើងចង់ប្រើប្រាស់ឲ្យអស់សក្តានុពល ហើយយើងគ្មានសមត្ថភាពប្រើប្រាស់ តើវាធ្វើបានឬទេ» ។ ជាមួយគ្នានោះដែរ សម្តេចបវរធិបតីនាយករដ្ឋមន្ត្រីបានលើកឡើងថា ទាំងកុំព្យូទ័រស្អាតល្អ ទូរស័ព្ទ និងមន្ទីរពេទ្យ មានសម្ភារទំនើបល្អ បើយើងគ្មានអ្នកមានចំណេះជំនាញនោះ យើងក៏មិនអាចទៅរួចដែរ។
សម្តេចបវរធិបតីបានបន្ថែមថា កត្តាសំខាន់គឺត្រូវតែធ្វើការបណ្តុះបណ្តាលធនធានមនុស្ស ក្នុងការប្រើប្រាស់បច្ចេកវិទ្យា ព្រោះថា ការប្រើប្រាស់បច្ចេកវិទ្យា វាបានទាក់ទិននឹងជីវិតរបស់មនុស្ស៕
ចែករំលែកព័តមាននេះ