ខេត្តបន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ពីបទក្លែងបន្លំឯសារលក់រថយន្តម៉ាក់ឡង់គ្រីស័រ១គ្រឿង ត្រូវបានបញ្ជូនទៅសាលាដំបូងខេតបន្ទាយមានជ័យថ្ងៃទី២១ ខែកុម្ភៈ ឆ្នាំ២០២៥។ លោកវរៈសេនីយ៍ត្រី នួន នីណារ៉ូ មេបញ្ជាកសរកងរាជអាវុធហត្ថក្រុងប៉ោយប៉ែតប្រាប់ថា៖ជនសង្ស័យមានឈ្មោះ…
ខេត្តបន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ពីបទក្លែងបន្លំឯសារលក់រថយន្តម៉ាក់ឡង់គ្រីស័រ១គ្រឿង ត្រូវបានបញ្ជូនទៅសាលាដំបូងខេតបន្ទាយមានជ័យថ្ងៃទី២១ ខែកុម្ភៈ ឆ្នាំ២០២៥។
លោកវរៈសេនីយ៍ត្រី នួន នីណារ៉ូ មេបញ្ជាកសរកងរាជអាវុធហត្ថក្រុងប៉ោយប៉ែតប្រាប់ថា៖ជនសង្ស័យមានឈ្មោះ សែម ម៉ាប់ ភេទប្រុសអាយុ៣០ឆ្នាំរស់នៅមណ្ឌល៧ ភូមិប្រជាធម្មកើត សង្កាត់អូរឫស្សី ក្រុងប៉ោយប៉ែត។
លោកបានបញ្ជាក់ថា ក្រោយទទួលពាក្យបណ្តឹងឈ្មោះ សូល រិទ្ធ ភេទប្រុស អាយុ៣៦ឆ្នាំ មុខរបរជាមន្ត្រីកងរាជអាវុធហត្ថ មានលំនៅដ្ឋានភូមិចំការឪឡឹក សង្កាត់ចោមឆៅ ខណ្ឌពោធិសែនជ័យ រាជធានីភ្នំពេញ បានប្តឹងឈ្មោះ សែម ម៉ាប់ ពីបទឆបោកលក់រថយន្តឡុងគ្រីស្ស័រស៊េរីឆ្នាំ២០១០ឡើងស៊េរីឆ្នាំ២០២២ ដោយប្រើប្រាស់ឯកសារក្លែងក្លាយលក់រថយន្តតំលៃ៣១.០០០ដុល្លាអាមេរិកកាលពីថ្ងៃទី០៥ ខែធ្នូ ឆ្នាំ២០២៣ នៅចំណុចការ៉ាសាំងភីធីធីស្ថិតក្នុងសង្កាត់ដង្កោ ខណ្ឌដង្កោ រាជធានីភ្នំពេញ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ក្រោយទទួលបណ្តឹងកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានស្រាវជ្រាវនិងឃាត់ខ្លួនកាលពីថ្ងៃទី២០ ខែកុម្ភៈ ឆ្នាំ២០២៥នៅភូមិប្រជាធម្មកើត សង្កាត់អូរឫស្សី ក្រុងប៉ោយប៉ែត ។
ហើយនាំយកសាកសួរនៅទីបញ្ជាការដ្ឋានកងរាជអាវុធហត្ថក្រុងប៉ោយប៉ែត តាមបណ្តឹងនិងចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីអនុវត្តន៍តាមច្បាប់៕
ចែករំលែកព័តមាននេះ