ខេត្តបន្ទាយមានជ័យ ៖ ក្រោយជួបឧបស័គខាងមុខ មានរថយន្តតូចធំ និងម៉ូតូឈប់ព្រោងព្រាតនៅពេលរថភ្លើងបើកឆ្លងកាត់ ប្តីប្រពន្ធ២នាក់សុខចិត្តលះបង់បើករថយន្តធ្លាក់ផ្លូវ បណ្តាលឱ្យគ្រោះថ្នាក់ខ្លួនឯងកៀបជាប់ក្នុងកាប៊ីនរថយន្តធុនធំ ។ ហេតុការណ៍ខាងលើនេះកើតឡើងនៅថ្ងៃទី២១ ខែកុម្ភៈ…
ខេត្តបន្ទាយមានជ័យ ៖ ក្រោយជួបឧបស័គខាងមុខ មានរថយន្តតូចធំ និងម៉ូតូឈប់ព្រោងព្រាតនៅពេលរថភ្លើងបើកឆ្លងកាត់ ប្តីប្រពន្ធ២នាក់សុខចិត្តលះបង់បើករថយន្តធ្លាក់ផ្លូវ បណ្តាលឱ្យគ្រោះថ្នាក់ខ្លួនឯងកៀបជាប់ក្នុងកាប៊ីនរថយន្តធុនធំ ។
ហេតុការណ៍ខាងលើនេះកើតឡើងនៅថ្ងៃទី២១ ខែកុម្ភៈ ឆ្នាំ២០២៥ នៅផ្លូវវាងក្រុងស្ថិតភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។
មន្ត្រីនគរបាលប៉ុស្តិ៍សង្កាត់ទឹកថ្លាបានប្រាប់ថា មុនពេលកើតហេតុ មានរថយន្តធុនធំ មួយគ្រឿង មានដឹកខ្សាច់ពេញ ធ្វើដំណើរពីខេត្តពោធិ៍សាត់ ក្នុងគោលដៅទៅក្រុងប៉ោយប៉ែតបានបើកបរលឿនផ្លូវកោងខ្លាំងមើលមិនឃើញ ហើយជួបឧបសគ្គពីមុខ ដោយរថយន្តម៉ូតូចតពីមុខរង់ចាំឆ្លងផ្លូវរថភ្លើង ដែលកំពុងឆ្លងកាត់ ក៏បានបើកបររថយន្តធ្លាក់ផ្លូវចូលទឹកប្រឡាយកំពិតកាប៊ីនបណ្តាលឱ្យកៀបជាប់២នាក់ប្តីប្រពន្ធ ក្នុងរថយន្តត្រូវបានអ្នករស់ក្បែរ និងធ្វើដំណើរឃើញជួយអន្តរាគមន៍សង្គ្រោះ ដោយគាស់កាប៊ីនយកចេញសង្គ្រោះទៅកាន់មន្ទីពេទ្យ។
មន្ត្រីនគរបាលប៉ុស្តិ៍បានបញ្ជាក់ថា ខណៈគ្រោះថ្នាក់ចរាចរណ៍កើតឡើង ពិតជាកោតសសើរចំពោះការលៈបង់ខ្ពស់របស់ប្តីប្រពន្ធទាំង២នាក់ ដែលបើកបររថយន្តដឹកខ្សាច់ សុខចិត្តគ្រោះថ្នាក់ខ្លួនឯង មិនអោយប៉ះពាល់ដល់អ្នកដ៍ទៃ ព្រោះចំណុចគ្រោះផ្លូវកោងខ្លាំងមើលមិនឃើញ នៅពេលបើកលឿនបានជួបឧបសគ្គពីមុខមានរថយន្តតូចធំម៉ូតូចតរង់ចាំឆ្លងផ្លូវនៅពេលដែលរថភ្លើងឆ្លងកាត់ សុខចិត្តបើករថយន្តធ្លាក់ផ្លូវមិនអោយប៉ៈពាល់ដល់អ្នករួមដំណើរលើដងផ្លូវ។
មន្ត្រីនគរបាលប៉ុស្តិ៍បានបញ្ជាក់ថា ហេតុការណ៍គ្រោះថ្នាក់ចរាចរណ៍ បណ្តាលឱ្យរបួសស្រាល២នាក់ប្តីប្រពន្ធដែលបើកបររថយន្តដឹកខ្សច់ ចំណែករថយន្តកំពិតការប៊ីន ធ្លាក់ចូលទឹកប្រឡាយមុខលូចាក់ខ្សាច់ចូលទឹកអស់ និងបុកបាក់បង្គោលខ្សែភ្លើង១ដើម ផ្លាកសញ្ញាឆ្លងកាត់ដែក២ផ្ទាំងនិងបង្គោលការពារផ្លូវកោង២ទៅ៣ដើម ។
ក្រោយពិនិត្យនិងវាស់វែងរួច រថយន្តត្រូវស្ទូចយកអូសទៅរក្សាទុកស្នងការដ្ឋាននគរបាលខេត្តបន្ទាយមានជ័យ ដើម្បីដោះស្រាយសំណងខូចខាតទ្រព្យសម្បត្តិរដ្ឋ៕
ចែករំលែកព័តមាននេះ