រាជធានីភ្នំពេញ ៖ បុរសជាអ្នកបើកបរគ្រឿងម្នាក់ ត្រូវរថយន្តមិនស្គាល់ម៉ាក មួយគ្រឿង បើកបុកពីក្រោយពេញទំហឹង បណ្ដាលឲ្យអូសជាច្រើនម៉ែត្រ ហើយស្លា.ប់នៅកន្លែង រួចរថយន្តបង្ក បានបើកគេចបាត់…
រាជធានីភ្នំពេញ ៖ បុរសជាអ្នកបើកបរគ្រឿងម្នាក់ ត្រូវរថយន្តមិនស្គាល់ម៉ាក មួយគ្រឿង បើកបុកពីក្រោយពេញទំហឹង បណ្ដាលឲ្យអូសជាច្រើនម៉ែត្រ ហើយស្លា.ប់នៅកន្លែង រួចរថយន្តបង្ក បានបើកគេចបាត់ ។
ហេតុការគ្រោះថ្នាក់នេះ កើតឡើងកាលពីវេលាម៉ោង១២និង៥០នាទីថ្ងៃត្រង់ ថ្ងៃទី២០ ខែកុម្ភៈ ឆ្នាំ២០២៥ នៅតាមបណ្ដោយមហាវិថីឈ្នះឈ្នះ នៅក្នុងភូមិកប់ស្រូវធំ សង្កាត់គោករការ ខណ្ឌព្រែកព្នៅ រាជធានីភ្នំពេញ ។
ជនរងគ្រោះ ដែលបានស្លា.ប់ក្នុងគ្រោះថ្នាក់នេះ មានឈ្មោះ សុខ សម្បត្តិ អាយុ២០ឆ្នាំ ជាអ្នកបើកគ្រឿងចក្រ នៅការដ្ឋានសាងសង់ក្រសួងការពារជាតិ នៅតំបន់បឹងតាមោក ស្នាក់នៅភូមិថ្មី ឃុំស្វាយអំពារ ស្រុកមុខកំពូល ខេត្ដកណ្ដាល ។
តាមព័ត៌មានឱ្យដឹងថា នៅមុនពេលកើតហេតុ ជនរងគ្រោះ បានជិះម៉ូតូម៉ាកហុងដាឌ្រីមសេ១២៥ ពាក់ស្លាកលេខ កំពង់ធំ 1M-0977 ជិះតែម្នាក់ឯង ធ្វើដំណើរតាមមហាវិថីឈ្នះឈ្នះ ក្នុងទិសដៅពីកើត ទៅលិច ។ នៅពេលមកដល់ចំណុចកើតហេតុ ស្រាប់តែមានរថយន្តមួយគ្រឿង ធ្វើដំណើរស្របទិសគ្នា មកបុកពីក្រោយពេញទំហឹង បណ្ដាលឲ្យជនរងគ្រោះអូសជាច្រើនម៉ែត្រ ហើយបាត់បង់ជីវិតនៅនឹងកន្លែង។ បន្ទាប់ពីបុកមនុស្សរួច រថយន្តបង្ក ដែលពុំមានសាក្សីណា បានឃើញច្បាស់នោះ ក៏បានបើកគេចបាត់ ។
គួរបញ្ជាក់ថា នៅតាមបណ្ដោយមហាវិថីឈ្នះឈ្នះ នៅក្នុងសង្កាត់គោករការ ខណ្ឌព្រែកព្នៅ មួយរយៈនេះ ជនរងគ្រោះ ត្រូវបានរថយន្តបុកស្លា.ប់ជាបន្តបន្ទាប់ ចំនួន៣នាក់មកហើយ ។ ហើយរថយន្តបង្ក បានគេចបាត់ ដោយពុំស្គាល់អត្តសញ្ញាណឡើយ ។ ដោយសារតែតំបន់នេះ ស្ងាត់ពុំសូវមានមនុស្សរស់នៅអ៊ូអរនៅឡើយ ។
ស.ពត្រូវបានក្រុមគ្រួសារបញ្ជូនទៅកាន់ស្រុកមុខកំពូល ធ្វើបុណ្យតាមប្រពៃណី ។ ចំណែកម៉ូតូ ត្រូវបានមន្ត្រីនគរបាល នាំយកទៅរក្សាទុកនៅអធិការដ្ឋានខណ្ឌព្រែកព្នៅ ដើម្បីបន្តនីតិវិធី ៕
ចែករំលែកព័តមាននេះ