នៅប្រទេសចិនកាលពីពេលថ្មីៗកន្លងមក មានរៀបចំព្រឹត្តិការណ៍គួរឱ្យចាប់អារម្មណ៍មួយគឺ ព្រឹត្តិការណ៍ប្រកួតជ្រើសរើសនារីដ៏ស្រស់ស្អាត សម្រាប់សេដ្ឋីយកធ្វើភរិយា។ ព្រឹត្តិការណ៍នេះរៀបចំឡើងនៅតំបន់លំហែកាយមាត់សមុទ្រក្នុងទីក្រុងវូហាន ដោយមាននារីដែលសុទ្ធតែមានសម្រស់ស្អាតគួរឱ្យទាក់ទាញជាច្រើននាក់ចូលរួម ។
សំបុត្រចូលរួមក្នុងព្រឹត្តិការណ៍នេះមានតម្លៃ៩៩.៩៩៩យន់ ប្រហែល១៩.១៨៦ដុល្លារអាមេរិក ។ លើសពីនេះទៅទៀត បុរសដែលចង់ចូលរួមព្រឹត្តិការណ៍នេះត្រូវតែបំពេញលក្ខខណ្ឌដូចជា ត្រូវតែមានទ្រព្យសម្បត្តិមានតម្លៃលើសពី៣០លានយន់ ប្រហែល៥,៨លានដុល្លារអាមេរិក ឡើងទៅ ឬមានប្រាក់ចំណូល១លានយន់ ប្រហែល១៩១.៨០០ដុល្លារអាមេរិកក្នុងមួយឆ្នាំ។
ព្រឹត្តិការណ៍នេះមើលទៅហាក់ដូចជាពិធីបង្ហាញម៉ូដប៉ុណ្ណោះ ប៉ុន្តែតាមពិតមិនមែនដូច្នេះទេ វាគឺជាព្រឹត្តិការណ៍ស្វែងរកភរិយាឱ្យសេដ្ឋីចិន ។ នារីដែលចូលរួមព្រឹត្តិការណ៍នេះតម្រូវឱ្យស្លៀកសម្លៀកបំពាក់ប៊ីគីនី ហើយដើរបង្អួតភាពស្រស់ស្អាតរបស់ពួកនាងនៅមុខអ្នកចូលរួម ៕
ចែករំលែកព័តមាននេះ