ខេត្តកំពង់ចាម: មុខសញ្ញាក្រុមចោរប្លន់ប្រដាប់អាវុធយ៉ាងសកម្ម ល្បីថាជាអតីតអាវុធហត្ថម្នាក់ បានធ្វើសកម្មភាពប្លន់គ្រប់ទីកន្លែង…ទីបំផុត ត្រូវបានកម្លាំងសមត្ថកិច្ចចម្រុះតាមដានដឹងជននេះមកជ្រកនៅផ្ទះរបស់ខ្លួន ទើបតែនឹងទិញស្ថិតនៅភូមិឡអិដ្ឋ សង្កាត់បឹងកុក ក្រុងកំពង់ចាម ។ ដោយកម្លាំងជាច្រើននាក់បានឡោមព័ទ្ធនិងបាញ់តបតគ្នាទៅវិញទៅមកជាច្រើនគ្រាប់…
ខេត្តកំពង់ចាម: មុខសញ្ញាក្រុមចោរប្លន់ប្រដាប់អាវុធយ៉ាងសកម្ម ល្បីថាជាអតីតអាវុធហត្ថម្នាក់ បានធ្វើសកម្មភាពប្លន់គ្រប់ទីកន្លែង…ទីបំផុត ត្រូវបានកម្លាំងសមត្ថកិច្ចចម្រុះតាមដានដឹងជននេះមកជ្រកនៅផ្ទះរបស់ខ្លួន ទើបតែនឹងទិញស្ថិតនៅភូមិឡអិដ្ឋ សង្កាត់បឹងកុក ក្រុងកំពង់ចាម ។ ដោយកម្លាំងជាច្រើននាក់បានឡោមព័ទ្ធនិងបាញ់តបតគ្នាទៅវិញទៅមកជាច្រើនគ្រាប់ រហូតមកដល់វេលាម៉ោង៩និង៣០នាទីព្រឹកថ្ងៃទី២៥ កុម្ភៈ ឆ្នាំ២០២៥ មុខសញ្ញានេះនៅមិនទាន់ប្រគល់ខ្លួនជូនដល់កម្លាំងសមត្ថកិច្ចនៅឡើយទេ។
សមត្ថកិច្ចបានប្រាប់ឲ្យដឹងថា: ក្រោយពីតាមដានយ៉ាងស្អិត រហូតឈានដល់ដឹងទីលំនៅរបស់មុខសញ្ញាចោរប្លន់ប្រដាប់អាវុធមុខសញ្ញាប្លន់រូបនេះ ស្ថិតនៅភូមិឡអិដ្ឋសង្កាត់បឹងកុក ដោយធ្វើឡើងតាំងពីម៉ោង២យប់រំលងអធ្រាត រហូតដល់វេលាម៉ោង៧ព្រឹកថ្ងៃទី២៥ កុម្ភៈ ក៏ឮសំឡេងគ្រាប់បាញ់តបតគ្នាទៅវិញទៅមកជាច្រើនគ្រាប់ ធ្វើឲ្យផ្អើលអ្នកភូមិខ្លះនាំគ្នារត់ចេញពីផ្ទះទៅរកកន្លែងសុវត្ថិភាព។
ប្រភពពីសមត្ថកិច្ចបានបន្តទៀតថា ក្រោយពីសំឡេងគ្រាប់កាំភ្លើងបាញ់ស្ងប់ស្ងាត់ កម្លាំងសមត្ថកិច្ចចម្រុះនៅតែបន្តព័ទ្ធផ្ទះនោះដោយមិនឱ្យមុខសញ្ញាចេញទៅណានោះទេ។ នៅជញ្ជាំងផ្ទះគេឃើញស្នាមគ្រាប់បាញ់ឡើងសុស និងបែកកញ្ចក់បង្អួចផ្ទះរបស់ជនសង្ស័យ។
សូមបញ្ជាក់ថាកាលពីថ្ងៃទី ៣១ មករា កន្លងទៅ មុខសញ្ញាចោរប្លន់រូបនេះបានធ្វើសកម្មភាពធាក់ម៉ូតូសិស្ស យកម៉ូតូមួយគ្រឿងតម្លៃជាង៣០០០ដុល្លារ នៅចំណុចភ្នំហាន់ជ័យ ស្រុកកំពង់សៀមខេត្តកំពង់ចាម។
សូមបញ្ជាក់ថាមុខសញ្ញាចោរប្លន់រូបនេះទើបតែទិញផ្ទះនៅភូមិឡឥដ្ឋបានប្រមាណ៥ខែប៉ុណ្ណោះ។ ហើយមុខសញ្ញានេះមានលុយដើរចងការឲ្យប្រជាជននៅភូមិកំពង់ឫស្សីឃុំជីរោទិ៍ទី១ ស្រុកត្បូងឃ្មុំ ខេត្តត្បូងឃ្មុំ។
សូមបញ្ជាក់ថាការបាញ់តបតគ្នានេះបណ្ដាលឲ្យកម្លាំងសមត្ថកិច្ចម្នាក់រងរបួសជើងត្រូវបានបញ្ជូនទៅសង្គ្រោះនៅមន្ទីរពេទ្យ ៕
ចែករំលែកព័តមាននេះ